2 Abhakörintö 13:11 - Imuuma Eehya

¹¹ Bhoono abhakumya bharikyane, nkomarërrya ndë ko okobharagha na eno ndabhatëëbhya igha, mohekerane ko amangʼana aghëënyu, mobhe abhantö abha ököröörësania, mobhe ikiina ëkëmwë, mobhe na omorembe. Hayö ho Waryobha uwa righonshe na omorembe araabhe hamwë na bhëënyu.

2 Abhakörintö 13:11 ပူးပေါင်းရင်းမြစ်များ

Mataayo 1:23

“Tamaaha, omokari intindë narimökya enda, eebhore omoona uwa ikishaasha! Narerokwa iriina igha Emanueri.” Ensonga iyaako igha, “Waryobha hamwë arë na bhëëtö.”

Mataayo 5:48

Mbe, mobhe abharöngë kya Suwëënyu uwa mu-ryobha bhono arëngë uwa heene.”

Maariko 10:49

Yëësu akemerra, akaghamba igha, “Momobherekere aashe hano.” Mbe, bhakabherekera umuhukuru uyö, bhakamötëëbhya igha, “Terema! Emoka arakobherekera.”

Maariko 9:50

Ömöönyö n-këntö ikiiya, kasi hano ömöönyö ghoraabhorwe obhosambaaroku, n-kë kekaatoorwa-mo ghosambaaroke? Kora na bhëënyu bhonswe ni-igha mobhe kya ömöönyö ghono ghokosambaarokya. Mobhe na ubhwighwerrani abheene ko abheene.”

Ruuka 9:61

Ömöntö uwöndë uwa katatö, akatëëbhya Yëësu igha, “Ore Omonene, nendaakosooranenga, ahasë honswe igho. Kasi untighe tangata ngende ndaghe abha yeeka.”

Yohana 17:23

öni neena öbhömwë nabho, na uwe noona öbhömwë na öni. Ku bhuyö nkosabha ndë bhahekeranibhwi kö-bhömwë ubhwabho. Engʼana iyö yo eraaghere abhantö abha ko-kebhara kono bhamanye igha, nu-uwe waantoma, okahansha abhasoorani abhaane bhayö, kya bhono onhanshirë.

Amangʼana agha Abhatomwa 15:29

Motakaarya ibhyakorya bheno bhimwënsëywë ëbhëtöndö, handë ukunywa amaanyinga, motakaarya ibhibhuuse, na motakaakora obhosooraare. Hano muriharreke amangʼana ghayö, m-buuya moraanyoore mökörrë. Mbe, mutighare na omorembe.”

Amangʼana agha Abhatomwa 18:21

Kasi yaaraghaini nabho akabhatëëbhya igha, “Hano Waryobha arehansha, nindikyora.” Akariina iryato, akatanora ukurwa Ëfësö hayö.

Amangʼana agha Abhatomwa 23:30

Hano naasimirwë igha bhamunyëërëyë inikö iya ukumwita, nkamaaha igha mmoreete bhöngö ku-uwe iyö. Nkatëëbhya abhashöngëri abhaaye bhayö igha, ikiina ikyabho ni-iyö keraakorrwe.”

Abharuumi 12:16

Mobhe ikiina ëkëmwë. Motakaabha na ikiheemere, kasi mwisuuhi mobhe na öbhömwë na abhantö bhano bhakoserwa. Motakaimaaha igha, m-bangʼaini mörë bhököngʼu.

Abharuumi 12:18

Mokore omotono ughwa okobha na omorembe na abhantö bhonswe igho.

Abharuumi 14:19

Mbe, ku bhuyö ni-igha, tokorenga amangʼana ghano ghakoreeta omorembe mo-bhantö, na agha okotoghekana.

Abharuumi 15:13

Waryobha we tukwitengʼera igha, naraatokorre ghonswe igho ghano yaaraghaini. Ku bhuyö nkobhasabhera ndë igha, abhahaane omorembe, okore mushomerwe bhököngʼu enkaagha eno mököghëndërrya ukumukumya. Hayö ho moraamweseghe bhököngʼu, ko bhoora moraatööribhwi na obhotoro ubhwa Umwika Ömöhörëëru.

