2 Abhakörintö 5:1 - Imuuma Eehya

¹ Ëmëbhërë ighyëtö gheno too-mo ko-kebhara hano, n-kya ibhighutu. Bhëëtö ntomanyirë igha, hano ibhighutu bhiyö bheresareka, Waryobha naretohaana sinyumba seno sërëngë mu-ryobha, isya amakora ghonswe igho, seno setakohaghaashwa na ömöntö.

2 Abhakörintö 5:1 ပူးပေါင်းရင်းမြစ်များ

Maariko 14:58

“Twaaighuurë ömöntö ono araghamba igha, ‘Ndatora okotemora inyumba iya Waryobha eno yaahaghaashwa na abhantö, mmare nhaghaashe iyëndë ku-sinsikö isatö igho, eno etakohaghaashwa na abhantö.’ ”

Amangʼana agha Abhatomwa 7:48

“Kasi Waryobha ono arëngë kighörö iya bhyonswe, takomenya mu-nyumba yoyonswe eera hë. N-kya bhono ömörööti yaaghambirë igha,

1 Abhakörintö 3:9

Nkoghamba ndë igho ko bhoora bhëëtö m-baköri abha emeremo abha Waryobha törë, na ömöghöndö ughwa Waryobha, m-bëënyu, kora m-bëënyu inyumba iyaaye.

2 Abhakörintö 4:7

Bhëëtö bhano toona emongo iyö, ntonga kya ëbhëntö bheno bhyaabhombwa ukurwa ku-rirobha. Ku bhuyö emanyekane igha, obhotoro ubhwa ököröghöörya bhono toonabho, nku-Waryobha bhukurwa, tu-bhwëtö hë.

2 Abhakörintö 5:4

Ku bhuyö ni-igha, enkaagha eno tökërëngë mu-bhighutu ibhyëtö bheno, nkunyanka törë ko bhono amangʼana m-maaru tokoghania. Tërëngë igha bhoono hayö nkutuna törë turuusibhwi ëmëbhërë gheno ghikukwa, kasi keno tukutuna, nö-kötööribhwa ëmëbhërë gheno ghetakukwa, okore ëmëbhërë gheno ghikukwa, ghemerwe na ëmëbhërë gheno ghetakukwa.

Abhakorosaai 2:11

Hano mwaabhaayë na öbhömwë na Kiristo, mwaangʼaabhööyë esemoko iya öbhököri ubhwa ëbhëbhë, Yëësu Kiristo akabhasaara. Yaabhasaarrë esaaro eno etakosaarwa na abhantö, kasi we umwene akoghekora.

2 Timoteo 1:12

Kiyö nkyo kekoghera ndanyanka. Kasi tenkosookera inyanko iyö hë, ko bhoora nemanyirë ono naakumya. Ghwiki nemanyirë igha, amangʼana agha obhoheene ghano Yëësu Kiristo yaangʼaana, nkogharenda arë bhuuya okohekera urusikö roora arikyora.

Abhaëbhuraania 11:10

Ibhurahimu yaakörrë igho, ko bhoora yaitengʼeranga umughi ughwa imisingi emehangarru, umughi ghono ghwaasëëmibhwa na okohaghaashwa na Waryobha umwene.

Abhaëbhuraania 9:11

Kasi bhoono Yëësu Kiristo, yaasha abhe Omonene uwa abhasëngëri uwa amangʼana amaiya ghano ghaasha. We akokora emeremo ighya öbhösëngëri mu-righutu iriiya bhököngʼu, rihekeranu okokera irya mbere reera. Righutu riyö, tiryakorwa na abhantö hë, ensonga yaamo ni-igha, righutu riyö, ti-irya ko-kebhara kono hë.

Abhaëbhuraania 9:24

Ko bhoora Yëësu Kiristo, tiyaasöhirë Ahasë Ahahörëëru aha Ahahörëëru, haara haana ituubho iya aha mu-ryobha, hano haakorwa na abhantö, kasi yaasöhirë mu-ryobha aheeneheene, okore amaahekane ku-Waryobha ko okoghera iya bhëëtö.

1 Peetero 1:4

Bhoono nkoghanya törë umwandö ghono Waryobha abhëëkirë mu-ryobha iyö, ko okoghera iya abhantö abhaaye. Obhongʼoore bhuyö, tibhukughunda hë, tebhokosareka hë, handë ukwoma.

2 Peetero 3:11

Mbe, ko bhoora ëbhëntö bhyonswe igho ni-igho bhirisika, bhoono bhëënyu, n-teemo kë mokaabha nayo ko-kebhara kono? Ni-igha mobhe abhahörëëru, mosooke Waryobha.

1 Yohana 3:14

Bhëëtö ntomanyirë igha, twaarwa mu-singuru isya uruku, na bhoono ntoona öbhöhöru ubhwa amakora ghonswe igho. Ntomanyirë igho, ko bhoora ntohanshirë abhakumya bharikyëtö. Ömöntö wowonswe igho ono ataana righonshe, uyö nakëghöötërëëywë na singuru isya uruku.

1 Yohana 3:19

Hano toraahanshane igho, ho toraabhe na obhoheene igha m-bantö abha heene törë, kora senkoro isyëtö nseraatereme ku-Waryobha.

1 Yohana 3:2

Abhaghonshe abhaane, ntomanyirë igha, bhoono m-baana abha Waryobha törë, kasi teraamanyekana bhuuya kya bhono torebha hë. Keno tomanyirë ni-igha, hano Yëësu Kiristo arikyora ko-kebhara kono, nturituubhana nawe, ko bhoora ntoremomaaha bhono arë.