2 Abhakörintö 12:7 - Imuuma Eehya

⁷ Naahaaywë inyanko kö-möbhërë ughwane, eno enga kya reehwa. Inyanko iyö, ni-iya umihiri uwa amangʼana uwa Oghosambwa, ono yaatömirwë anyanki, okore ntakaikumya bhököngʼu ko okoghera iya amangʼana ghayö nööröökiibhwi.

2 Abhakörintö 12:7 ပူးပေါင်းရင်းမြစ်များ

Mataayo 26:67

Mbe, bhakasimya ukutwera Yëësu amate mu-bhusyö, bhakamotema sinkundi, abhandë bhakamotema amakööfi.

Mataayo 4:10

Kasi Yëësu akaghohonshora igha, “Ndwera-ho ghore Ghosambwa. Tenkosaasaame hë, ko bhoora yandëkirë mo-Maandeko Amahörëëru igha, ‘Ni-igha osaasaame Omonene uwaaho Waryobha, na ukumwighwera umwene igho.’”

Ruuka 13:16

Bhoono omokari ono, uwa eka iya Ibhurahimu, yaamara imyoka ikömi na monaane ariishirwe na Oghosambwa, mbe, wonswe tiyaarë aingʼarëëyi aruusibhwi mo-kebhohe kiyö urusikö urwa Obhotooro?”

1 Abhakörintö 4:11

Kora bhoono, ntoona umweko na inyonta, twaghoterwa singibho, toratemwa sinkundi, nkoghendaghenda törë igho, tetoona ahasë aha okomenya hë.

1 Abhakörintö 5:5

Ni-igha mohaane Oghosambwa ömöntö uyö, okore esemoko iyaaye iya öbhököri ubhwa ëbhëbhë, isikibhwi, kasi enkoro iyaaye ëtööribhwi urusikö urwa ukukyora ukwa Omonene Yëësu Kiristo.

2 Abhakörintö 10:10

Nkoghamba ndë igho, ko bhoora abhantö bhandë nkoghamba bharë igha, “Amatashandighi agha Pauro m-marito kora amangʼana aghaaye ngaana singuru, kasi hano aaho umwene, m-mötëntëëru, kora amashumaasho aghaaye, teghaana ubhwera hë.”

2 Abhakörintö 10:5

Nkotemora bhërë amaitegherro na amangʼana ghonswe igho agha ubhwihashi, ghano ghakoghera abhantö bhanga okomanya Waryobha. Nkoghoota törë këghötërëëyë amaitegherro ghonswe igho okore ghaighwere Yëësu Kiristo.

2 Abhakörintö 11:20

Moraghömërrya ömöntö ono akobhakora mobhe abhaghorwa, ömöntö ono akobheebhera kengʼainingʼaini igho, ono akobharuusya ëbhëntö, ono akwitöönia, moraghömërrya ömöntö ono akobhatema ku-bhusyö.

2 Abhakörintö 12:1

Ni-igha niikumi, nokaanyoora igha ti-bhuuya hë. Kasi nendaahekeere amamaaho ghano nkomaaha na obhohonyoro ubhwa amangʼana ukurwa ko-Monene.

Abhagharatia 4:13

Nkuhiita mörë ekembere haara igha öbhörööyë ubhwane mbo bhwaaghërrë nkanyoora umweya ughwa okobharaarekera Amangʼana Amaiya.

1 Timoteo 3:6

Kora atakaabha ömöntö ono yatööribhwa bhöngö hano, okore atakaasha okobha na ikiheemere. Ukwiheema kuyö, nkomokorerra abhotorrwe ikiina kya bhono Oghosambwa ghwaabhötörëëywë ikiina.