2 Abhakörintö 13:5 - Imuuma Eehya

⁵ Mwiyitaahe bhëënyu abheene, mwimmaahe nyoore m-maheene mmoona umukumo. Kasi temomanyirë igha, Yëësu Kiristo mö-bhëënyu muyö arë? Hano oraanyoore igha ti-igho ërë hë, hayö momanye igha, ubhwitaahi ubhwënyu, tëbhöhëkërëëyë ekerengere keno kikutunwa hë.

2 Abhakörintö 13:5 ပူးပေါင်းရင်းမြစ်များ

Yohana 14:23

Yëësu akamohonshora igha, “Ömöntö wowonswe ono araanhanshe, naraaghoote amangʼana aghaane, ömöntö uyö naraahanshwe na Taata. Na bhëëtö bhonswe igho öni na Taata, ntoraashe tomenye hamwë nawe.

Yohana 15:4

Mobhe na öbhömwë na öni, na öni wonswe nendaabhe na öbhömwë na bhëënyu. Kya bhono mokomaaha risagharya retakotora ukwama sehagho iryene igho, hano retaghotaini na omozabhibhu, ni-ighoigho na bhëënyu bhonswe, temotore ukwama sehagho hano motaabhe ëkëntö ëkëmwë na öni.

Yohana 17:23

öni neena öbhömwë nabho, na uwe noona öbhömwë na öni. Ku bhuyö nkosabha ndë bhahekeranibhwi kö-bhömwë ubhwabho. Engʼana iyö yo eraaghere abhantö abha ko-kebhara kono bhamanye igha, nu-uwe waantoma, okahansha abhasoorani abhaane bhayö, kya bhono onhanshirë.

Yohana 17:26

Öni nkörrë omanyekane kya bhono örë, kora ghwiki nendaaghëndërri okokora igho, okore righonshe reno onaryo ku-öni, rebhe ko bheene bhayö, na öni wonswe mbe mo-bhayö.”

Yohana 6:56

Ömöntö ono akorya ömöbhërë ughwane na ukunywa amaanyinga aghaane, uyö nköghëndërrya arë okobha na öbhömwë na öni na öni wonswe nköghëndërrya ndë okobha öbhömwë nawe.

Yohana 6:6

Yëësu yaabhöörri Firipö igho, ku ukumushaashya, ko bhoora yaarenga amanyirë umwene bhono akaakörrë.

Abharuumi 1:28

Mbe, ko bhoora bhaanga okoghoota amangʼana agha Waryobha, Waryobha wonswe yaabhatigha bhakore bhono bhakutuna. Ku bhuyö nkokora bharë amangʼana amaghogho ghano bhaanagho mo-maitegherro aghaabho. Amangʼana ghayö, kora teghaana ubhwera hë.

Abharuumi 8:10

Ko bhoora igha Kiristo mmo-senkoro isyënyu amënyirë. Ku bhuyö nokaanyoora igha nkukwa mörë kinyamöbhërë, ko okoghera iya ëbhëbhë ibhyënyu, kasi Umwika Ömöhörëëru, nkobhahaana arë öbhöhöru, ko bhoora Waryobha abhabharrë igha, m-ba heene mörë.

1 Abhakörintö 11:28

Kasi bhoono kera ömöntö aibhööri umwene mo-motwe ughwaye, ataraarya omokaate na ukunywera ekekombe kiyö.

1 Abhakörintö 11:31

Kasi hano tokaaitëghërrëëyë bhuuya amaitegherro aghëëtö, Waryobha takaatöbhötörrëëyë ikiina hë.

1 Abhakörintö 3:16

Kasi motamanyirë igha bhëënyu ni-nyumba iya Waryobha mörë, kora Umwika uwa Waryobha mö-bhëënyu amënyirë?

1 Abhakörintö 6:15

Kasi temomanyirë igha ëmëbhërë ighyënyu, ni-myaho ighya Yëësu Kiristo? Mbe, bhoono ngeghe imyaho ighya Yëësu Kiristo ngekore ghebhe imyaho ighya omosooraare? A a, ti-igho hë!