Abharuumi 15:33

Waryobha ono akobhahaana omorembe, abhe hamwë na bhëënyu bhonswe igho. Amina.

Abharuumi 16:20

Bhoono Waryobha ono akotohaana omorembe, m-böngö araatashere hansë Oghosambwa. Naraaghotashere mo-bhora ubhwa amaghörö aghëëtö. Örööbhö urwa Omonene uwëëtö Yëësu Kiristo robhe hamwë na bhëënyu. [Amina.]

1 Abhakörintö 1:10

Abhakumya bharikyane, ndabhasaasaama okohetera iriina irya Omonene uwëëtö Yëësu Kiristo igha, mobhe na ubhwighwerrani, hayö ho moraabhe ëkëntö ëkëmwë. Mwangarre motakaahokana, kasi mobhe ëkëntö ëkëmwë, bhanyakiina ëkëmwë.

2 Abhakörintö 1:4

We akötöghösörrya mu-nyanko iyëëtö yonswe igho, okore na bhëëtö bhonswe töghösörri abhandë bhano bharëngë mu-nyaanyi yoyonswe eera, kya bhono bhëëtö tököghösörribhwa na Waryobha.

2 Abhakörintö 13:9

Nkushomerwa törë, hano twabha abhatëntëëru kasi bhëënyu mobha na singuru. Nkosaasaama törë Waryobha igha, abhahekerani.

Abhaëfësö 4:12

Yaakörrë igho, okore abhantö bhayö bhasëëmi abhantö abha Waryobha, bhakorrenga Waryobha emeremo. Ghwiki ikyëndë ni-igha, Abhakiristo bhanaghe. Abhakiristo bhayö, mbo bhakobherekerwa igha, ömöbhërë ughwa Kiristo.

Abhaëfësö 4:3

Mokore omotono ughwa ököghëndërrya okobha na öbhömwë bhono Umwika Ömöhörëëru uwa Waryobha akohaana abhantö, bhaikarana bhuuya ko omorembe.

Abhaëfësö 6:23

Abhakumya bharikyëtö, Waryobha Taata uwëëtö na Omonene uwëëtö Yëësu Kiristo bhabhahaane omorembe. Bhaghere mohanshane, kora möghëndërri okobha na umukumo ku-Yëësu Kiristo.

Abhafiripi 1:27

Engʼana enene ni-igha, mobhe na eteemo eno ekorengʼana na Amangʼana Amaiya agha Kiristo. Hano ndaashe okobhamaaha handë nange ukuusha, kasi nighwenga igha, nköghëndërrya mörë okonagha, kora moona öbhömwë. Nkunyankera mörë hamwë umukumo ghono ghokotooka ko Amangʼana Amaiya.

Abhafiripi 3:16

Bhoono engʼana enene, ni-igha toghoote amangʼana ghaara Waryobha yaatwörökya.

Abhafiripi 4:2

Nkobhasaasaama ndë bhököngʼu Ewodia na Sintike igha, mwighwerrane, mobhe ikiina ëkëmwë, ko bhoora bhëënyu bhonswe igho, m-basoorani abha Omonene Yëësu mörë.

Abhafiripi 4:4

Mushomerwenga nkaagha syonswe igho, ko bhoora bhëënyu na-abha Omonene Yëësu mörë. Ghwiki ndakyorra okoghamba igha, mushomerwenga!

Abhafiripi 4:9

Möghëndërri okokora amangʼana ghaara mweegha ku-öni, mokaghaikërrya, mokaghaighwa kora mokamaaha ndaghakora. Hayö ho Waryobha ono akobhahaana omorembe, araaghëndërri okobha hamwë na bhëënyu.

1 Abhatësarönikë 3:10

Nkotonerra törë okosaasaama Waryobha ubhutikö na omobhasö, atötöörri tomaahane ghwiki na bhëënyu, okore töbhëngërërri keno kikusuuha ku-mukumo ughwënyu.

1 Abhatësarönikë 4:1

Bhoono abhakumya bharikyëtö, mwaamaahera kö-bhëëtö kya bhono ikutunwa ukwikara bhuuya, okore mötëghëri Waryobha. M-maheene ni-igho mokokora. Torabhasabha na okobhasaasaama ku ubhwera ubhwa Omonene Yëësu igha, möghëndërri bhököngʼu okokora igho.

