2 Abhakörintö 12:10 - Imuuma Eehya

¹⁰ Ku bhuyö öbhötëntëëru ubhwane nkunshomera bhörë, hamwë na okotokwa, inyanko, amateeso, inyaanyi ko okoghera iya Kiristo, ko bhoora hano naabha ömötëntëëru, ho nkobha na singuru.

2 Abhakörintö 12:10 ပူးပေါင်းရင်းမြစ်များ

Ruuka 6:22

Nyakara bhëënyu, hano abhantö bharebharegha, bhabhaahore, bhabhatoke, na okobhaghamba bhoghogho ko okoghera iya öni Omoona uwa Ömöntö.

Yohana 15:21

Kasi bharebhakorra ghayö ghonswe igho, ko bhoora igha, m-basoorani abhaane mörë. Kora ghwiki n-ko okoghera iya bhoora bhatamanyirë ono yaantoma.

Amangʼana agha Abhatomwa 5:41

Abhatomwa bhayö, bhakarwa mu-ribharasa hayö bhashömëëywë, ko bhoora Waryobha yaatunirë bhasookwe ko enshera iya okoserwa ko okohetera iriina irya Yëësu.

Abharuumi 5:3

Bhoono kora ntokaanyoora inyanko, kasi tushomerwenga, ko bhoora ntomanyirë igha inyanko iyö, nkotokora ërë töghömërri ku-mukumo ughwëtö.

1 Abhakörintö 4:10

Abhantö bharatomaaha igha m-bakangi törë, ko okoghera iya okokorra emeremo Yëësu Kiristo, kasi bhëënyu moraikora igha m-bangʼaini mörë, ko okoghera iya Yëësu Kiristo. Bhëëtö m-batëntëëru törë, kasi bhëënyu moraikora igha, mmoona singuru, bhëënyu mmoona emerengaari, kasi bhëëtö nkoserwa törë.

2 Abhakörintö 1:4

We akötöghösörrya mu-nyanko iyëëtö yonswe igho, okore na bhëëtö bhonswe töghösörri abhandë bhano bharëngë mu-nyaanyi yoyonswe eera, kya bhono bhëëtö tököghösörribhwa na Waryobha.

2 Abhakörintö 10:18

Tërëngë igha ömöntö ono akwihasha umwene we akwikërribhwa na Omonene Waryobha, kasi no-oora Omonene Waryobha umwene akukumya, uyö we akwikërribhwa nawe.

2 Abhakörintö 12:9

Kasi Omonene akantëëbhya igha, “Örööbhö urwane ndukwisirë, ko bhoora mö-bhötëntëëru muyö, mo obhotoro ubhwane bhokomaahwa.” Ku bhuyö nendaaikumi ku ukushomerwa bhököngʼu, ko okoghera iya öbhötëntëëru ubhwane, okore obhotoro ubhwa Yëësu Kiristo, bhobhe hamwë na öni.

2 Abhakörintö 13:4

No-bhoheene igha, Yëësu Kiristo yaahanëkirwë ko-mosarabha kö-bhötëntëëru ubhwa kinyabhantö, kasi bhoono igho, m-möhöru ko obhotoro ubhwa Waryobha. Amangʼana ni-igho gharë igha, bhëëtö m-batëntëëru törë ku-Yëësu Kiristo, kasi moremaaha igha, ntorebha abhahöru ko obhotoro ubhwa Waryobha.

2 Abhakörintö 13:9

Nkushomerwa törë, hano twabha abhatëntëëru kasi bhëënyu mobha na singuru. Nkosaasaama törë Waryobha igha, abhahekerani.

2 Abhakörintö 4:17

Nkoghamba ndë igho, ko bhoora igha, inyanko iyëëtö ëhöhö eno, iya ribhagha ike igho, nkotoreetera ërë ubhuhika obhonene bhököngʼu ubhwa amakora ghonswe igho.

2 Abhakörintö 4:5

Bhëëtö ta-mangʼana aghëëtö tokoraareka hë, kasi na-agha Yëësu Kiristo igha m-Monene, na bhëëtö na-bhaköri abha emeremo abhëënyu törë, ko okoghera iya Yëësu Kiristo.

2 Abhakörintö 5:15

Yëësu Kiristo yaakuurë ko okoghera iya abhantö bhonswe igho, okore abhantö abha öbhömënyi obhohya, bhatakaabha na öbhömënyi ko okoghera iyaabho abheene, kasi bhobhe ko okoghera iya ono yaakuurë akaryoka ko okoghera iyaabho.

2 Abhakörintö 5:20

Mbe, bhoono Yëësu Kiristo atötömirë tokore emeremo ighyaye, nërëngë igha, Waryobha ko okohetera amangʼana ghano tokoghamba, nkokangʼasërrya arë igha, abhantö bhaighwerrane nawe. Kiyö nkyo kekoghera torabhasabha ku ukwimererra amangʼana agha Yëësu Kiristo igha, mwighwerrane na Waryobha.

2 Abhakörintö 6:4

Kasi nkwörökya törë abhantö ko amangʼana ghonswe igho igha, bhëëtö, m-baköri abha emeremo abha Waryobha törë. Nkokora törë igho, kö ököghömërrya bhököngʼu, amateeso na inyaanyi, na amangʼana amaköngʼu.

2 Abhakörintö 7:4

Neena obhokarë ubhwa ukushumaasha na bhëënyu, kora nkwihasha ndë ko okoghera iya bhëënyu ko bhoora möndöörësëri bhököngʼu. Nokaanyoora mu-nyanko törë, kasi bhoono nshömëëywë bhököngʼu.

Abhaëfësö 6:10

Amangʼana aghaane ghano nkobhatëëbhya agha okomarërrya ni-igha, monaghe ko-Monene Yëësu, mutighe abhahaane singuru na obhotoro ubhwaye obhonene.

Abhafiripi 1:29

Ko bhoora tukukumya Kiristo ukwene igho mwaahaanwa, kasi kora inyanko yonswe mwatoorrwa-ho ko okoghera iya we.

Abhakorosaai 1:24

Bhoono nkushomerwa ndë ku-nyaanyi eno nkunyoora kö-möbhërë ughwane ko okoghera iya bhëënyu, ko bhoora nkosanga inyaanyi iya Yëësu Kiristo eno ëköghëndërrya ko okoghera iya ömöbhërë ughwaye, ömöbhërë ghuyö ngo ekanisa.

2 Abhatësarönikë 1:4

Ku bhuyö nkwikumya törë mo-makanisa agha Waryobha, ko okoghera iya ököghömërrya ukwënyu, na umukumo ghono moonagho ku-nyanko yonswe igho, na inyaanyi eno mukunyoora.

2 Timoteo 3:11

righonshe iryane na ököghömërrya ukwane. Kora nomanyirë bhono abhantö bhaanyankyanga na okonteesa, hano naarë mu-mighi gheera ghekobherekerwa igha Antiökia, Iköniö na Risitira. Ghwiki nomanyirë igha, naaghömërrëëyi bhököngʼu amangʼana ghonswe igho ghano bhaankörëëyë, kasi Omonene Yëësu akantöörya ko-ghonswe igho ghayö.

Yaakobho 1:2

Abhakumya bharikyane, mushomerwenga hano mwashaashwa ukushaashwa kwokwonswe koora,

Okohonyora 2:3

Kora nemanyirë igha, mworeka bhököngʼu na amangʼana aghaane, kasi mwaaghömërrya nanyabhoono temoraarosa hë. Mwitegherre ghano nkobhatëëbhya!