1 Abhakörintö 6:19

Kasi, temomanyirë igha, ëmëbhërë ighyënyu ngyo inyumba iya Waryobha, mono amënyirë Umwika Ömöhörëëru ono mwaahaanwa na Waryobha? Tëghërëngë ighyënyu hë,

1 Abhakörintö 6:2

Kasi motamanyirë igha abhahörëëru abha Waryobha mbo bharebhotorra ikiina ekebhara keno? Mbe, hano okomaaha igha m-bëënyu morebhotorra ekebhara keno ikiina, n-kwakë motakomara abheene ibhiina ibhyënyu ebheke bhiyö?

1 Abhakörintö 9:24

Temomanyirë igha abhantö bhano bhakohambana rikenya, nkokenya bharë bhonswe igho, kasi ono akokera, we umwene igho akutuhwa? Bhoono, mokenye bhököngʼu, okore mutuhwe.

1 Abhakörintö 9:27

Kasi nö-möbhërë ughwane nkunyankya, kora ndairebherra, okore ntakaasha okomara okoraarekera abhandë, öni umwene nangwe.

2 Abhakörintö 6:16

M-borengerrania kë bhooho, inyumba iya Waryobha na ëbhëtöndö? Bhëëtö mbo inyumba iya Waryobha ömöhöru! N-kya bhoora Waryobha yaaghambirë igha, “Nendaabhenga ghatë iyaabho, ndaghenda hamwë nabho. Nendaabhe Waryobha uwaabho, na abheene bhonswe mbaraabhe abhantö abhaane.”

Abhagharatia 2:20

Esemoko iya öbhöhöru ubhwane bhoora ubhwa kare, mbwaahanekwa hamwë na Kiristo ko-mosarabha. Bhoono m-möhöru ndë, kora tö-öni hë, kasi Kiristo we öbhöhöru ubhwane bhono bhörëngë ku-öni. Öbhöhöru bhono neenabho enkaagha eno, nneenabho ku ukukumya Omoona uwa Waryobha. Omoona uwa Waryobha uyö yaanhanshirë, akairuusya öbhöhöru ubhwaye, akantöörya.

Abhagharatia 4:19

Abhaana abhaane, kya bhoora omokari uwa enda akunyanka na ebhesa ko-nkaagha iya ukwebhora, öni wonswe ni-ighoigho nkwiyighwa. Nendaaghëndërri ukwiyighwa igho, okohekera hano eteemo iya Kiristo eremaahekana mo-teemo iyëënyu.

Abhagharatia 6:4

Kasi kera ömöntö aiyitaahe umwene eteemo iyaaye. Hano oraanyoore na-mangʼana amaiya akokora, hayö aratora ukwikumya ko amangʼana amaiya ghayö akokora, atakairengʼania na ghano abhandë bhakokora.

Abhaëfësö 3:17

okore Yëësu Kiristo amenye këmwë mo-senkoro isyënyu ku umukumo ghono moonagho. Ndabhasabha igha, möghëndërri okohanshana. Righonshe n-kya imiri, imiri nkokora ghërë ëmëtë ghenagha, kora ghwiki n-kya inyumba eno ehaghaashirwë ku-musingi.

Abhakorosaai 1:23

Kasi ni-igha möghëndërri okobha na umukumo, mohangarre, mobhe na singuru, motakaikërrya ukutigha ubhweseghe bhono mwaanyoora mo-Mangʼana Amaiya ghano mwaaighwa. Amangʼana Amaiya ghayö, ghaaraarekwa ko-bhantö bhonswe igho abha ko-kebhara kono. Na öni Pauro naabha umutighinkani uwa Amangʼana Amaiya ghayö.

Abhakorosaai 1:27

Bhayö mbo Waryobha yaahanshirë igha abhahonyorre engʼana enene iyö iya ubhuhika eno yaakörrë ko okoghera iya Abhakyaro. Engʼana iya ikibhisirë iyö yo Kiristo ono arëngë mo-senkoro isyënyu, ghwiki we akobhahaana ubhweseghe igha moraasange ubhuhika ubhwa Waryobha.

