2 Abhakörintö 3:1 - Imuuma Eehya

¹ Kanaa, nkokanya mörë igha nkusimya törë ghwiki ukwikumya kö-bhëënyu? Bhëëtö tëtörëngë kya abhantö abhandë, igha toratuna ritashandighi irya ukwiyörökya kö-bhëënyu, handë irya ukurwa kö-bhëënyu.

2 Abhakörintö 3:1 ပူးပေါင်းရင်းမြစ်များ

Amangʼana agha Abhatomwa 18:27

Hano Apöörö yaatunirë igha amboke inyansha aghende Akaaya, abhakumya bharikyaye bhakamwikërërrya igha aghi. Ku bhuyö, bhakandekera Abhakiristo abha iyö ritashandighi igha, bhamösërëëni bhuuya. Hano yaahikirë iyö, akatöörrya bhököngʼu bhano bhaarenga bhakumiri Yëësu kö rööbhö urwa Waryobha.

Abharuumi 16:1

Ndatuna mbatëëbhi ko amangʼana agha umusubhaati Fibhi, uyö n-shemaasi uwa ekanisa eno ërëngë mu-mughi ghono ghokobherekerwa igha, Kenkirea.

1 Abhakörintö 10:33

Mobhe kya öni bhono nkötëghërya abhantö bhonswe igho, ko amangʼana ghonswe igho ghano nkokora. Tenkokora igho ko okoghera iya ehoorohooro iyaane, kasi n-ko okoghera iya ehoorohooro iya abhantö abhaaru okore bhatööribhwi.

1 Abhakörintö 16:3

Hano ndiisha iyö, nendehaana abhantö bhano murishaaghora ritashandighi irya okobhakora bhamanywe Yërusarëëmu, hano bharihira omosorro ughwënyu.

1 Abhakörintö 3:10

Waryobha kö örööbhö urwaye rono yaangʼaana, yaantöörrya okohaghaasha umusingi kya omohaghaashi umuuya omongʼaini, ono amanyirë amangʼana, nkatoora-ho umusingi ghono ömöntö uwöndë akohaghaasha-ko. Mbe, kera ömöntö angarre bhuuya bhono akohaghaasha ku-musingi kuyö.

1 Abhakörintö 4:15

Mokaabha na abhëëghya ëbhëkwë ikömi, abha ököbhëëghya amangʼana agha Yëësu Kiristo, kasi bhasuwëënyu, te-bhaaru hë. Kasi suwëënyu ko amangʼana agha Yëësu Kiristo nö-öni, ko bhoora nö-öni naabharaarëkëëyë Amangʼana Amaiya.

2 Abhakörintö 10:12

Bhëëtö tetootore ukwitoora mu-rikomo rimwë, handë ukwirengʼaania na bhayö bhakwihasha igha, mbaana ubhwera. Nkwirengʼaania bharë abheene ko abheene, kuyö nu-kwiyörökya igha, tebhamanyirë ngʼana hë.

2 Abhakörintö 10:18

Tërëngë igha ömöntö ono akwihasha umwene we akwikërribhwa na Omonene Waryobha, kasi no-oora Omonene Waryobha umwene akukumya, uyö we akwikërribhwa nawe.

2 Abhakörintö 10:8

Nokaanyoora igha nkwihasha ndë bhököngʼu, okoheteera ekerengere ikya ubhwera bhono Omonene Yëësu Kiristo yaatohaana. Nokaanyoora ni-igho, tenkosooka hë, ko bhoora obhotoro bhuyö tebhokobhatemora hë, kasi nkobhakora bhörë igha monaghe ku-mukumo.

2 Abhakörintö 12:11

Ngambirë igho kya omokangi, ko bhoora bhëënyu m-bëënyu möghërrë ngambirë kya omokangi. Ko bhoora yaarenga igha bhëënyu munkumi. Nokaanyoora igha tiningʼarëëyi hë, kasi öni te-moke ndë, okokera bhayö bhakwihasha igha, “M-batomwa abhanene.”

2 Abhakörintö 12:19

Kasi nkokanya mörë igha, nkwikoorerra törë kö-bhëënyu. Bhëëtö nkoghamba törë amangʼana ghano mbere iya Waryobha, ntoona öbhömwë na Kiristo. Amangʼana ghayö ghonswe igho tokokora, abhaghonshe abhëëtö, n-ko okoghera iya okobhatöörrya, okore monaghe ku-mukumo ughwënyu.

2 Abhakörintö 2:17

Bhëëtö tëtörëngë kya abhantö abhandë abhaaru bhano bhakokorra ibhyashara engʼana iya Waryobha, okore bhanyoore ehoorohooro. Kasi bhëëtö, ntwaatomwa na Waryobha, ku bhuyö bhëëtö ko obhotoro ubhwa Yëësu Kiristo, nkoraareka törë engʼana iya Waryobha kwa ubhwihöötu tomanyirë igha, Waryobha nkotomaaha arë.

2 Abhakörintö 5:12

Ti-igha nkutuna törë ghwiki ukwihanshania kö-bhëënyu, kasi nkutuna törë tobhahaane umweya ughwa ukwihasha ko okoghera iya bhëëtö. Toratuna mobhe na obhotoro ubhwa okohonshora abhantö bhano bhakwihashera amangʼana ghano ghakomaahekana, kasi te-ghaara gharëngë mo-senkoro isyabho hë.