2 Abhakörintö 13:7 - Imuuma Eehya

⁷ Nkosaasaama törë Waryobha motakaakora engʼana engogho yoyonswe eera, te-ko okoghera igha toratuna tomaahekane igha bhëëtö töhëkëëyë ekerengere kiyö. Kasi keno tukutuna, ni-igha bhëënyu mokore amangʼana amaiya, nokaanyoora bhëëtö tonga kya bhano twakerwa.

2 Abhakörintö 13:7 ပူးပေါင်းရင်းမြစ်များ

Mataayo 6:13

Otakaatohatërrya mo-mashaashyo. Kasi ötötöörri, ko-mashaashyo agha Omoghogho oora, [ko bhoora obhokama, obhotoro na ubhuhika ni-bhyaho amakora ghonswe igho! Amina.]’”

Yohana 17:15

Öni tenkosabha igha, obharuusi ko-kebhara kono, kasi obhagheterre ko Omoghogho oora.

Abharuumi 1:28

Mbe, ko bhoora bhaanga okoghoota amangʼana agha Waryobha, Waryobha wonswe yaabhatigha bhakore bhono bhakutuna. Ku bhuyö nkokora bharë amangʼana amaghogho ghano bhaanagho mo-maitegherro aghaabho. Amangʼana ghayö, kora teghaana ubhwera hë.

Abharuumi 12:17

Hano abhantö bhaabhakorra obhoghogho, motakaahaka ikisiiyomba. Kasi mwitegherrenga bhuuya, okore mokorre abhantö amangʼana ghano ghakomaahekana ko-bhantö bhonswe igho igha m-maiya.

Abharuumi 13:13

Tobhe na eteemo inshiiya kya iya abhantö abha mo-merengaari ighya urusikö orohya. Totakaabha abhaköri abha sinyangi isya obhohoobhaaru na öbhörëëbhi, totakaabha abhasooraare, totakaakora amangʼana agha sënsöni, ubhutindi na rikenge.

Abharuumi 16:10

Mönkëërri Apere, ono yaashaashwa bhököngʼu kora akaikërribhwa na Yëësu Kiristo. Mönkëërri na abhantö abha Arisitobhuuro.

1 Abhakörintö 11:19

Ko bhoora ni-igha ukwahokana kobhe mö-bhëënyu, okore bhamanyekane bhano bhaikërribhwa na Waryobha.

2 Abhakörintö 10:10

Nkoghamba ndë igho, ko bhoora abhantö bhandë nkoghamba bharë igha, “Amatashandighi agha Pauro m-marito kora amangʼana aghaaye ngaana singuru, kasi hano aaho umwene, m-mötëntëëru, kora amashumaasho aghaaye, teghaana ubhwera hë.”

2 Abhakörintö 10:18

Tërëngë igha ömöntö ono akwihasha umwene we akwikërribhwa na Omonene Waryobha, kasi no-oora Omonene Waryobha umwene akukumya, uyö we akwikërribhwa nawe.

2 Abhakörintö 13:6

Kasi ndaitengʼera igha, bhëënyu bhoono momarrë okomanya igha, bhëëtö twahekeera ekerengere.

2 Abhakörintö 13:8

Ngambirë igho, ko bhoora tetootore okokora engʼana yoyonswe eera, iya okorebherra obhoheene, kasi no-kokora ëkëntö ko okoghera iya obhoheene.

2 Abhakörintö 13:9

Nkushomerwa törë, hano twabha abhatëntëëru kasi bhëënyu mobha na singuru. Nkosaasaama törë Waryobha igha, abhahekerani.

2 Abhakörintö 6:4

Kasi nkwörökya törë abhantö ko amangʼana ghonswe igho igha, bhëëtö, m-baköri abha emeremo abha Waryobha törë. Nkokora törë igho, kö ököghömërrya bhököngʼu, amateeso na inyaanyi, na amangʼana amaköngʼu.

2 Abhakörintö 8:21

Keno tukutuna, tokokora bhuuya mbere iya Omonene aheene igho, kasi kora na ko-bhantö honswe.

Abhafiripi 4:8

Mbe, bhoono abhakumya bharikyëtö, amangʼana agha obhoheene, amangʼana ghano ghaingʼarëëyi okosookwa, amangʼana agha heene, amangʼana ghano ghataraaishooghana na obhoghogho, amangʼana ghano ghakushomera abhantö na amangʼana amaiya, amangʼana ghano ghaingʼarëëyi, na amangʼana ghano abhantö bhakukumya, ghayö ngo amangʼana agha ukwitegherra mo-metwe ighyënyu.

1 Abhatësarönikë 5:23

Waryobha ono akotohaana omorembe, abhasaabhuure ko amangʼana ghonswe igho. Abharende senkoro isyënyu na öbhöhöru ubhwënyu na ëmëbhërë ighyënyu, okore motakaatemwanga amasoro, okohekera enkaagha iya ukuusha ukwa Omonene uwëëtö Yëësu Kiristo.

1 Timoteo 2:2

Ndabhakangʼasërrya igha, mosabherenga abhakama na abhatangati bhonswe igho, okore tobhe na omorembe, tosooke Waryobha na okobha na eteemo inshiiya.

2 Timoteo 2:15

Okore omotono ughwa ukwëghya engʼana iya obhoheene, kya bhono ikutunwa na Waryobha igha yëghiibhwi. Hayö ho oraabhe ömököri uwa emeremo ono atakosookera emeremo ighyaye. Ghayö ngo Waryobha akutuna.

2 Timoteo 4:18

Nemanyirë igha Omonene Yëësu, naraaghëndërri ököntöörya ko-maghogho ghonswe igho na okondenda, okohekera ko-Bhokama ubhwaye ubhwa mu-ryobha. Omonene Yëësu atöönibhwi amakora na amakora! Amina.

Yaakobho 1:12

Nyakara ömöntö ono aköghömërrya hano yaashaashwa, ko bhoora hano araaghömërri ukushaashwa kuyö, Waryobha narimutuha ituho iya öbhöhöru ubhwa amakora ghonswe igho, bhono yaaraghaini okohaana bhonswe igho bhano bhamohanshirë.

1 Peetero 2:12

Mobhe na eteemo inshiiya mo-bhantö bhano bhatamanyirë Waryobha, okore hano bhareghambanga igha m-baghogho mörë, bhamaahe amangʼana aghëënyu amaiya ghano mokokora. Bhoono hayö, ho bharëtöönia Waryobha ko okoghera iya bhëënyu, urusikö rono ariisha.