2 Abhakörintö 12:4 - Imuuma Eehya

⁴ yöönyööywë, akahika Paradiso. Hano yaarë Paradiso iyö, akaighwa amangʼana ghano ömöntö ataatore okoghamba, amangʼana ghano ömöntö atakutunwa igha aghaghambe.

2 Abhakörintö 12:4 ပူးပေါင်းရင်းမြစ်များ

Ruuka 23:43

Yëësu akamohonshora igha, “No-bhoheene nkökötëëbhya igha, reero noraabhe hamwë na öni mu-ryobha.”

Amangʼana agha Abhatomwa 8:39

Hano bhaaruurë mo-manshë, Umwika uwa Omonene Waryobha, akasakörya Firipö. Omotabhuti uwa umuhyö mo-ketende uyö, tiyaamarrë ghwiki amaahe Firipö röndë hë. Akaghëndërrya na oroghendo urwaye na eno ashömëëywë.

1 Abhakörintö 13:1

Nenkaghamba ko-bheghambo ibhya abhantö, handë ibhya abhamaraika, kasi hano ntaana righonshe, m-bosa, obhoghambi ubhwane bhuyö, n-kituri kya bhosa igho, tebhoona moremo hë.

2 Abhakörintö 12:2

Mmanyirë Umukiristo ömwë, Umukiristo uyö, yöönyööywë ukughya ighörö iyö, imyoka ikömi na inye gheno ghyaaheta. Yaainyökiibhwi, akihikibhwa mu-ryobha irya katatö, hanga yaainyökiibhwi arëngë mö-möbhërë ughwaye muyö, hanga yaaghëëyë igho atarëngë mö-möbhërë ughwaye muyö, Waryobha we amanyirë. Kasi öni temanyirë hë.

1 Abhatësarönikë 4:17

Ho na bhëëtö bhano urinyoora tökërëngë abhahöru, ntoresaköribhwa hamwë nabho ukughya ku-risaarö, okore tusikane na Omonene Yëësu ighörö iyö. Mbe, nturiikara hamwë nawe amakora ghonswe igho.

Okohonyora 12:5

Mbe, omokari uyö akeebhora omoona uwa ikishaasha. “Omoona uyö, naretonga ibhyaro bhyonswe igho na inyimbo iya ekekama iya ikyoma.” Omoona uyö, akasaköribhwa, akahirwa ku-Waryobha, ku-kitumbë ikya Waryobha ikya ekekama.

Okohonyora 2:7

Ono aana amatwë, aitegherre amangʼana ghano Umwika Ömöhörëëru akötëëbhya amakanisa. Ömöntö wowonswe ono arekera amangʼana ghayö na aghömërri righonshe irya mbere reera, nindimwikërrya araaghere sehagho isya ömötë ghono ghokohaana abhantö öbhöhöru. Ömötë ghuyö, mu-ryobha iyö ghörë mu-bhusitaani iya Waryobha.”