2 Abhakörintö 12:19 - Imuuma Eehya

¹⁹ Kasi nkokanya mörë igha, nkwikoorerra törë kö-bhëënyu. Bhëëtö nkoghamba törë amangʼana ghano mbere iya Waryobha, ntoona öbhömwë na Kiristo. Amangʼana ghayö ghonswe igho tokokora, abhaghonshe abhëëtö, n-ko okoghera iya okobhatöörrya, okore monaghe ku-mukumo ughwënyu.

2 Abhakörintö 12:19 ပူးပေါင်းရင်းမြစ်များ

Abharuumi 12:19

Abhaghonshe abhaane, motakaahaka ikisiiyomba, moteghere Waryobha umwene ahake. Nkoghamba ndë igho, ko bhoora Omonene Waryobha yaaghambirë mo-Maandeko Amahörëëru igha, “Nö-öni nkohaka ikisiiyomba.”

Abharuumi 14:19

Mbe, ku bhuyö ni-igha, tokorenga amangʼana ghano ghakoreeta omorembe mo-bhantö, na agha okotoghekana.

Abharuumi 15:2

Kera ömöntö mö-bhëëtö, akorre umukumya murikyaye nyamukumo mötëntëëru, amangʼana agha ökömötëghërya, okore umukumo ughwa nyamukumo mötëntëëru ghonaghe.

Abharuumi 9:1

No-bhoheene nkobhatëëbhya, öni umukumya uwa Kiristo, tenkorongoha hë. Kora amaitegherro aghaane ghano ghakotangatwa na Umwika Ömöhörëëru, ghonswe ni-igho ghakunyörökya.

1 Abhakörintö 10:14

Ku bhuyö abhaghonshe abhaane, motakaasengerra ëbhëtöndö kora hake hë!

1 Abhakörintö 10:33

Mobhe kya öni bhono nkötëghërya abhantö bhonswe igho, ko amangʼana ghonswe igho ghano nkokora. Tenkokora igho ko okoghera iya ehoorohooro iyaane, kasi n-ko okoghera iya ehoorohooro iya abhantö abhaaru okore bhatööribhwi.

1 Abhakörintö 14:26

Mbe, bhoono abhakumya bharikyane, iyakë nkaghamba? Hano mwasikana hamwë, igha kera ömöntö aana rirëëtyö, aana amëëghyö, aana obhohonyoro, aana ekeghambo ekehya, aana esesoro. Amangʼana ghayö ghonswe igho, ni-igha ghakorwe ko okoghera iya okohaghaashana.

2 Abhakörintö 10:8

Nokaanyoora igha nkwihasha ndë bhököngʼu, okoheteera ekerengere ikya ubhwera bhono Omonene Yëësu Kiristo yaatohaana. Nokaanyoora ni-igho, tenkosooka hë, ko bhoora obhotoro bhuyö tebhokobhatemora hë, kasi nkobhakora bhörë igha monaghe ku-mukumo.

2 Abhakörintö 11:10

Kya igho obhoheene ubhwa Yëësu Kiristo bhörë mu-öni, taaho ömöntö wowonswe oora uwa mo-mokowa ughwa Akaaya hayö, ono akotora okondebherra ntakaikumya ko engʼana iyö.

2 Abhakörintö 11:31

Waryobha, Suwaabho Omonene uwëëtö Yëësu Kiristo, ono aingʼarëëyë ukukumibhwa amakora ghonswe igho, namanyirë igha tenkorongoha hë.

2 Abhakörintö 12:15

Öni nendaashomerwe ukuruusya ëbhëntö ibhyane, na ukwiruusya öni umwene, okore mbatöörri. Kasi bhoono, nkomaahekana ërë igha, enkaagha eno öni nköghëndërrya okobhahansha bhököngʼu, ho bhëënyu mukusuuhya righonshe iryënyu ku-öni.

2 Abhakörintö 13:10

Nkobhandekera ndë amangʼana ghano ntaraasha kö-bhëënyu iyö, okore hano ndiisha, ntakaasha okomaaha amangʼana ghano ghareghera nderre kora mbööröki ubhwera ubhwane bhono neenabho ko-Monene. Nkoghamba ndë igho, ko bhoora Omonene tiyangʼaana ubhwera ubhwa okobhasarya, kasi nu-bhwa okokora umukumo ughwënyu ghonaghe.

2 Abhakörintö 2:17

Bhëëtö tëtörëngë kya abhantö abhandë abhaaru bhano bhakokorra ibhyashara engʼana iya Waryobha, okore bhanyoore ehoorohooro. Kasi bhëëtö, ntwaatomwa na Waryobha, ku bhuyö bhëëtö ko obhotoro ubhwa Yëësu Kiristo, nkoraareka törë engʼana iya Waryobha kwa ubhwihöötu tomanyirë igha, Waryobha nkotomaaha arë.

2 Abhakörintö 3:1

Kanaa, nkokanya mörë igha nkusimya törë ghwiki ukwikumya kö-bhëënyu? Bhëëtö tëtörëngë kya abhantö abhandë, igha toratuna ritashandighi irya ukwiyörökya kö-bhëënyu, handë irya ukurwa kö-bhëënyu.

2 Abhakörintö 7:1

Mbe, abhaghonshe abhaane, ko bhono mokomaaha igha m-maaru ghano Waryobha yaatoraghania, ku bhuyö ni-igha twisaabhuure, tutighane na ubhunyanku bhwonswe igho, ubhwa kinyamöbhërë na kinyamwika. Tobhe abhahörëëru ko-nshera iya okosooka Waryobha.

Abhafiripi 4:1

Ku bhuyö abhakumya bharikyëtö, nembahanshirë, kora nkwighomba ndë mbamaahe. Bhëënyu mbo ukushomerwa ukwane, na m-bëënyu ituho iyaane eno naahaanwa ko okoghera iya meremo gheno naakora. Ni-igho ikutunwa igha bhaghonshe abhaane, monaghe ko-Monene.

1 Abhatësarönikë 5:11

Ku bhuyö abhakumya bharikyëtö, motoghekane na ökötöörrania bhököngʼu.

Abhaëbhuraania 6:9

Kasi abhaghonshe abhëëtö, nokaanyoora igha nkoghamba törë kwa öbhöbhë, kasi ntoona obhoheene igha, moona amangʼana amaiya ghano mokokora, ghano ghakwörökya igha, mwatööribhwa.