2 Abhakörintö 4:4 - Imuuma Eehya

⁴ Amangʼana Amaiya teghakomanyekana ko-bhantö bhayö, ko bhoora Oghosambwa, oghokama ughwa ekebhara keno, ghoroghaini emetwe ighya abhantö bhano bhatakukumya. Nkyo kekoghera bhatakomaaha obhorabhu ubhwa Amangʼana Amaiya agha emerengaari ighya Yëësu Kiristo, uyö we ituubho iya Waryobha.

2 Abhakörintö 4:4 ပူးပေါင်းရင်းမြစ်များ

Mataayo 13:22

Ëkërëngyö ikya seheke isya imbusiro seera syaaghööyë mo-maanyamahwa, siyö no-oora akwighwa engʼana iya Obhokama ubhwa Waryobha, kasi abha na ehaho iya amangʼana amaaru na ukutuna ukwaye ubhwamë, komongʼaina. Ku bhuyö takukumya bhököngʼu engʼana iya Obhokama ubhwa Waryobha hë.

Yohana 1:14

Mbe, uyö akobherekerwa igha Engʼana, yaabhaayë ömöntö, kora akaikara mö-bhëëtö. Tokamaaha ubhuhika ubhwaye, ubhuhika ubhwa Omoona umumwëmwë ono akurwa ko-Taata, aishööyë örööbhö na obhoheene.

Yohana 1:18

Taaho ömöntö ono yaamaaha Waryobha hë. Kasi Omoona umumwëmwë, ono ghwiki ërëngë igha we Waryobha, ono aana öbhömwë na Taata Waryobha, uyö we yaaghërrë tokamanya Waryobha.

Yohana 12:31

Bhoono enkaagha iya Waryobha iya okobhotorra ekebhara keno ikiina, ihikirë. Bhoono Oghosambwa ghono ghokotonga ko-kebhara kono, ngoraatabhutwe kebhara iyö.

Yohana 12:35

Yëësu akabhatëëbhya igha, “Obhorabhu mbökërëngë hamwë na bhëënyu ku-ribhagha ike igho. Möghëndërri okoghenda mo-merengaari ighya obhorabhu bhuyö, okore ikisuntë ketakaasha okobhakera, ko bhoora ömöntö ono akoghenda mu-kisuntë, tamanyirë ahasë akughya hë.

Yohana 12:40

“Nabhahukurya amaiso, nabhakora bhabhe na emetwe ëmëköngʼu, okore bhatakaamaaha, bhatakaamanya, bhatakaihonshora ukuusha ku-öni, mbatööri.”

Yohana 12:45

Ömöntö ono akommaaha, tö-öni akomaaha hë, no-ono yaantoma akomaaha.

Yohana 14:30

Öni tentore ukushumaasha na bhëënyu ku-ribhagha ritambë hë, ko bhoora Oghosambwa öghötöngi ughwa ekebhara keno ghoraasha. Kasi teghoona ubhwera bhwobhwonswe igho ku-öni hë.

Yohana 15:24

Singa ntakora emeremo gheno ghetakokorwa na ömöntö wowonswe oora, tebhakaabhaayë na ëbhëbhë hë. Kasi bhoono, bharööshë emeremo gheno naakörrë, bhandëghirë öni hamwë na Taata wonswe.

Yohana 16:11

Ko amangʼana agha okobhotorrwa ukwabho ikiina, n-ko bhoora Oghosambwa ghono ghokotonga ko-kebhara kono, ghwamara okobhotorrwa ikiina.

Yohana 8:12

Mbe, Yëësu akaghëndërrya okoghamba ghwiki na rikomo reera igha, “Öni nö-öni obhorabhu ubhwa ekebhara. Ömöntö wowonswe igho ono akonsoorana, takoghenda mu-kisuntë kora hake hë, kasi naraabhe na obhorabhu bhono bhokomotangata mö-bhöhöru ubhwa amakora ghonswe igho.”

