2 Abhakörintö 12:14 - Imuuma Eehya

¹⁴ Motamaaha, nkwisëëmya ndë niishe iyö urwa katatö, kasi tembaritohere hë. Të-bhëntö ibhyënyu nkutuna hë, kasi m-bëënyu nkutuna. Ngambirë igho, ko bhoora igha, ta-bhaana igha mbo bhakobheeka ëbhëntö ko okoghera iya abhaibhöri abhaabho, kasi abhaibhöri mbo bhakobheeka ëbhëntö ko okoghera iya abhaana abhaabho.

2 Abhakörintö 12:14 ပူးပေါင်းရင်းမြစ်များ

Amangʼana agha Abhatomwa 20:33

“Öni tenaighömbirë hera, esahaabhu handë singibho isya ömöntö wowonswe oora hë.

1 Abhakörintö 10:24

Ömöntö atakaatönibhwa na ehoorohooro iyaaye umwene igho hë, kasi atönibhwi na ehoorohooro iya murikyaye.

1 Abhakörintö 10:33

Mobhe kya öni bhono nkötëghërya abhantö bhonswe igho, ko amangʼana ghonswe igho ghano nkokora. Tenkokora igho ko okoghera iya ehoorohooro iyaane, kasi n-ko okoghera iya ehoorohooro iya abhantö abhaaru okore bhatööribhwi.

1 Abhakörintö 11:34

Nyoore ömöntö aana umweko, araagherenga waaye ka, okore ukwikomania ukwënyu, kotakaabhakorerra mobhotorrwe ikiina. Mbe, hano ndiisha, nendetoora bhuuya amangʼana aghandë ghano ghatighaayë.

1 Abhakörintö 16:5

Hano ndirwa Makedonia, ho ndeheterrania niishe kö-bhëënyu iyö.

1 Abhakörintö 4:19

Kasi hano Omonene araahanshe, m-böngö ndaashe kö-bhëënyu iyö. Hayö ho ndemanya ta-mangʼana aghaabho agha ukwihasha agheene igho, kasi nendemanya kora na obhotoro ubhwabho bhwonswe kya igho bhörë.

1 Abhakörintö 9:12

Hano okomaaha abhandë mbaingʼarëëyë okohaanwa ëbhëntö ukurwa kö-bhëënyu, bhoono bhëëtö bho titwingʼarëëyi bhököngʼu okohaanwa ëbhëntö bhiyö okokera bhayö? Kasi tetwasabha ëbhëntö bheno twingʼarëëyi ukunyoora, nköghömërrya törë amangʼana ghonswe igho, okore totakaarebherra abhantö ukukumya Amangʼana Amaiya agha Yëësu Kiristo.

1 Abhakörintö 9:18

Bhoono ituho iyaane në-ëëhë? Ituho iyaane no-koraareka Amangʼana Amaiya bhosa igho, ntakosabha keno ningʼarëëyë okohaanwa.

1 Abhakörintö 9:19

Öni tëndëngë omoghorwa uwa ömöntö wowonswe igho hë, m-mötöönööni ndë. Kasi naikërrya okobha omoghorwa uwa abhantö bhonswe igho, okore ntöörri abhantö abhaaru bhakumi Kiristo.

2 Abhakörintö 1:15

Naarenga na obhoheene ubhwa amangʼana ghayö, kiyö nkyo kyaaghërrë nkatuna igha niishe kö-bhëënyu ekembere, okore munyoore umweya ughwa okomaahana na bhëëtö harë kabhërë.

2 Abhakörintö 11:9

Enkaagha eno naarë na obhohabhë hano naarë kö-bhëënyu hayö, tenaritöhëëyë ömöntö wowonswe oora hë, ko bhoora abhakumya bharikyëtö bhano bhaaruurë Makedonia, mbaangʼaayë ëbhëntö bheno naatunanga. Nairebherranga, okore ntakaaritohera ömöntö wowonswe oora kö-bhëënyu, na kora ni-igho ndaaghëndërri okokora.

2 Abhakörintö 12:13

Tekeeho ëkëntö keno naakora ko-makanisa aghandë, kasi nkanga okokekora kö-bhëënyu hayö. Nyoore eeho engʼana eno naabhasarëëyi, nu-kwanga okobharitohera. Nyoore bhuyö mbo obhoghogho ubhwane bhamurë, munyabhere.

Abhagharatia 4:19

Abhaana abhaane, kya bhoora omokari uwa enda akunyanka na ebhesa ko-nkaagha iya ukwebhora, öni wonswe ni-ighoigho nkwiyighwa. Nendaaghëndërri ukwiyighwa igho, okohekera hano eteemo iya Kiristo eremaahekana mo-teemo iyëënyu.

Abhafiripi 4:1

Ku bhuyö abhakumya bharikyëtö, nembahanshirë, kora nkwighomba ndë mbamaahe. Bhëënyu mbo ukushomerwa ukwane, na m-bëënyu ituho iyaane eno naahaanwa ko okoghera iya meremo gheno naakora. Ni-igho ikutunwa igha bhaghonshe abhaane, monaghe ko-Monene.

Abhafiripi 4:17

Motakaakanya igha nkobhatëëbhya ndë igho, okore möghëndërri okondeetera ëbhëntö, ti-igho hë. Kasi keno nkutuna ni-igha, Waryobha abhangʼoore okohetera ökösërëënia ukwënyu.

1 Abhatësarönikë 2:11

Ghwiki mmomanyirë igha, enkaagha iyö twaarenga hamwë na bhëënyu, ntwaabhakorranga kya bhono omoghaaka akokorra abhaana abhaaye.

1 Abhatësarönikë 2:8

Ntwaabhahanshirë bhököngʼu. Ku bhuyö ntwaashömëëywë, te-Mangʼana Amaiya agheene igho twaabhatëëbhëri ukurwa ku-Waryobha hë, kasi ntwaakörrë ghonswe igho ghano ghakotora okobhatöörrya, ko bhoora bhëënyu m-baghonshe abhëëtö mörë.