2 Abhakörintö 2:10 - Imuuma Eehya

¹⁰ Ömöntö wowonswe igho ono bhëënyu mukwabhera, öni wonswe marrë kumwabhera. Engʼana yoyonswe igho eno yaare-ho iya ukwabherwa ömöntö, iyö nabhëëyë mbere iya Yëësu Kiristo ko okoghera iya bhëënyu,

2 Abhakörintö 2:10 ပူးပေါင်းရင်းမြစ်များ

Mataayo 18:18

“No-bhoheene nkobhatëëbhya igha, ghonswe igho ghano moraange ko-kebhara kono, noraanyoore Waryobha we aghangirë ukurwa mu-ryobha. Ghwiki ni-igha, ghonswe igho ghano moraaikërri ko-kebhara kono, noraanyoore Waryobha we aghaikërëëyi ukurwa mu-ryobha.

Yohana 20:23

Ömöntö wowonswe ono moraabhere ëbhëbhë ibhyaye, uyö nabhëëywë. Na ono moraange ukwabhera ëbhëbhë ibhyaye, uyö taabherwe hë.”

1 Abhakörintö 5:4

Hano mwaikomania hamwë ku iriina irya Omonene uwëëtö Yëësu Kiristo, öni wonswe nkunyoora örë enkoro iyaane n-hamwë ërë na bhëënyu. Kora na obhotoro ubhwa Yëësu Kiristo bhwonswe, nkunyoora örë hamwë bhörë na bhëënyu.

2 Abhakörintö 4:6

Waryobha ono yaaghambirë igha, “Obhorabhu bhömërëki ukurwa mu-kisuntë,” we uyöuyö akömërëkya mo-senkoro isyëtö, okore atohaane obhorabhu ubhwa obhomanyi ubhwa emerengaari ighya Waryobha gheno ghëkömërëkya ku-bhusyö ubhwa Yëësu Kiristo.

2 Abhakörintö 5:20

Mbe, bhoono Yëësu Kiristo atötömirë tokore emeremo ighyaye, nërëngë igha, Waryobha ko okohetera amangʼana ghano tokoghamba, nkokangʼasërrya arë igha, abhantö bhaighwerrane nawe. Kiyö nkyo kekoghera torabhasabha ku ukwimererra amangʼana agha Yëësu Kiristo igha, mwighwerrane na Waryobha.

2 Abhakörintö 6:6

Bhëëtö m-bantö abha heene törë, m-bamanyi abha amangʼana törë, m-baghömërrya törë, kora m-basërëënia törë. Nkokora törë amangʼana ghayö, ko okotangatwa na Umwika Ömöhörëëru, na righonshe reno retaana ubhwiköri,

Abhaëfësö 4:32

Mokorrane amangʼana amaiya, mohanshane na mwabherane kya bhono Waryobha yaabhabhëëyë okohetera ku-Yëësu Kiristo.