Amangʼana agha Abhatomwa 26:18

Okore obharamöki bharwe mu-kisuntë, bhaghi ko-bhorabhu. Bharwe mo-mabhoko agha Oghosambwa, bhaghi ku-Waryobha. Hayö ho bhoono bhaabherwe ëbhëbhë ibhyabho, okohetera ku-mukumo ughwabho ku-öni. Bhabhe hamwë na abhantö abha Waryobha bhonswe igho bhano bhasaabhuurwa.’

Amangʼana agha Abhatomwa 26:23

igha Kiristo nakaatëësirwë, atangate ukuryoka ukurwa mo-bhaku, okore araareke amangʼana agha Obhokama ubhwa Waryobha ko-Bhayahudi na ko-Bhakyaro.”

1 Abhakörintö 10:20

Ti-igho hë. Keno nkoghamba ni-igha, ibhimwenso bheno abhantö bhano bhatamanyirë Waryobha bhakumwensa, na-masambwa bhakumwensera te-Waryobha hë. Tinkutuna mosange na Waryobha, na eno morasanga na amasambwa.

2 Abhakörintö 2:11

okore Oghosambwa ghotakaatobhaaha, ko bhoora obhongʼaini ubhwagho, ntobhomanyirë.

2 Abhakörintö 2:12

Mbe, hano naahikirë Tiroa okoraareka Amangʼana Amaiya agha Yëësu Kiristo, naanyöörrë Omonene amarrë okonkorra-ho umweya ughwa okokorra-ho emeremo.

2 Abhakörintö 3:11

Hano okomaaha igha keera kyaarë ikya enkaagha nke igho, nkyaarë na ubhuhika, ku bhuyö ikya senkaagha syonswe igho, nkeena ubhuhika obhonene bhököngʼu.

2 Abhakörintö 3:14

Sehakëri isya Abhaisiraëri, ni-ndito syaarë. Ko bhoora igha, kora bhoono igho, hano Imuuma iya Kare yasomwa, ikikundikiryö keerakeera, nkobhakundikirya kërë. Ikikundikiryö kiyö, tikikuruusibhwa-ko hë, ko bhoora nkuruusibhwa-ko kërë hano ömöntö yaabha na öbhömwë na Yëësu Kiristo.

2 Abhakörintö 3:18

Bhëëtö bhonswe igho bhano totakundikiiyi ubhusyö, m-bëëtö emerengaari ighya Omonene ghekohetera-mo kya ikyowa. Omonene ono ërëngë igha we Umwika, nkutusyörya arë, tutuubhane nawe, ukurwa ko-merengaari okohekera ko-merengaari ëmërörö bhököngʼu.

2 Abhakörintö 4:6

Waryobha ono yaaghambirë igha, “Obhorabhu bhömërëki ukurwa mu-kisuntë,” we uyöuyö akömërëkya mo-senkoro isyëtö, okore atohaane obhorabhu ubhwa obhomanyi ubhwa emerengaari ighya Waryobha gheno ghëkömërëkya ku-bhusyö ubhwa Yëësu Kiristo.

Abhagharatia 1:4

Kiristo yaairuusiri öbhöhöru ubhwaye, ko okoghera iya ukuruusya-ho ëbhëbhë ibhyëtö. Yaakörrë igho, okore atötööri turwe mo-mangʼana amaghogho ghonswe igho agha ko-kebhara keno ikya bhoono igho. Ghayö ghonswe igho ngaabhaayë igho, ko okorengʼaana na okohansha ukwa Waryobha Taata uwëëtö.

Abhaëfësö 2:2

Enkaagha iyö, mwaakoranga amangʼana agha ko-kebhara kono. Kora mwaasorananga omotangati omoghogho uyö, Omonene uwa singuru isya ighörö isya amasambwa. Uyö we bhoono igho akokora emeremo mo-bhantö bhano bhatakwighwera Waryobha.

Abhaëfësö 6:12

Nkobhatëëbhya ndë igho ko bhoora igha, riihë reno tukwitana, ti-irya kinyabhantö hë, kasi nkwitana törë riihë na ëbhëntö bheno bhetakomaahwa, ibhya ubhwera na obhotoro. Nkwitana törë riihë na abhanene abha amangʼana amaghogho, bhano bhakotonga ekebhara keno. Nkwitana törë riihë na amasambwa ghonswe igho ghano ghakokora amangʼana amaghogho, na amatöngi agha ahasë hano hatakomaahwa.

