2 Abhakörintö 13:4 - Imuuma Eehya

⁴ No-bhoheene igha, Yëësu Kiristo yaahanëkirwë ko-mosarabha kö-bhötëntëëru ubhwa kinyabhantö, kasi bhoono igho, m-möhöru ko obhotoro ubhwa Waryobha. Amangʼana ni-igho gharë igha, bhëëtö m-batëntëëru törë ku-Yëësu Kiristo, kasi moremaaha igha, ntorebha abhahöru ko obhotoro ubhwa Waryobha.

2 Abhakörintö 13:4 ပူးပေါင်းရင်းမြစ်များ

Yohana 10:18

Taaho ömöntö ono akotora ukunduusya öbhöhöru ubhwane. Nö-öni umwene nkwiruusya öbhöhöru ubhwane. Öni neena obhotoro ubhwa ukwiruusya öbhöhöru ubhwane, ghwiki neena obhotoro ubhwa okobhoghegha. N-Taata umwene ono yaantoma we yaandaghërrya okokora igho.”

Amangʼana agha Abhatomwa 2:36

Peetero akamarërrya ko okoghamba igha, “Ku bhuyö, Abhaisiraëri bhonswe igho, ni-igha momanye bhuuya igha, Waryobha, akörrë Yëësu uyö, okobha Omonene na Kiristo. Na Kiristo uyöuyö, we mwaahanëkirë ko-mosarabha haara, mokamwita!”

Amangʼana agha Abhatomwa 3:16

Ömöntö uyö mokomaaha hano, mmomomanyirë bhuuya. Ahwëniibhwi ko bhono akumiri iriina irya Yëësu. Nu-mukumo ughwaye ku-Yëësu ngwo ghökörrë ahwënirë kya igho mokomaaha.

Abharuumi 1:4

Nokaanyoora igha ni-igho yaarë, kasi ko okohetera Umwika Ömöhörëëru, Waryobha yaamwahööyë igha abhe Omoona uwaaye uwa obhotoro bhwonswe igho, hano yaamuryökëri ukurwa mo-bhaku. Yëësu Kiristo uyö, we Omonene uwëëtö.

Abharuumi 14:9

Ko bhoora Yëësu Kiristo yaakuurë, akaryoka, bhoono m-möhöru, okore abhe Omonene uwa bhonswe igho, abhaku na abhahöru.

Abharuumi 6:4

Ensonga iyaamo ni-igha, hano twaabhatiisiibhwi, ntwaabhaayë kya bhano tukuurë na okobheekwa hamwë nawe. Yëësu Kiristo yaamarrë akaryoka ko obhotoro obhonene ubhwa Taata Waryobha, ku bhuyö na bhëëtö bhonswe, ni-igha tobhe na eteemo iya öbhömënyi obhohya.

1 Abhakörintö 1:25

Ko bhoora igha, engʼana iya Waryobha eno ekomaahekana igha ni-iya obhokangi, nkunyoora örë eena obhongʼaini okokera obhongʼaini ubhwa abhantö. Engʼana iya Waryobha eno abhantö bhakomaaha igha m-botaaniinu, neena obhotoro okokera ubhwa abhantö.

1 Abhakörintö 15:43

Nkobheekwa ghörë ghotaana ubhwera, kasi nkuryökibhwa ghörë ghoona ubhwera. Nkobheekwa ghörë ömöbhërë ömötëntëëru, ghuryökibhwa ughwa singuru.

1 Abhakörintö 2:3

Enkaagha iyö, m-mötëntëëru naarë, kora naarenga na entarëki, kora naarighitanga bhököngʼu.

1 Abhakörintö 6:14

Waryobha narituryökya ko obhotoro ubhwaye kya bhono yaaryökëri Omonene Yëësu Kiristo ukurwa mo-bhaku.

2 Abhakörintö 10:10

Nkoghamba ndë igho, ko bhoora abhantö bhandë nkoghamba bharë igha, “Amatashandighi agha Pauro m-marito kora amangʼana aghaaye ngaana singuru, kasi hano aaho umwene, m-mötëntëëru, kora amashumaasho aghaaye, teghaana ubhwera hë.”

2 Abhakörintö 12:10

Ku bhuyö öbhötëntëëru ubhwane nkunshomera bhörë, hamwë na okotokwa, inyanko, amateeso, inyaanyi ko okoghera iya Kiristo, ko bhoora hano naabha ömötëntëëru, ho nkobha na singuru.

2 Abhakörintö 13:9

Nkushomerwa törë, hano twabha abhatëntëëru kasi bhëënyu mobha na singuru. Nkosaasaama törë Waryobha igha, abhahekerani.

Abhafiripi 3:10

Nkutuna ndë mmanye Kiristo bhököngʼu, mbe na obhotoro ubhwa ukuryoka ukwaye. Mbe na öbhömwë nawe, nteseke na ukukwa kya igho ghaaikörrë ku-Kiristo.

Abhaëbhuraania 5:7

Mbe, enkaagha eno waanyöörrë Yëësu Kiristo akërëngë ko-kebhara kono, yaasabhirë, akasaasaama, kora akakoorra bhököngʼu Waryobha mwene obhotoro ubhwa ukumuruusya mu-singuru isya uruku. Ko okoghera iya ubhwihöötu ubhwaye, Waryobha akamwighwera.

1 Peetero 3:18

Yëësu Kiristo wonswe n-kamwë igho yaakuurë ko okoghera iya ëbhëbhë ibhyëtö, okore atwighwerrani na Waryobha, kasi tiyaarë na ëbhëbhë bhyobhyonswe igho hë. M-möntö uwa heene yaarë. Yaaitirwë kinyamöbhërë, kasi ko obhotoro ubhwa Umwika Ömöhörëëru, akanyoora ghwiki öbhöhöru.

1 Peetero 3:22

Yëësu Kiristo yaaghëëyë mu-ryobha, na bhoono igho, naikaayë okobhoko ukwa bhoryo ubhwa Waryobha, ahasë hano hakosookwa bhököngʼu. Nkotonga arë abhamaraika, ëbhëntö ëbhëtöngi bhyonswe igho, na bheno bheena obhotoro.