2 Abhakörintö 4:9 - Imuuma Eehya

⁹ Nkoteeswa törë, kasi Waryobha hamwë arë na bhëëtö. Nkotemwa törë hansë, kasi titukusikibhwa hë.

2 Abhakörintö 4:9 ပူးပေါင်းရင်းမြစ်များ

Yohana 15:20

Motakeebha ghano naabhatëëbhëri igha, ‘Omoghorwa, taatore okobha omonene kokera omonene uwaaye hë.’ Mbe, nyoore bhaannyankëri, na bhëënyu bhonswe mbaraabhanyanki. Nyoore bhaghöötirë amangʼana aghaane, aghëënyu ghonswe mbaraaghaghoote.

Abharuumi 8:35

N-këntö kë keraatore okorebherra Kiristo atakaatohansha. Kiristo naraaghëndërri okotohansha, ntokaabha mu-nyaanyi indito, handë mu-nyanko, handë mo-mateeso, handë mu-nshara, okobhorwa singibho, okohona ukukwa, handë ukukwa.

2 Abhakörintö 7:6

Kasi Waryobha ömöröörësya uwa bhano bhabhaabhayëëyë, yaatohaayë singuru hano Tiito yaaishirë.

2 Timoteo 3:12

Mbe, bhonswe igho bhano bhakukumya Kiristo Yëësu, na bharatuna igha bhabhe na eteemo iya okosooka Waryobha, bhonswe mbaranyankibhwinga.

Abhaëbhuraania 13:5

Motakaabha na eteemo iya okohansha seehera, mwiswe na bheno moonabhyo, ko bhoora Waryobha umwene yaaghamba igha, “Tinkutighe hë, tinkusuuhe kora hake hë.”