Abhafiripi 2:6

Nokaanyoora igha we yaarenga na eteemo yonswe igho iya Waryobha, kasi yaarööshë igha, ti-bhuuya ukukundirrya engʼana iyö.

Abhakorosaai 1:15

Kiristo nkwörökya arë harabhu igho, bhono Waryobha arë, nokaanyoora igha, takomaahekana hë. Kiristo uyö we omoona omotangi ono aana ubhwera kö-bhëntö bhyonswe igho.

Abhakorosaai 1:27

Bhayö mbo Waryobha yaahanshirë igha abhahonyorre engʼana enene iyö iya ubhuhika eno yaakörrë ko okoghera iya Abhakyaro. Engʼana iya ikibhisirë iyö yo Kiristo ono arëngë mo-senkoro isyënyu, ghwiki we akobhahaana ubhweseghe igha moraasange ubhuhika ubhwa Waryobha.

1 Timoteo 1:11

Amëëghyö agha obhoheene, gharëngë mo-Mangʼana Amaiya ghano ghakwörökya ubhuhika ubhwa Waryobha uwa obhongʼoore bhwonswe igho. Amangʼana ghayö, ngo naahaaywë na Waryobha igha, ndaarekere abhantö.

Tiito 2:13

Tokorenga igho enkaagha tukwitengʼera urusikö urwa obhongʼoore. Urusikö roora Yëësu Kiristo arikyora, amaahekane ku-bhuhika ubhwaye. Uyö we Waryobha uwëëtö, Omonene uwëëtö, na m-Mötöörya uwëëtö.

Abhaëbhuraania 1:3

Uyö we emerengaari ighya ubhuhika ubhwa Waryobha. Kora we ituubho iya heene iya bhono Waryobha arë. We akoghera ëbhëntö bhyonswe igho bheraghëndërrya okobha kya igho bhërë, ko okohetera engʼana iyaaye iya obhotoro. Yaatosaabhuura ëbhëbhë ibhyëtö, akaghya mu-ryobha, akaikara bhoryo ubhwa Waryobha uwa obhotoro, ahasë hano hasookwa bhököngʼu.

Abhaëbhuraania 6:4

Mbe, momanye igha, n-këköngʼu ukukyörya abhantö bhano waanyoora bhaahaanwa obhorabhu, kora bhakanyoora ituho iya mu-ryobha, bhakakorwa okobha abhamwë na Umwika Ömöhörëëru.

2 Peetero 1:19

Kora ntoona amangʼana amaheene bhököngʼu, agha öbhörööti, hano moraaghaghoote, m-buuya oraanyoore mökörrë. Amangʼana ghayö n-kya etara eno ëkömërëkya mu-kisuntë, okohekera hano öröghörö roraasambe, na obhorabhu ubhwa inyota iya nyinkyo bhomoreke mo-senkoro isyënyu.

1 Yohana 2:11

Kasi ono arëghirë umukumya murikyaye, mu-kisuntë akërë. Kora mu-kisuntë akoghenda. Tamanyirë hasë akughya hë, ko bhoora ikisuntë kyaamukundikirya amaiso.

1 Yohana 2:8

Nokaanyoora ngambirë igha, umughiro ghuyö nkobhandekera n-gwa kare, kasi ghwiki m-mohya. Obhoheene ubhwa obhohya ubhwa umughiro ghuyö, bhwaamaahekana kö-bhömënyi ubhwa Yëësu Kiristo. Öbhömënyi bhono bhëënyu moonabho, bhonswe nkwörökya bhörë igha, m-maheene umughiro ghuyö m-mohya. Ngambirë igho, ko bhoora igha, ikisuntë ikya obhoghogho na ukwanga okomanya, nkwihëënia bhërë, na obhorabhu ubhwa heene bhomarrë okorabherra.

1 Yohana 5:19

Ntomanyirë igha, bhëëtö m-baana abha Waryobha törë. Kasi abhantö abhandë bhonswe igho bhano bhatakwighwera Waryobha, bhayö nkobhaahwa bharë na Oghosambwa.