2 Abhakörintö 4:7 - Imuuma Eehya

⁷ Bhëëtö bhano toona emongo iyö, ntonga kya ëbhëntö bheno bhyaabhombwa ukurwa ku-rirobha. Ku bhuyö emanyekane igha, obhotoro ubhwa ököröghöörya bhono toonabho, nku-Waryobha bhukurwa, tu-bhwëtö hë.

2 Abhakörintö 4:7 ပူးပေါင်းရင်းမြစ်များ

Mataayo 13:44

Yëësu akaghëndërrya ukwëghya. Akabhatëëbhya igha, “Obhokama ubhwa Waryobha, mbonga ëkëntö ikya öbhöghöri keno kyaabhisirwë kö-möghöndö. Hano ömöntö uwöndë yaakërööshë, akakibhisa ghwiki. Akashomerwa, akakora omotono ughwa ököghörya ëbhëntö ibhyaye bhyonswe igho, akaghoghora.”

Mataayo 13:52

Ku bhuyö akabhatëëbhya igha, “Umwëghya wowonswe ono amanyirë amaraghërryö agha Waryobha na Obhokama ubhwa Waryobha, uyö n-kya ömöntö ono aana inyumba, eno akuruusya-mo ëbhëntö ibhya kare na ebhehya.”

Yohana 16:33

Mbatëëbhëri amangʼana ghayö, okore mobhe na omorembe ko bhoora moona öbhömwë na öni. Moona inyanko ko-kebhara kono, kasi motakaakwa emetwe, ko bhoora öni nabhaaha ekebhara keno.”

1 Abhakörintö 1:28

Waryobha yaashaaghööyë ëbhëntö ebhetaaniinu na bheno bhekoserwa ko-kebhara kono, amangʼana ghano ghataaho, okore asöökërri ghano ghaaho.

2 Abhakörintö 10:10

Nkoghamba ndë igho, ko bhoora abhantö bhandë nkoghamba bharë igha, “Amatashandighi agha Pauro m-marito kora amangʼana aghaaye ngaana singuru, kasi hano aaho umwene, m-mötëntëëru, kora amashumaasho aghaaye, teghaana ubhwera hë.”

2 Abhakörintö 13:4

No-bhoheene igha, Yëësu Kiristo yaahanëkirwë ko-mosarabha kö-bhötëntëëru ubhwa kinyabhantö, kasi bhoono igho, m-möhöru ko obhotoro ubhwa Waryobha. Amangʼana ni-igho gharë igha, bhëëtö m-batëntëëru törë ku-Yëësu Kiristo, kasi moremaaha igha, ntorebha abhahöru ko obhotoro ubhwa Waryobha.

2 Abhakörintö 4:1

Mbe, ko bhono Waryobha atohaayë emeremo gheno ku ikyabhera ikyaye, titukukwa omotwe hë.

2 Abhakörintö 5:1

Ëmëbhërë ighyëtö gheno too-mo ko-kebhara hano, n-kya ibhighutu. Bhëëtö ntomanyirë igha, hano ibhighutu bhiyö bheresareka, Waryobha naretohaana sinyumba seno sërëngë mu-ryobha, isya amakora ghonswe igho, seno setakohaghaashwa na ömöntö.

2 Abhakörintö 6:10

Ntörëngë kya abhantö bhano bhabhaabhayëëyë, kasi nkushomerwa törë sinsikö syonswe igho. Ntonga kya abhatöbhu, kasi m-baaru tukwamëhya. Ntörëngë kya bhano totaana ëkëntö, kasi ëbhëntö bhyonswe igho, ntoonabhyo.

Abhaëfësö 2:5

Ntwaarë kya abhaku ko okoghera ukwa obhosarya ubhwëtö, akatohaana öbhöhöru obhohya kya bhono yaahaana Yëësu Kiristo. Amaabhë agha Waryobha, ngo ghaaghërrë akabhatöörya.

Abhaëfësö 3:8

Öni m-möntö moke ndë ko-bhantö abhahörëëru bhonswe igho abha Waryobha, kasi naahaaywë örööbhö urwa amaabhë aghaaye, okore ndaarekere Abhakyaro ubhwamë ubhwa Yëësu Kiristo. Ubhwamë bhuyö, tebhoona ekerengere hë. N-këköngʼu okomanyërribhwa na abhantö.

Abhakorosaai 1:27

Bhayö mbo Waryobha yaahanshirë igha abhahonyorre engʼana enene iyö iya ubhuhika eno yaakörrë ko okoghera iya Abhakyaro. Engʼana iya ikibhisirë iyö yo Kiristo ono arëngë mo-senkoro isyënyu, ghwiki we akobhahaana ubhweseghe igha moraasange ubhuhika ubhwa Waryobha.

Abhakorosaai 2:12

Mbe, hano mwaabhatiisiibhwi, mwaakurë hamwë na Kiristo, kora ghwiki mokaryoka hamwë nawe ko bhoora mwaaisëghirë obhotoro ubhwa Waryobha ono yaamuryökëri ukurwa mo-bhaku.

Abhakorosaai 2:3

Ku-Yëësu nko emongo iya imbumbure yonswe igho iya obhongʼaini na obhomanyi ërëngë.

1 Abhatësarönikë 1:5

Ntomanyirë igha, Amangʼana Amaiya ghano twaabharaarëkëëyë, te-mangʼana agheene igho ghaarë hë, kasi ntwaaraarëkirë ku singuru, na okohetera ku-Mwika Ömöhörëëru, eno toona obhoheene igha, amangʼana ghayö na-agha obhoheene. Bhëënyu mmönyirë bhuuya kya igho twaarë hamwë na bhëënyu, okore tobhatöörri.

1 Abhatësarönikë 4:4

Bhëënyu bhonswe igho ni-igha mwihoosherre, kö öbhöhörëëru na ukwisooka.

2 Timoteo 2:20

Mu-nyumba enene, bherabhanga-mo ëbhëntö ibhya seteemo nsharu, ëbhëntö ibhya esahaabhu na ibhya seehera, kora ibhya amatoto na ibhya ëmëtë. Ibhyëndë ni-ibhya okokorra emeremo ëmëhagharë, kasi ibhyëndë m-bya okokorra emeremo ghyoghyonswe gheno ghetarëngë ëmëhagharë.