2 Abhakörintö 13:8 - Imuuma Eehya

⁸ Ngambirë igho, ko bhoora tetootore okokora engʼana yoyonswe eera, iya okorebherra obhoheene, kasi no-kokora ëkëntö ko okoghera iya obhoheene.

2 Abhakörintö 13:8 ပူးပေါင်းရင်းမြစ်များ

Maariko 9:39

Kasi, Yëësu akamohonshora igha, “Hano mörööshë ömöntö kya uyö, motakaamokaania. Taaho ömöntö ono araakore amakono ku iriina iryane, amare ghwiki angambe bhoghogho.

2 Abhakörintö 10:8

Nokaanyoora igha nkwihasha ndë bhököngʼu, okoheteera ekerengere ikya ubhwera bhono Omonene Yëësu Kiristo yaatohaana. Nokaanyoora ni-igho, tenkosooka hë, ko bhoora obhotoro bhuyö tebhokobhatemora hë, kasi nkobhakora bhörë igha monaghe ku-mukumo.

2 Abhakörintö 13:10

Nkobhandekera ndë amangʼana ghano ntaraasha kö-bhëënyu iyö, okore hano ndiisha, ntakaasha okomaaha amangʼana ghano ghareghera nderre kora mbööröki ubhwera ubhwane bhono neenabho ko-Monene. Nkoghamba ndë igho, ko bhoora Omonene tiyangʼaana ubhwera ubhwa okobhasarya, kasi nu-bhwa okokora umukumo ughwënyu ghonaghe.

2 Abhakörintö 13:7

Nkosaasaama törë Waryobha motakaakora engʼana engogho yoyonswe eera, te-ko okoghera igha toratuna tomaahekane igha bhëëtö töhëkëëyë ekerengere kiyö. Kasi keno tukutuna, ni-igha bhëënyu mokore amangʼana amaiya, nokaanyoora bhëëtö tonga kya bhano twakerwa.

2 Abhakörintö 13:9

Nkushomerwa törë, hano twabha abhatëntëëru kasi bhëënyu mobha na singuru. Nkosaasaama törë Waryobha igha, abhahekerani.

1 Timoteo 1:20

Mo-bhantö bhayö, bhaamo Himenayo na Arekisanda. Naateghera Oghosambwa abhantö bhayö, okore bheeghe, bhatakaatokanga Waryobha.