2 Abhakörintö 5:14 - Imuuma Eehya

¹⁴ Righonshe irya Yëësu Kiristo, nkototangata rërë, ko bhoora ntomanyirë igha, ömöntö ömwë yaakuurë ko okoghera iya abhantö bhonswe igho, ensonga yaamo ni-igha, abhantö bhonswe igho mbaakuurë.

2 Abhakörintö 5:14 ပူးပေါင်းရင်းမြစ်များ

Mataayo 20:28

N-kya bhoora öni Omoona uwa Ömöntö, tenaasha igha abhantö bhantighinkanere hë, kasi naasha igha, ntighinkanere abhantö, na ukwiruusya öbhöhöru ubhwane, okore ntunguri abhantö abhaaru.”

Ruuka 15:24

Ko bhoora mura uwaane ono, yaarenga kya ono akuurë, kasi bhoono m-möhöru. Yaarenga asirrë, kasi bhoono atöökirë.’ Ho bhayö bhonswe igho, bhakarya inyangi iyö, bhashömëëywë.

Ruuka 15:32

Kasi mura uwëënyu ono, ni-igha tomokorre inyangi, tushomerwe hamwë bhonswe igho. Ko bhoora, yaarenga kya ono akuurë, kasi bhoono m-möhöru. Yaarenga asirrë, bhoono atöökirë.’ ”

Ruuka 24:29

Kasi, abheene bhakamosaasaama bhököngʼu aikare nabho hayö, bhakamötëëbhya igha, “Otaikara na bhëëtö hano, tokomaaha bhwirrë, kora ikisuntë keraasha.” Bhoono mbe akasoha mu-nyumba, akaghösörya nabho.

Yohana 1:29

Urusikö rono rwaarööbhëëyë, Yohana yaarööshë Yëësu araasha ko-we. Akatëëbhya abhantö bhano bhaarenga haara igha, “Maaha, uyö we Omoona Ringʼöndi uwa Waryobha, ono akuruusya-ho ëbhëbhë ibhya ko-kebhara kono!

Yohana 11:25

Yëësu akamohonshora igha, “Öni nö-öni ukuryoka kuyö, ghwiki nö-öni öbhöhöru. Ömöntö ono akunkumya, nakaakwa, naraaghëndërri okobha ömöhöru.

Yohana 5:25

No-bhoheene nkobhatëëbhya igha, enkaagha eraasha, kora bhoono ihikirë, eno abhaku bharaaighwe engamba iya Omoona uwa Waryobha. Abhaku bhano bharaaighwe engamba iyö, mbaraabhe na öbhöhöru.

Amangʼana agha Abhatomwa 18:5

Mbe, hano Siira na Timoteo bhaangʼaaraarrë ukurwa Makedonia ukuusha Körintö, Pauro akahengera mo-Bhayahudi ököbhëëghya engʼana iya Waryobha senkaagha syonswe igho. Akaimererra igha Yëësu we Kiristo.

Abharuumi 2:2

Bhëëtö ntomanyirë igha, okobhotora ikiina ukwa Waryobha, n-kwa heene kö-möntö ono akokora amangʼana amaghogho kya ghayö.

Abharuumi 5:15

Kasi riragha irya ëkëbhë keno Adamu yaakörrë, ne-ngʼana enke bhököngʼu hano wagherengʼania na örööbhö urwa Waryobha rono Yëësu Kiristo yaatoreetera. Örööbhö urwa Waryobha ruyö, teroona ekerengere hë. Maaha mbe igha, Adamu yaareetera abhantö uruku, ko okoghera iya ëkëbhë ikyaye. Kasi Yëësu Kiristo, we yaareetera abhantö örööbhö urwa ukwabherwa ëbhëbhë ibhyabho, bhanyoore öbhöhöru.

Abharuumi 6:13

Motakaikërrya imyaho ighya ëmëbhërë ighyënyu ghekorenga amangʼana amaghogho agha ëbhëbhë. Kasi mwibhati ku-Waryobha, ko bhoora mobhaayë kya bhano muryökiibhwi na Waryobha, kora abhasöhëri mö-bhöhöru obhohya. Mobhati imyaho ighya ëmëbhërë ighyënyu ku-Waryobha, okore imyaho ighyënyu ghiyö, ghekorenga amangʼana agha heene.

Abharuumi 6:6

Ntomanyirë igha eteemo iyëëtö iya kare eera, yaahanëkirwë ko-mosarabha hamwë na Yëësu Kiristo. Yaabhaayë igho, okore eteemo iyëëtö iya kare eera, etakaatobhaaha, na okotokora tobhe abhaghorwa abha ëbhëbhë.

1 Abhakörintö 16:22

Ömöntö wowonswe ono atahanshirë Omonene Yëësu Kiristo, aihiimwe. Maranata!

1 Abhakörintö 2:14

Mbe, ömöntö ono ataana Umwika uwa Waryobha, uyö takotora okoghoota amangʼana ghano ghakurwa ku-Mwika uwa Waryobha, ko bhoora uyö, nkomaaha arë amangʼana ghayö igha, n-ga ekekangi. Kora taatore okoghamanya hë, ko bhoora nkomanywa gharë ko obhotoro ubhwa Umwika Ömöhörëëru.