1 Abhatësarönikë 4:18

Bhoono motoghekanenga ko amangʼana ghayö.

1 Abhatësarönikë 5:13

Mobhahanshe na okobhasooka bhököngʼu ko okorengʼaana na emeremo ighyabho. Mokorranenga amangʼana agha omorembe, bhëënyu abheene ko abheene.

1 Abhatësarönikë 5:16

Mushomerwenga senkaagha syonswe igho,

1 Abhatësarönikë 5:23

Waryobha ono akotohaana omorembe, abhasaabhuure ko amangʼana ghonswe igho. Abharende senkoro isyënyu na öbhöhöru ubhwënyu na ëmëbhërë ighyënyu, okore motakaatemwanga amasoro, okohekera enkaagha iya ukuusha ukwa Omonene uwëëtö Yëësu Kiristo.

2 Abhatësarönikë 2:16

Omonene uwëëtö Yëësu Kiristo na Waryobha Taata uwëëtö ono atohanshirë, na kö örööbhö urwaye, nkötöröörësya arë amakora ghonswe igho, na okotohaana ubhweseghe ubhurito. Nkosaasaama törë igha,

2 Abhatësarönikë 3:1

Bhoono abhakumya bharikyëtö, motosabheraninga, okore amangʼana agha Omonene Yëësu gharomaane bhöngö. Motosabherenga, okore abhantö bhaghaikërri na bhaghasooke, kya bhoora yaarë kö-bhëënyu.

2 Abhatësarönikë 3:16

Bhoono, Omonene Yëësu umwene, ömösëmöri uwa omorembe, abhahaanenga omorembe senkaagha syonswe igho, ko-senshera syonswe igho. Abhe hamwë na bhëënyu bhonswe igho.

2 Timoteo 2:22

Wibhashe oronamba urwa ubhumura. Oghoote-ko amangʼana agha heene, obhe na umukumo, righonshe, na omorembe. Onaghi ghayö, hamwë na bhonswe igho bhano bhakosaasaama Omonene Waryobha kwa enkoro inshiiya.

Abhaëbhuraania 12:14

Mbe, bhoono ni-igha mokore omotono ughwa okobha na omorembe ko-bhantö bhonswe igho, na öbhöhörëëru bhwonswe, ko bhoora taaho ömöntö ono aremaahana na Omonene, ataana öbhöhörëëru bhuyö.

Abhaëbhuraania 13:20

Mbe, Waryobha ono akohaana abhantö omorembe, yaaryökëri Omonene uwëëtö Yëësu Kiristo. Uyö we Omokaraabhërri uwa amangʼöndi Omonene, okohetera ko-nshera iya ukwëtëkya amaanyinga aghaaye agha imuuma iya amakora ghonswe igho.

Yaakobho 1:4

Ni-igha möghömërringa okohekera umuhiko ughwako, okore mobhe abhantö abha heene, motakaasuuhwa na engʼana yoyonswe igho hë.

1 Peetero 3:11

Ghwiki ni-igha atakaakora amangʼana amaghogho, akore amangʼana amaiya. Akore omotono ughwa ukwikarana bhuuya na bharikyaye ko omorembe,

1 Peetero 3:8

Ko okomarërrya, nkobhatëëbhya ndë bhonswe igho igha, mobhe kiina këmwë, motakaabha na amaitegherro abhërë. Mohanshane kya abhantö abha enda ëmwë, mwabheranenga kora mwihootenga.

1 Peetero 5:10

Waryobha uwa örööbhö rwonswe igho, yaabhabherekera, okore moghootane nawe ku-bhuhika ubhwaye ubhwa amakora ghonswe igho, ko bhoora ntoona öbhömwë na Yëësu Kiristo. Moraanyanke akabhagha akake igho, kasi we narebhatogheka, abhahaane singuru, na okobhaimererra.

Okohonyora 22:21

Örööbhö urwa Omonene Yëësu, robhe hamwë na bhëënyu bhonswe igho. Amina.