2 Abhakörintö 4:2 - Imuuma Eehya

² Bhëëtö twanga amangʼana agha ubhubhise na agha sënsöni, kora tetokokora amangʼana agha öbhöngënërrya, handë ukwishooghania engʼana iya Waryobha na obhorongo. Kasi keno tokokora, no-koraareka obhoheene harabhurabhu igho, okore abhantö bhonswe igho, bhatomanye mo-maitegherro aghaabho igha, na-bhantö abha heene törë ku-Waryobha.

2 Abhakörintö 4:2 ပူးပေါင်းရင်းမြစ်များ

Abharuumi 1:16

Amangʼana Amaiya ghayö, ngo obhotoro ubhwa Waryobha bhono bhököhönia abhantö bhonswe igho, bhano bhakukumya Yëësu. Nkusimirya bhörë ko-Bhayahudi, bhughya igho bhohekeera abhantö bhano bhatarë Abhayahudi. Ku bhuyö öni tenkosooka okoraareka Amangʼana Amaiya ghayö hë.

Abharuumi 6:21

Bhoono mwaanyöörrë ehoorohooro yoyonswe eera, hano mwaakoranga amangʼana ghano reero eno mokosooka okoghakora? Obhoheene ni-igha, amangʼana ghayö teghaana ubhwera bhwobhwonse bhoora hë. Keno keemo, nu-ruku urwa amakora ghonswe igho!

1 Abhakörintö 4:5

Ku bhuyö motakaabhotora ikiina, enkaagha iyaako etaraabha, moghanye okohekera hano Omonene ariisha. We aremoreka amangʼana agha mu-kisuntë ghonswe igho ghano ghabhisirwë, na okotoora harabhu ghano gharëngë mo-senkoro isya abhantö. Hayö ho bhoono kera ömöntö arinyoora sinkuma seno aingʼarëëyi, ukurwa ku-Waryobha.

2 Abhakörintö 1:12

Mbe, ikibhuno keno kekoghera toraikumya, ni-igha, amaitegherro aghëëtö nkutwimererra gharë igha, eteemo iyëëtö m-buuya ërë ko-kebhara kono, ekenene n-ku ubhwighwerrani ubhwëtö na bhëënyu, ko obhorabhu na obhoheene bhono bhukurwa ku-Waryobha. Tetwakörrë igho ko obhongʼaini ubhwa ko-kebhara kono, kasi nö-rööbhö urwa Waryobha, ndwo rwaaghërrë tokakora ghayö.

2 Abhakörintö 11:3

Kasi bhoono neena entarëki igha, kya bhono Hawa yaangʼainirwë na inshoka engʼaini eera, na bhëënyu bhonswe motakaangʼanwa, mutighe hayö okohansha Kiristo, kwa ubhwihöötu na kwa enkoro inshiiya.

2 Abhakörintö 11:6

Nokaanyoora nkomaahekana ndë igha, temanyirë okoghamba bhuuya hë, kasi obhomanyi ubhwane ubhwa amangʼana, m-bonene. Kiyö nkyo mwaarööshë bhuuya kö-bhëëtö, ahasë honswe igho, na senkaagha syonswe igho hano twaarë kö-bhëënyu hayö.

2 Abhakörintö 2:17

Bhëëtö tëtörëngë kya abhantö abhandë abhaaru bhano bhakokorra ibhyashara engʼana iya Waryobha, okore bhanyoore ehoorohooro. Kasi bhëëtö, ntwaatomwa na Waryobha, ku bhuyö bhëëtö ko obhotoro ubhwa Yëësu Kiristo, nkoraareka törë engʼana iya Waryobha kwa ubhwihöötu tomanyirë igha, Waryobha nkotomaaha arë.

2 Abhakörintö 5:11

Ntomanyirë ubhuuya ubhwa okosooka Omonene Waryobha. Ku bhuyö nkokora törë omotono ughwa ukuruta abhantö, okore bhasooke Waryobha. Waryobha natomanyirë bhuuya kya igho törë. Öni nkwitengʼera ndë igha, bhëënyu bhonswe, mmotomanyirë bhuuya mo-maitegherro aghëënyu.

2 Abhakörintö 6:8

Bhëëtö twamara ukwiruusya igha, abhantö mbakaatosooka, handë bhatosere, mbakaatoghamba bhuuya, handë bhatoghambe bhoghogho, te-ngʼana hë. Nkomaahekana törë igha m-barongo törë, kasi no-bhoheene tokoghamba.

2 Abhakörintö 7:14

Nyoore naaihëëmëëyë Tiito ko engʼana yoyonswe eera ko okoghera iya bhëënyu, temwansöökëri hë, kasi kera engʼana eno twaamötëëbhëri ko amangʼana aghëënyu, n-ya heene yaarë. Mbe, ku bhuyö ukwiheema ukwëtö ku-Tiito ko okoghera iya bhëënyu, n-kwa heene kwaarë.

Abhaëfësö 4:14

Kiyö nkyo keraaghere twange okobha kya abhaana abhake abha ukutuumibhwa tuumibhwa ahasë honswe igho na rikama irya amëëghyö agha obhorongo agha abhantö abhangʼaini, ko obhongʼaini ubhwabho.

Abhaëfësö 5:12

Amangʼana ghano ghakokorwa bhubhise mo-bhatëëyu bhayö, nkösöökya gharë, në-nsöni okoghaghamba.