2 Abhakörintö 3:7 - Imuuma Eehya

⁷ Amaraghërryö ngaatöörrwë-ho ku ukwandekwa ko-sembaau isya amaghena. Nokaanyoora ngaamarrë ghakareeta uruku, kasi ubhuhika ubhwako, m-bonene bhököngʼu bhwaarë, kora Abhaisiraëri tebhaatörrë okomaaherra ubhusyö ubhwa Mosa, ko okoghera iya emerengaari ighya-ko. Emerengaari ghiyö, n-gya ibhagha ike igho ghyaarë. Mbe, hano okomaaha igha emeremo ighya keera kyaarëëtirë uruku, nkyaarenga na emerengaari ëmërörö bhököngʼu,

2 Abhakörintö 3:7 ပူးပေါင်းရင်းမြစ်များ

Amangʼana agha Abhatomwa 6:15

Abhantö bhonswe igho mo-bharasa muyö, bhakatongʼaarra Sitefaano, bhakamaaha ubhusyö ubhwaye, bhutuubhaini kya ubhwa maraika.

Abharuumi 10:4

Kiristo yaahekerania amaraghërryö agha Mosa, okore abhantö bhonswe igho bhano bhakukumya Yëësu Kiristo, bhabharwenga igha m-ba heene.

Abharuumi 4:15

N-kwakë rekaabhaayë igha m-borongo? N-ko bhoora ömöntö ono akosarya amaraghërryö agha Mosa, nkushibhibhwa arë. Kasi hano amaraghërryö ghayö ghatakaabhaaye-ho, kora obhosarya ubhwa amaraghërryö bhwonswe, tebhokaabhaayë-ho hë.

Abharuumi 5:20

Amaraghërryö agha Mosa ngaaghërrë ëbhëbhë bhekaaruha. Hano ëbhëbhë bhyaaruhirë, örööbhö urwa Waryobha rwonswe rokaaruha.

Abharuumi 7:10

Hayö ho naamanyirë igha, amaraghërryö ghano ghakaangʼaayë öbhöhöru, kasi ghakandeetera uruku.

Abharuumi 7:22

Obhoheene ni-igha amaraghërryö agha Waryobha nengahanshirë bhököngʼu.

Abharuumi 7:5

Enkaagha eno esemoko iyëëtö iya öbhököri ubhwa ëbhëbhë yaatotonganga, amaraghërryö agha Mosa ngaaghërrë oronamba urwa ömöbhërë robhe na singuru bhököngʼu kö-bhëëtö. Kiyö nkyo kyaagheranga turatuna tokore ëbhëbhë bhököngʼu. Engʼana iyö, yo yaarëëtirë uruku.

1 Abhakörintö 13:10

Kasi hano kiriisha keno ketakusuuha, ikisuuhu nkirisika.

2 Abhakörintö 3:3

Nkomaahekana mörë bhuuya igha, bhëënyu n-kya ritashandighi irya Yëësu Kiristo mörë, reno rikwörökya emeremo gheno twaakora kö-bhëënyu. Ritashandighi riyö, tiryandekwa na ubhwino hë, kasi ndyandekwa na Umwika uwa Waryobha ömöhöru. Kora tëmörëngë kya ritashandighi reno ryandekwa ko-bhebhaau ibhya amaghena, kasi mo-senkoro isya abhantö.

2 Abhakörintö 3:6

Uyö, we yaatokora tobhe abhaköri abha emeremo abha Imuuma Eehya, eno ikurwa ku-Mwika uwa Waryobha. Imuuma iyö, tërëngë igha na-maraghërryö ghano ghaandekwa hë, ko bhoora amaraghërryö ghano ghaandekwa, gho nu-ruku ghakoreeta, kasi Umwika uwa Waryobha, we nö-bhöhöru akoreeta.

2 Abhakörintö 3:8

bhoono momanye igha, emeremo ighya Umwika uwa Waryobha, ngeraabhe na ubhuhika obhonene bhököngʼu.

Abhagharatia 3:10

Kasi bhonswe igho bhano bhakwesegha ökötööribhwa ko okokora ghano ghakutunwa na amaraghërryö, bhayö mbaana riragha. Ko bhoora Amaandeko Amahörëëru nkoghamba gharë igha, “Ömöntö wowonswe ono atakoghoota na okokora ghonswe igho ghano ghandëkirwë mo-ketabho ikya amaraghërryö, yaihiimwa.”

Abhagharatia 3:21

Kasi, amaraghërryö nkwangana gharë na ghano Waryobha yaaraghania? A a, ti-igho hë! Ko bhoora singa yaare-ho enshera eno ekohaana abhantö öbhöhöru, mbe, hayö bhoono ho Waryobha akaatobharrë igha, m-ba heene törë, okohetera ko-maraghërryö.

Abhaëbhuraania 12:18

Bhëënyu temwahika ku-nguku eno yookanga omorro, eno ömöntö akotora ukukunia, kya eera iya Sinai. Kora temwahika ku-risaarö rimwamu, ikisuntë na omosoke.

Abhaëbhuraania 3:3

Omohaghaashi nkosookwa arë okokera inyumba eno ahaghaashirë, mbe, amangʼana ni-igho gharë igha, Yëësu Kiristo wonswe, naingʼarëëyë okosookwa bhököngʼu okokera Mosa.

Abhaëbhuraania 9:4

Mu-kinyumba kiyö, ryaare-mo riighyö irya okosambera-ko ëkörösö, reno ryaahakirwë-ko esahaabhu. Ghwiki ryaare-mo Risandeko irya Imuuma, reno ryaarenga rehakirwë esahaabhu sembareka syonswe igho. Mwi-sandeko muyö, kaarenga-mo akanyöngö aka ekeghera ikya esahaabhu, kano kaarë na ibhyakorya bheno bhyaabherekerwanga igha, emana. Ghwiki yaare-mo inyimbo iya Haruuni eno yaasëbhökirë, na sembaau ibhërë isya amaghena seno syaarenga syandëkirwë-ko imighiro ighya Waryobha.