2 Abhakörintö 2:14 - Imuuma Eehya

¹⁴ Kasi tukumi Waryobha ono aköghëndërrya okototangata senkaagha syonswe igho ku ukushengera obhobhaahi ubhwa Yëësu Kiristo. Waryobha nkoghera arë abhantö ahasë honswe igho, bhamanya Yëësu Kiristo okohetera kö-bhëëtö, nkobha ërë kya ukurumbaasa ukwa ikirumba ikiiya.

2 Abhakörintö 2:14 ပူးပေါင်းရင်းမြစ်များ

Yohana 16:33

Mbatëëbhëri amangʼana ghayö, okore mobhe na omorembe ko bhoora moona öbhömwë na öni. Moona inyanko ko-kebhara kono, kasi motakaakwa emetwe, ko bhoora öni nabhaaha ekebhara keno.”

Abharuumi 1:8

Engʼana enene ni-igha, nkukumya ndë Waryobha okohetera ku-Yëësu Kiristo, ko okoghera iya bhëënyu bhonswe igho, ko bhoora umukumo ughwënyu, ngomanyekaini ko-kebhara kyonswe igho.

Abharuumi 15:19

Mbaarutirwë bhakabha na umukumo, ko bhoora bhaarööshë obhotoro ubhwa Yëësu Kiristo bhono bhwaamahekaini ko-makono na ebhemanyërryö. Naanyöörrë obhotoro ubhwa okokora igho, ko obhotoro ubhwa Umwika uwa Waryobha. Ku bhuyö naainaarrë kera hasë ndaraareka Amangʼana Amaiya agha Yëësu Kiristo ukusimirya mu-mughi ughwa Yërusarëëmu okohekera mo-mokowa ughwa Iririko.

Abharuumi 6:17

Bhëënyu ni-igho mwaarë kare, ko bhoora m-baghorwa abha ëbhëbhë mwaarë. Bhoono öni nkukumya ndë Waryobha, ko bhoora mwikërëëyi amëëghyö agha Kiristo ghano mwëghibhwa, kora nkoghasoorana mörë bhwaheene.

Abharuumi 8:37

Ntokaanyoora inyanko yoyonswe igho, kasi bhëëtö ntoraaghëndërri okobhaaha, ko bhoora Kiristo ono atohanshirë we akötötöörrya.

1 Abhakörintö 12:8

Umwika Ömöhörëëru nkohaana arë ömöntö engʼana iya obhongʼaini, uwöndë amohaana engʼana iya obhomanyi ubhwa amangʼana.

1 Abhakörintö 15:37

Imbusiro yoyonswe igho eno ikwëmibhwa, nekaabha iya engano handë iyëndëyëndë igho, tikutuubhana na ömöröngö ughwako hë.

1 Abhakörintö 15:57

Kasi bhoono ni-igha tukumi Waryobha ono akotohaana obhotoro ubhwa okobhaaha okohetera ko-Monene uwëëtö Yëësu Kiristo.

2 Abhakörintö 1:11

Kora bhëënyu nkötötöörrya mörë okotosabhera ku-Waryobha. Waryobha nkwighwa arë amasabhi aghëënyu, kora nkotongʼoora arë. Ku bhuyö abhantö abhaaru mbaraamukumi ko okoghera iya örööbhö urwaye kö-bhëëtö.

2 Abhakörintö 8:16

Nkukumya ndë Waryobha, ono yaakora Tiito abhe na omotono ughwa okobhangarra, kya bhono öni nkobhangarra.

2 Abhakörintö 9:15

Waryobha akumibhwi ko okoghera iya ituho iyaaye eno ëhëtërëëyë bhyonswe igho.

Abhaëfësö 5:2

Mohanshe abhantö abhandë, kya bhono Yëësu Kiristo yaatohanshirë akatukwera, akabha esadaaka na ikimwenso ikyëtö ikya ukurumbaasa bhuuya ku-Waryobha.

Abhaëfësö 5:20

Mukuminga Taata uwëëtö Waryobha nkaagha syonswe igho, ko amangʼana ghonswe igho, ko okoghera iya amangʼana ghano Omonene uwëëtö Yëësu Kiristo yaakora.

Abhafiripi 4:18

Bhoono ëbhëntö bhyonswe igho bheno mwaahaayë Epafurodito okondeetera, naabhinyöörrë. Kora ëbhëntö bhiyö m-byaru okokera obhohabhë ubhwane. Ekehaheeno kiyö kyabha ikimwenso keno kikurumbaasa bhuuya, keno kikwikërërribhwa na okongʼarra Waryobha.

Abhakorosaai 1:23

Kasi ni-igha möghëndërri okobha na umukumo, mohangarre, mobhe na singuru, motakaikërrya ukutigha ubhweseghe bhono mwaanyoora mo-Mangʼana Amaiya ghano mwaaighwa. Amangʼana Amaiya ghayö, ghaaraarekwa ko-bhantö bhonswe igho abha ko-kebhara kono. Na öni Pauro naabha umutighinkani uwa Amangʼana Amaiya ghayö.

Abhakorosaai 1:6

Amangʼana Amaiya ghayö mwaatëëbhiibhwi, nkoromaana gharë ko-kebhara kyonswe igho. Kora nköghëndërrya gharë ukusyörya seteemo isya abhantö, okore bhatëghëri Waryobha. Engʼana iyö, n-kya bhono yaabhaayë kö-bhëënyu ukusimirya hano mwaaighuurë Amangʼana Amaiya agha örööbhö urwa Waryobha, mokamanya bhuuya kya igho örööbhö urwaye urwa heene rörë.

Abhakorosaai 2:15

Ko okohetera omosarabha, Waryobha akaruusya amasambwa obhokama ubhwagho na ubhwera ubhwagho akaghakera ku ukukirirrya, akaghasöökërrya harabhu igho.

1 Abhatësarönikë 1:8

Ko okoghera iya bhëënyu, abhantö bhaighuurë Amangʼana agha Omonene Yëësu. Tërëngë igha nko-bhantö abha Makedonia na abha Akaaya abheene igho hë, kasi umukumo ughwënyu ku-Waryobha, ngomanyekaini ahasë honswe igho. Ku bhuyö tetoona engʼana iyëndë iya okohoorrera-ko hë.

1 Abhatësarönikë 3:9

Bhoono n-kë tokaahaka Waryobha ko okoghera iya umukumo ughwënyu, handë ku ikibhuno ikya ukushomerwa okonene kono toonako ku-Waryobha, okoghera iya bhëënyu?

1 Timoteo 2:8

Ku bhuyö keno nkutuna ni-igha, ahasë honswe igho, hano moraasikanenga okosaasaama, abhashaasha bhainyökinga amabhoko aghaabho kighörö. Bhakorenga igho kwa amaitegherro amaiya, bhatakaarerranga, handë ukunyeerana senkaani.

2 Timoteo 2:2

Amëëghyö ghaara waaighwa ndaghamba harabhu igho mo-bhaimërërri abhaaru, bhoono uwe oghaghööti abhantö abha heene, bhano bharaatore ukwëghya abhantö abhandë.

Okohonyora 7:12

bharaghamba igha, “Amina! Waryobha uwëëtö aana ubhuhika, na obhongʼaini, naana singuru na obhotoro bhwonswe igho, tumukumi na okomosooka amakora na amakora. Amina!”