2 Abhakörintö 3:8 - Imuuma Eehya

⁸ bhoono momanye igha, emeremo ighya Umwika uwa Waryobha, ngeraabhe na ubhuhika obhonene bhököngʼu.

2 Abhakörintö 3:8 ပူးပေါင်းရင်းမြစ်များ

Yohana 1:17

Ko bhoora Waryobha yaarëëtirë amaraghërryö aghaaye ko okohetera Mosa, bhoono arëëtirë örööbhö na obhoheene ubhwaye ko okohetera ku-Yëësu Kiristo.

Yohana 7:39

Yëësu yaaghambirë amangʼana ghayö ku ukushumaashera Umwika Ömöhörëëru, ono bharehaanwa abhantö bhonswe igho bhano bhakukumya Yëësu. Enkaagha iyö, waanyöörrë Waryobha ataraatoma Umwika uwaaye ko-obho, ko bhoora tuwaanyöörrë Waryobha arahaana Yëësu ubhuhika hë.

1 Abhakörintö 3:16

Kasi motamanyirë igha bhëënyu ni-nyumba iya Waryobha mörë, kora Umwika uwa Waryobha mö-bhëënyu amënyirë?

2 Abhakörintö 11:4

Ngambirë igho, ko bhoora igha, bhëënyu m-bangö mörë abha ukwikërrya amangʼana agha ömöntö ono akuusha okoraareka amangʼana agha Yëësu, ghano ghatarengʼaini na ghano twaabharaarëkëëyë. Ghwiki nkwikërrya mörë umwika uwöndëwöndë igho, handë amangʼana aghandë igho ghano ghatakorengerrania na ghano mwaaikërëëyi ekembere ukurwa kö-bhëëtö.

2 Abhakörintö 3:17

Mbe, Omonene we Umwika. Ahasë hano Umwika uwa Omonene arë, hayö ho öbhötöönööni bhörë.

2 Abhakörintö 3:6

Uyö, we yaatokora tobhe abhaköri abha emeremo abha Imuuma Eehya, eno ikurwa ku-Mwika uwa Waryobha. Imuuma iyö, tërëngë igha na-maraghërryö ghano ghaandekwa hë, ko bhoora amaraghërryö ghano ghaandekwa, gho nu-ruku ghakoreeta, kasi Umwika uwa Waryobha, we nö-bhöhöru akoreeta.

2 Abhakörintö 3:7

Amaraghërryö ngaatöörrwë-ho ku ukwandekwa ko-sembaau isya amaghena. Nokaanyoora ngaamarrë ghakareeta uruku, kasi ubhuhika ubhwako, m-bonene bhököngʼu bhwaarë, kora Abhaisiraëri tebhaatörrë okomaaherra ubhusyö ubhwa Mosa, ko okoghera iya emerengaari ighya-ko. Emerengaari ghiyö, n-gya ibhagha ike igho ghyaarë. Mbe, hano okomaaha igha emeremo ighya keera kyaarëëtirë uruku, nkyaarenga na emerengaari ëmërörö bhököngʼu,

2 Abhakörintö 3:9

Hano okomaaha igha, omoremo ughwa okobhotorra abhantö ikiina ngoona ubhuhika ubhwako, bhoono n-kwakë omoremo ghono ghokoghera abhantö bharakorwa okobha abha heene ku-Waryobha, ghwange okobha na ubhuhika obhonene bhököngʼu?

Abhagharatia 3:14

Yaatutungurya okore obhongʼoore bhono Ibhurahimu yaahaaywë, bhohekeere Abhakyaro okohetera ku-Kiristo Yëësu. Mbe, bhoono bhëëtö bhonswe igho nkotora törë kunyoora Umwika Ömöhörëëru, ono Waryobha yaaraghaini okotohaana ko enshera iya ukukumya Kiristo.

Abhagharatia 5:5

Kasi bhëëtö, keno tukwitengʼera ni-igha, Waryobha naraatobhare igha m-ba heene törë, ko bhoora tukukumya Kiristo. Kiyö nkyo tokoghanya ko obhotoro ubhwa Umwika Ömöhörëëru.

Abhaëfësö 2:18

Ko bhoora Yëësu Kiristo yaahanëkirwë ko-mosarabha, okore bhëëtö bhonswe igho, Abhakyaro na Abhayahudi tunyöörrë enshera iya ukusuntarra Waryobha Taata uwëëtö, okohetera ku-Mwika Ömöhörëëru ömwë uyöuyö.

2 Abhatësarönikë 2:13

Kasi bhëëtö, ni-igha tukumi Waryobha senkaagha syonswe igho, ko okoghera iya bhëënyu abhakumya bharikyëtö, bhëënyu bhano mohanshirwë na Omonene Yëësu. Ni-igha tokore igho, ko bhoora yaabhashaaghööyë ukurwa okosemoka ukwaye ukwa öbhöbhömbi, okore möhönibhwi. Möhönibhwi ko okosaabhuurwa na Umwika Ömöhörëëru ono akosaabhuura, na ko kohetera ukukumya ukwënyu obhoheene.

1 Peetero 1:2

Taata Waryobha yaabhamanyirë, akabhashaaghora ukurwa kare, ko okoghera iya ësëëmyö iyaaye. Umwika uwaaye Ömöhörëëru, akabhakora mobhe abhahörëëru, okore mwighwere Yëësu Kiristo na okosaabhuurwa ko amaanyinga aghaaye. Waryobha abhëngëri örööbhö na omorembe.