Abhakorosaai 2:19

Abhantö bhayö, bhaiyahora ukurwa ku-Kiristo ono arëngë omotwe ughwa ömöbhërë. Ukurwa ku-uyö ömöbhërë ghonswe igho nkoraaghëribhwa ghörë, kora ghoroobhanibhwa na imyaho na imiki, ghukiina bhuuya kya bhono Waryobha akutuna.

Abhakorosaai 2:7

Mohangarre mönsë iyaaye, mwihaghaashe ko-we na umukumo kya bhono mwëëghibhwa. Ghwiki mobhe abhantö bhano mukukumya bhököngʼu Waryobha.

1 Timoteo 2:15

Kasi abhakari, ukwebhora ukwabho nkwo korebhatöörya, hano bharaaghëndërri okobha na umukumo, righonshe, öbhöhörëëru na okobha na eteemo inshiiya.

2 Timoteo 3:8

Abhantö bhayö bhakwihira mu-mighi ighya abhantö, nkorebherra bharë obhoheene, kya bhoora Yane na Yambure, bhaarebherranga Mosa. Emetwe ighya abhantö bhayö ghyasareka, bhaatigha ukukumya Waryobha.

Tiito 1:13

Amangʼana ghayö m-maheene. Ku bhuyö okaaninga abhantö bhayö bhököngʼu, okore bhaghoote amëëghyö agha obhoheene.

Tiito 1:16

Abheene nkoghamba bharë igha, mbamanyirë Waryobha, kasi amangʼana ghano bhakokora nkwörökya gharë igha, nkumwanga bharë. Abhantö bhayö, m-basëësëëbhya abha senkoro, m-batëëyu, tebhaana ubhwera ubhwa okokora amangʼana amaiya hë.

Tiito 2:2

Ötëëbhi abhaghaaka igha, bhagheerenga ngʼora amangʼana, bhaisooke, bhairebherre, bhabhe na umukumo ughwa obhoheene, bhaghömërringa, kora bhabhe na righonshe.

Abhaëbhuraania 12:15

Mwiyangarre bhököngʼu, ömöntö wowonswe oora atakaabhorwa örööbhö urwa Waryobha. Atakeebhoka-ho ömöntö mö-bhëënyu, ono anga kya umuri ömörörö. Ömöntö kya uyö, naraabhanyanki na ukunyankuhya senkoro isya abhantö abhaaru.

Abhaëbhuraania 4:1

Mbe, ko bhoora rekeeho riraghaniö irya Waryobha, irya okosoha ahasë ahaaye aha ukumuunya, ni-igha twobhohe, okore ömöntö atakaakerwa okosoha-mo.

Abhaëbhuraania 6:8

Kasi hano ryamërya amaanyamahwa na eketoha, terekobha na ubhwera hë, nkunyoora örë n-haangʼë rërë rihiimwe. Umuhiko ughwako no-kosambwa.

Yaakobho 4:4

Bhëënyu tëmörëngë abhantö abha heene ku-Waryobha hë, n-kya abhakari abhasooraare mörë. Kasi temomanyirë igha hano ömöntö yaghootana obhosaani na ekebhara, nkobha arë umubhisa uwa Waryobha? Ömöntö wowonswe ono araatune okoghootana obhosaani na ekebhara, uyö nkobha arë umubhisa uwa Waryobha.

1 Peetero 5:9

Mbe, mwange amangʼana agha Oghosambwa. Morebherre Oghosambwa ko okonaghya umukumo ughwënyu ku-Waryobha. Momanye igha, abhakumya bharikyënyu ahasë honswe igho ko-kebhara kono, nkunyankibhwa bharë kya bhëënyu.

Okohonyora 2:5

Muhiite ghano mwaakoranga haara mwaankumiri. Mohongore ëbhëbhë ibhyënyu, mokore kya ghaara mwaakörrë ko-nkaagha eera. Hano motaahongore ëbhëbhë ibhyënyu, nindiisha nduusi-ho eketangora ikyënyu ikya okotoora-ko setara.