2 Abhakörintö 2:13 - Imuuma Eehya

¹³ Kasi öni tenaighuurë bhuuya mo-nkoro iyaane hë, ko bhoora ntanyöörrë-ho Tiito, umukumya murikyane. Ku bhuyö nkaragha abhantö abha Tiroa hayö, nkatanora, ukughya Makedonia.

2 Abhakörintö 2:13 ပူးပေါင်းရင်းမြစ်များ

Maariko 6:46

Hano yaatighaini nabho, akaghya umwene igho ku-nguku okosaasaama.

Amangʼana agha Abhatomwa 21:6

Tokaraghana, bhëëtö tokariina mu-ryato, abheene bhakakyora yeeka.

Abharuumi 15:26

Abhakumya abha Omonene uwëëtö Yëësu Kiristo bhano bharëngë Makedonia na Akaaya, bhaarööshë igha bharuusi ëbhëntö ibhyabho bhatöörri abhakumya abhatöbhu abha Ikiyahudi abha Yërusarëëmu.

2 Abhakörintö 12:18

Naasaasaamirë Tiito aashe kö-bhëënyu. Naatömirë umukumya murikyëtö aashe nawe hamwë kö-bhëënyu iyö. Tiito yaabharuusiri ëkëntö kyokyonswe keera? Kasi temokomaaha igha, öni na Tiito n-këntö këmwë törë ko okokora emeremo? Eteemo iyëëtö në-ëmwë.

2 Abhakörintö 7:13

Ku bhuyö, möghërrë tushömëëywë. Ghwiki ntwaashömëëywë bhököngʼu, hano twaarööshë Tiito ashömëëywë, ko bhoora m-bëënyu mwaaghërrë akashomerwa mo-nkoro iyaaye.

2 Abhakörintö 7:14

Nyoore naaihëëmëëyë Tiito ko engʼana yoyonswe eera ko okoghera iya bhëënyu, temwansöökëri hë, kasi kera engʼana eno twaamötëëbhëri ko amangʼana aghëënyu, n-ya heene yaarë. Mbe, ku bhuyö ukwiheema ukwëtö ku-Tiito ko okoghera iya bhëënyu, n-kwa heene kwaarë.

2 Abhakörintö 8:16

Nkukumya ndë Waryobha, ono yaakora Tiito abhe na omotono ughwa okobhangarra, kya bhono öni nkobhangarra.

2 Abhakörintö 8:23

Mbe, hano ömöntö araatune okomanya amangʼana agha Tiito, Tiito uyö, nö-mököri uwa emeremo murikyane kö-bhëënyu. Na abhandë bhayö, m-barikyëtö, ekanisa yo ebhatömirë okore Kiristo atöönibhwi.

2 Abhakörintö 8:6

Ko bhoora Tiito we yaasëmööyë engʼana iyö kö-bhëënyu hayö, ku bhuyö tokamosaasaama igha, aashe iyö abhatöörri, momarërri engʼana iya örööbhö iyö.

Abhagharatia 2:1

Hano imyoka ikömi na inye ghyaahëtirë, nkatiira ghwiki ukughya Yërusarëëmu. Naahinaini na Bharinaabha, nkaghegha na Tiito wonswe tokahinana nawe.

Abhagharatia 2:3

Bhakaikererrania na öni. Kora tebhasingʼirriyi murikyane Tiito igha asaarwe, nokaanyoora m-Muyunaani yaarë.

2 Timoteo 4:10

ko bhoora Dema, yaantigha. Dema uyö, yaahansha amangʼana agha ko-kebhara kono, akamaaha igha aghende mu-mughi ughwa Tësarönikë. Kiresike, yaghëëyë mo-mokowa ughwa Gharatia, na Tiito, yaghëëyë mo-mokowa ughwa Darimatia.

Tiito 1:4

Tiito nu-uwe nkwandekera. Uwe m-maheene igha, m-moona uwaane örë ku-mukumo ghono tokosanga. Örööbhö na omorembe bheno bhikurwa ku-Waryobha Taata uwëëtö, na ku-Kiristo Yëësu Ömötöörya uwëëtö, bhebhe hamwë na uwe.