2 Abhakörintö 5:17 - Imuuma Eehya

¹⁷ Hano ömöntö yaabha na öbhömwë na Yëësu Kiristo, nkobha arë ömöntö omohya, amangʼana agha kare ghaaheta, bhoono na-mangʼana amahya ghaaho.

2 Abhakörintö 5:17 ပူးပေါင်းရင်းမြစ်များ

Mataayo 12:33

Yëësu akaghëndërrya okoghamba igha, “Ömötë umuuya, sehagho isyako syonswe ni-nshiiya. Kasi ömötë omoghogho, sehagho isyako syonswe ne-ngogho. Ku bhuyö ömötë umuuya handë omoghogho, nkoghomanyera örë ko-sehagho isyako.

Mataayo 24:35

Ekebhara na ighörö iyö, mbereheta, kasi amangʼana aghaane, ngarëghëndërrya okobha-ho igho kughya iyö.”

Ruuka 5:38

Idivai eehya, ni-igha etoorwe mo-bheghansha ebhehya.

Yohana 14:20

Urusikö roora hano rurihika, hayö ho moremanya igha, öni m-mönsë iya Taata ndë, na bhëënyu bhonswe m-mönsë iyaane mörë, na öni m-mönsë iyëënyu ndë.

Yohana 15:2

Kera risagharya reno retakwama sehagho na mbe nku-öni rërë, Taata nkuriruusya arë ku-öni. Kasi kera risagharya reno rikwama sehagho, Taata nkoreharörrya arë, okore ryame bhököngʼu.

Yohana 15:5

“Öni no-mozabhibhu ndë, na bhëënyu na amasagharya aghaane mörë. Ono araabhe na öbhömwë na öni, na öni mbe ëkëntö ëkëmwë nawe, naraame bhököngʼu, ko bhoora hano motaabhe hamwë na öni, temokore engʼana hë.

Yohana 17:23

öni neena öbhömwë nabho, na uwe noona öbhömwë na öni. Ku bhuyö nkosabha ndë bhahekeranibhwi kö-bhömwë ubhwabho. Engʼana iyö yo eraaghere abhantö abha ko-kebhara kono bhamanye igha, nu-uwe waantoma, okahansha abhasoorani abhaane bhayö, kya bhono onhanshirë.

Yohana 3:3

Yëësu akamohonshora igha, “No-bhoheene nkökötëëbhya, taaho ömöntö ono akotora okosoha mo-Bhokama ubhwa Waryobha hano ataibhööywë urwa kabhërë.”

Yohana 3:5

Yëësu akamohonshora igha, “No-bhoheene nkökötëëbhya igha, taaho ömöntö ono akotora okosoha mo-Bhokama ubhwa Waryobha, hano ataibhööywë okohetera ko-manshë, na okohetera Umwika Ömöhörëëru.

Abharuumi 16:10

Mönkëërri Apere, ono yaashaashwa bhököngʼu kora akaikërribhwa na Yëësu Kiristo. Mönkëërri na abhantö abha Arisitobhuuro.

Abharuumi 16:11

Mönkëërri Herodioni, Umuyahudi murikyane. Mönkëërri abhantö abha Narikiso bhano bhakukumya Omonene uwëëtö Yëësu Kiristo.

Abharuumi 16:3

Mönkëërri abhaköri abha emeremo bharikyane, bhaabho Purisika bhaana mushaasha uwaaye Akiira. Bhayö bhonswe m-baköri abha emeremo abha Kiristo Yëësu.

Abharuumi 16:7

Mönkëërri Andurönikö na Yunia, Abhayahudi bharikyane bhayö, bhaabhöhirwë mo-kebhohe hamwë na öni. Mbaantangatëëyë ukukumya Yëësu Kiristo. Abhantö bhayö mbamanyëkaini bhököngʼu mo-bhatomwa.

Abharuumi 16:9

Mönkëërri Urubhano ömököri uwa emeremo murikyëtö ku-Yëësu Kiristo, mönkëërri na Sitaaku omoghonshe uwaane.

Abharuumi 7:6

Twaarenga töghöötërrëëywë na maraghërryö. Kasi bhoono twaakwa hamwë na Yëësu Kiristo, ensonga iyaamo ni-igha, totashööywë ukurwa ko-maraghërryö. Bhoono tetokokorra Waryobha emeremo ko okohetera amaraghërryö agha kare ghaara, kasi nkomokorra törë emeremo ko-nshera eehya iya okotangwatwa na Umwika Ömöhörëëru.

