2 Abhakörintö 4:16 - Imuuma Eehya

¹⁶ Mbe, kiyö nkyo kekoghera totakukwa emetwe, nokaanyoora ëmëbhërë ighyëtö gheno nkughunda ghërë, kasi senkoro isyëtö, nkokorwa sërë bhohya sinsikö syonswe igho.

2 Abhakörintö 4:16 ပူးပေါင်းရင်းမြစ်များ

Ruuka 11:3

Otohaanenga ibhyakorya ibhyëtö kera urusikö.

Abharuumi 12:2

Ku bhuyö, motakeegha seteemo isya abhantö abha ko-kebhara kono. Mutighe Waryobha abhasyöri senkoro isyënyu, okore mobhe na amaitegherro amahya. Hayö ho moreeghe, momanye keno Waryobha akobhatonera. Keno akobhatonera, na-mangʼana amaiya ghano ghahekerana, agha ökömötëghërya.

Abharuumi 7:22

Obhoheene ni-igha amaraghërryö agha Waryobha nengahanshirë bhököngʼu.

1 Abhakörintö 15:58

Mbe, bhoono abhakumya bharikyane abhaghonshe, ni-igha monaghe, motakaasingisa. Möghëndërri okokora emeremo ighya Omonene uwëëtö bhököngʼu nkaagha syonswe igho, ko bhoora momanyirë igha, emeremo ighyënyu gheno mokokorra Omonene, ti-ghya bhosa hë.

2 Abhakörintö 12:15

Öni nendaashomerwe ukuruusya ëbhëntö ibhyane, na ukwiruusya öni umwene, okore mbatöörri. Kasi bhoono, nkomaahekana ërë igha, enkaagha eno öni nköghëndërrya okobhahansha bhököngʼu, ho bhëënyu mukusuuhya righonshe iryënyu ku-öni.

2 Abhakörintö 4:1

Mbe, ko bhono Waryobha atohaayë emeremo gheno ku ikyabhera ikyaye, titukukwa omotwe hë.

Abhaëfësö 3:16

Nkobhasaasaamera ndë ku-Waryobha igha, ku ubhuhika ubhwaye ubhwaru bhono aanabho, Umwika Ömöhörëëru abhahaane singuru, mokongʼe mo-senkoro isyënyu,

Abhaëfësö 4:23

Bhakabhatëëbhya igha, mutighe Waryobha abhakore bhohya mo-maitegherro aghëënyu.

Abhakorosaai 3:10

bhoono mwaghöötirë-ko eteemo eehya. Waryobha umwene yaabhömbirë eteemo eehya iyö, kora nköghëndërrya arë kobhakora mutuubhane nawe bhököngʼu, okore momomanye bhuuya.

Tiito 3:5

Ti-igha öbhöntö ubhwa heene ubhwëtö, mbo bhwaaghërrë akatokorra ghayö, kasi n-ko okoghera iya ikyabhera ikyaye, nkyo kyaaghërrë akatokorra igho. Atosaabhuurrë obhoghogho ubhwëtö, kuyö nko ukwebhorwa bhohya. Ghwiki atohaayë öbhöhöru bhohya okohetera ku-Mwika Ömöhörëëru.

1 Peetero 3:4

Kasi ubhwikööni ubhwënyu, bhusimiri mo-senkoro isyënyu. Ubhwikööni bhono bhotakosareka, handë okoghota. Ubhwikööni bhuyö, no-kobha na enkoro inshiiya na obhohaabhu, bhuyö mbo ubhwikööni bhono bhoona ubhwera obhonene ku-Waryobha.

1 Peetero 4:14

Hano moraatokwe ko okoghera iya iriina irya Yëësu Kiristo, momanye igha mmoraangʼoorwe. Engʼana iyö nköbhöörökya ërë igha, Umwika uwa Waryobha uwa ubhuhika, hamwë arë na bhëënyu.