2 Abhakörintö 12:20 - Imuuma Eehya

²⁰ Bhoono nkoobhoha ndë igha, ndatora ukuusha, nyoore morakora amangʼana ghano ghatakunshomera. Engʼana kya iyö eratora okokora mbakorre engʼana eno etaabhashomere. Ndatora ukunyoora morabheehana, moona rikenge, okorerrana, okokora ikisiiyomba, okohaamërrania, obhoghambi ubhwa abhantö, ubhwihëëmi, na riihë.

2 Abhakörintö 12:20 ပူးပေါင်းရင်းမြစ်များ

Abharuumi 1:29

M-baköri abha ëbhëbhë ibhya seteemo syonswe igho, obhoghogho bhwobhwonswe igho, kora m-bahiti abha ëbhëntö bhyonswe igho, mbaana orongʼeera. Bhahanshirë riihë, m-baiti abha abhantö, m-basëëghërrya, m-barongo, m-ba amaitegherro maghogho, m-baghambi abha abhantö.

Abharuumi 1:30

Ghwiki ni-igha, nkohanga bharë abhantö amangʼana, mbarëghirë Waryobha, m-batöki abha abhantö, mbaana ekeghaaka na ikiheemere. Keno bhakutuna nkaagha syonswe igho, nu-kutuna enshera eehya iya okokora amangʼana amaghogho, ghano ghatakaakörrwë na ömöntö uwöndë. Abhantö bhayö, tebhakosooka abhaibhöri abhaabho hë.

Abharuumi 2:8

Kasi abhaingʼahërya, na bhano bhakwanga amangʼana agha obhoheene, kora m-baköri abha amangʼana amaghogho, Waryobha narebharererra, abhashibhi.

1 Abhakörintö 1:11

Abhakumya bharikyane, abhantö nyabhorebhe abha eka iya Kirowe, bhaantëëbhya igha, timukwighwerrana bhuuya hë.

1 Abhakörintö 14:33

ko bhoora Waryobha uwëëtö takoreeta riihë hë, kasi no-morembe akoreeta. N-kya bhoora ërëngë ko amakanisa ghonswe igho agha abhahörëëru,

1 Abhakörintö 5:2

Bhëënyu moraihashera engʼana iyö. Nyakara mokaabhaabhayëëyë na mughire ömöntö uyö yaakora ghayö, arwe mö-bhëënyu muyö.

2 Abhakörintö 1:23

Tenaishirë Körintö iyö, ko bhoora ntatunanga munyahaareke mo-senkoro isyënyu. Ghayö nkoghamba no-bhoheene, kora Waryobha wonswe namanyirë igha, no-bhoheene nkobhatëëbhya.

2 Abhakörintö 10:2

Ndabhasabha igha, motakaakora mbe omokarë kö-bhëënyu hano ndiisha iyö. Nkoghamba ndë igho, ko bhoora nemanyirë igha, ndatora okobha omokarë ko bhano bhonswe igho bhakokanya igha, öbhömënyi ubhwëtö, m-bwa kinyamöbhërë.

2 Abhakörintö 10:6

Hano moraabhe abhantö abha ukwighwera amangʼana agha heene, hayö ho bhëëtö toraabhe na obhotoro ubhwa ukushibhya amangʼana ghonswe igho agha ukwanga ukwighwera Kiristo.

2 Abhakörintö 12:21

Ghwiki nkoobhoha ndë igha, hano ndiisha, Waryobha nareghera nsooke kö-bhëënyu. Ndebhaabhayera hano ndemaaha abhantö abhaaru, bhano bhaakora ëbhëbhë mö-bhëënyu, tebhakaahöngööyë ëbhëbhë ibhyabho hë. Kasi mbakeena amangʼana aghaabho amaghogho ghaara agha obhosooraare, na amangʼana aghandë agha sënsöni ghano bhaarë nagho ukurwa kare.

2 Abhakörintö 13:2

Hano naaishirë kö-bhëënyu hayö urwa kabhërë, naakaanëri bhaara bhaakörrë ëbhëbhë. Bhoono igho, n-hare ndë, kasi nkötëëbhya ndë bhaara bhaakora ëbhëbhë na abhandë bhonswe igho ku ukukyorra amangʼana ghaaraghaara igha, hano ndiisha, tindyabhera ömöntö hë.

2 Abhakörintö 2:1

Mbe, ku bhuyö nkamaaha igha, m-buuya ntakaasha kö-bhëënyu, okore ntakaaghera mobhaabhayere ghwiki.

Abhagharatia 5:15

Kasi nyoore nkoromana mörë na okoraagherana kya matyënyi, mwiyangarre motakaasha kwisikya bhëënyu abheene.

Abhagharatia 5:26

Totakaikumyanga bhosa igho, totakatenderananga handë okokorrana rikenge.

Yaakobho 4:11

Abhakumya bharikyane, motakaashërëngyanga amangʼana agha bharikyënyu. Ko bhoora ömöntö wowonswe ono akushërëngya amangʼana agha murikyaye, handë okomobhotorra ikiina, uyö nkunyoora arë asërrë amaraghërryö agha Waryobha. Hano oraasere amaraghërryö, uwe tokoghasooka hë, kasi nkunyoora örë wikörrë umwahokania uwa amaraghërryö.

1 Peetero 2:1

Mbe, mutighe obhoghogho bhonswe igho, seteemo syonswe igho isya okongʼaina abhantö, ubhwiköri, na rikenge, kora motakaaghambanga bhoghogho abhantö.

2 Peetero 2:18

Nkoghamba bharë amangʼana agha ikiheemere, ghano ghataana ubhwera. Oronamba urwabho oroghogho urwa kinyamöbhërë, ndo rokoghera bharakemba abhantö bhano bhaakumya bhöngö hano, bhano bhaatigha okokora ghano abhasarya bhakokora.

Yuuda 1:16

Abhantö bhayö, nkwibhëmbëërya bharë na okotema abhantö abhandë amasoro, kasi no-ronamba urwabho urwene igho ndo rokobhanyankya. Nkoghamba bharë amangʼana amarito agha ukwihasha, na ukukumya bhököngʼu abhantö abha ibhyeo, okore bhanyoore ehoorohooro.