2 Abhakörintö 3:7

Amaraghërryö ngaatöörrwë-ho ku ukwandekwa ko-sembaau isya amaghena. Nokaanyoora ngaamarrë ghakareeta uruku, kasi ubhuhika ubhwako, m-bonene bhököngʼu bhwaarë, kora Abhaisiraëri tebhaatörrë okomaaherra ubhusyö ubhwa Mosa, ko okoghera iya emerengaari ighya-ko. Emerengaari ghiyö, n-gya ibhagha ike igho ghyaarë. Mbe, hano okomaaha igha emeremo ighya keera kyaarëëtirë uruku, nkyaarenga na emerengaari ëmërörö bhököngʼu,

2 Abhakörintö 3:9

Hano okomaaha igha, omoremo ughwa okobhotorra abhantö ikiina ngoona ubhuhika ubhwako, bhoono n-kwakë omoremo ghono ghokoghera abhantö bharakorwa okobha abha heene ku-Waryobha, ghwange okobha na ubhuhika obhonene bhököngʼu?

Abhagharatia 2:20

Esemoko iya öbhöhöru ubhwane bhoora ubhwa kare, mbwaahanekwa hamwë na Kiristo ko-mosarabha. Bhoono m-möhöru ndë, kora tö-öni hë, kasi Kiristo we öbhöhöru ubhwane bhono bhörëngë ku-öni. Öbhöhöru bhono neenabho enkaagha eno, nneenabho ku ukukumya Omoona uwa Waryobha. Omoona uwa Waryobha uyö yaanhanshirë, akairuusya öbhöhöru ubhwaye, akantöörya.

Abhaëfësö 6:24

Örööbhö urwa Waryobha robhe kö-bhëënyu bhonswe igho, bhano mohanshirë Omonene uwëëtö Yëësu Kiristo, ku righonshe reno retakohwa röndë.

Abhakorosaai 2:13

Bhëënyu n-kya abhaku mwaarë ko okoghera iya ëbhëbhë ibhyënyu, kora temwarenga moraasaarwa esaaro iya ëbhëbhë ibhëënyu. Kasi Waryobha yaabhahaana öbhöhöru hamwë na Kiristo, hano yaatwabhëëyë ëbhëbhë ibhyëtö bhyonswe igho.

Abhakorosaai 3:3

Ko bhoora bhëënyu mwaakwa ko mangʼana ghayö. Öbhöhöru ubhwënyu bhoono hamwë bhörë na Kiristo ku-Waryobha. Kasi tebhokomaahekana ko-bhantö abhandë hë.

1 Timoteo 2:6

Yëësu uyö, yaairuusiri umwene igha akwe, okore atunguri abhantö bhonswe igho. Kiyö nkyo ekemanyërryö keno Waryobha yaatohaayë ko-nkaagha eno umwene yaasëëmëri.

1 Timoteo 5:6

Kasi umusinö ono ahanshirë oronamba urwa ko-kebhara kono, uyö n-kya ömöntö ono yaakwa nokaanyoora igha m-möhöru, ko bhoora taana ubhwighwerrani na Waryobha hë.

Tiito 3:3

Kora bhëëtö bhonswe kare hayö, hano waanyöörrë totaraakumya Yëësu, m-bakangi twaarë, abhatëëyu, kora ntwaangʼainirwë, tokabha abhaghorwa abha oronamba, na amangʼana amaaru agha ko-kebhara kono, ghano ghaaturutanga. Tokabha abhantö abhaghogho na abha orongʼeera. Tokabha abhantö abha okoreghana na abhantö abhandë.

Abhaëbhuraania 2:9

Kasi nkomaaha törë Yëësu Kiristo ono ku-ribhagha ike igho, Waryobha yaamokora abhe omoke okokera abhamaraika. Uyö we yaatoorrwa ko-motwe ikirighi ikya ubhuhika na okosookwa, ko okoghera iya ököghömërrya öbhörrö ubhwa uruku. Waryobha yaakörrë igho, okore kö örööbhö urwaye, Yëësu akwe ko okoghera iya ökötöörya abhantö bhonswe igho.

Abhaëbhuraania 6:10

Ko bhoora Waryobha wa heene, taatore ukwebha emeremo ighyënyu gheno mwaakora, na righonshe reno mwöörökya ko okoghera iya we, ku ukutighinkanera abhahörëëru, na kora bhoono nköghëndërrya mörë okobhatighinkanera.

1 Peetero 1:8

Bhëënyu temwakaamörööshë hë, kasi momohanshirë. Kora nokaanyoora igha temokomomaaha bhoono igho hë, kasi nkumukumya mörë. Ku bhuyö, nkushomerwa mörë bhököngʼu moona ubhuhika bhono bhotakoghambwa,

1 Yohana 5:19

Ntomanyirë igha, bhëëtö m-baana abha Waryobha törë. Kasi abhantö abhandë bhonswe igho bhano bhatakwighwera Waryobha, bhayö nkobhaahwa bharë na Oghosambwa.