Abharuumi 8:1

Mbe, bhoono ni-igha, Waryobha taashibhi abhantö bhano bhaana öbhömwë na Kiristo Yëësu.

1 Abhakörintö 1:30

Waryobha we abhaghootaini hamwë na Kiristo Yëësu. Uyö, we Waryobha yaamokora abhe obhongʼaini kö-bhëëtö, bhono bhukurwa ku-Waryobha, obhoheene, esaabhuuro na ubhutungurya ubhwa ëbhëbhë ibhyëtö.

1 Abhakörintö 13:11

Hano naarë omoona moke, ukushumaasha ukwane n-kwa ikyana kwaarë, na-mangʼana agha ikyana ngo naamanyirë, amaitegherro aghaane n-ga ikyana ghaarë, kasi bhoono nabhaayë ömöntö mökörö, natighirë amangʼana agha ikyana.

2 Abhakörintö 12:2

Mmanyirë Umukiristo ömwë, Umukiristo uyö, yöönyööywë ukughya ighörö iyö, imyoka ikömi na inye gheno ghyaaheta. Yaainyökiibhwi, akihikibhwa mu-ryobha irya katatö, hanga yaainyökiibhwi arëngë mö-möbhërë ughwaye muyö, hanga yaaghëëyë igho atarëngë mö-möbhërë ughwaye muyö, Waryobha we amanyirë. Kasi öni temanyirë hë.

2 Abhakörintö 5:16

Ku bhuyö ukusimirya bhoono igho, tetokorengʼaania ubhwera ubhwa ömöntö ko amangʼana agha kinyabhantö, nokaanyoora ekembere ntwaarengʼaaninga kora Yëësu Kiristo ko amangʼana agha kinyabhantö. Kasi bhoono igho, ti-igho tokokora hë.

2 Abhakörintö 5:19

Nkwo okoghamba igha, Waryobha yaaighwerranianga abhantö nawe, ko okohetera ku-Yëësu Kiristo, atakobhabharra obhosarya ubhwabho. Kora ghwiki atohaayë emeremo ighya okoraareka amangʼana ghayö agha ubhwighwerrani.

2 Abhakörintö 5:21

Yëësu Kiristo të-mököri uwa ëbhëbhë yaarë hë, kasi Waryobha yaamobharëëyë ëbhëbhë ibhyëtö bhyonswe igho, okore bhëëtö tobhe abhantö abha heene ku-Waryobha ko okohetera ku-uyö.

Abhagharatia 3:28

Mbe, Umuyahudi na ömöntö ono atarë Umuyahudi, bhonswe igho n-këntö këmwë, omoghorwa bhaana ömötöönööni, umushaasha na omokari, bhonswe igho n-këntö këmwë mörë, ko bhoora moghootaini na Kiristo Yëësu.

Abhagharatia 5:6

Mbe hano oraanyoore igha ntoghootaini na Kiristo Yëësu, okosaarwa, handë ukwanga okosaarwa, tekoona omoremo ghoghonswe igho hë, ekenene, nu-mukumo ghono ghokokora emeremo ku righonshe.

Abhagharatia 6:15

Okosaarwa handë ukwanga okosaarwa, ghonswe igho teghaana ubhwera bhwobhwonswe bhoora hë. Ëkëntö ekenene, no-kobhombwa bhohya na Waryobha.

Abhaëfësö 2:10

Ko bhoora igha Waryobha yaatobhomba, na kö bhömwë ubhwëtö na Kiristo Yëësu, yaatobhomba bhohya, okore eteemo iyëëtö ebhe iya okokora amangʼana amaiya ghano yaatösëëmëëyi ukurwa kare igha toghakore.

Abhaëfësö 2:15

Ghwiki akaruusya-ho amaraghërryö, imighiro ighya Waryobha na seteemo syonswe igho isya amaraghërryö agha Mosa. Akakora bhohya amakomo abhërë ghayö agha abhantö, Abhayahudi na Abhakyaro, bhakabha ëkëntö këmwë, ku bhuyö akabhareetera omorembe.

Abhafiripi 4:21

Mökëëri abhantö abha Waryobha bhonswe igho bhano bhakukumya Kiristo Yëësu. Abhakumya bhano bhakutighinkana hamwë na öni hano, bhonswe bharabhakëërya.