2 Abhakörintö 11:9 - Imuuma Eehya

⁹ Enkaagha eno naarë na obhohabhë hano naarë kö-bhëënyu hayö, tenaritöhëëyë ömöntö wowonswe oora hë, ko bhoora abhakumya bharikyëtö bhano bhaaruurë Makedonia, mbaangʼaayë ëbhëntö bheno naatunanga. Nairebherranga, okore ntakaaritohera ömöntö wowonswe oora kö-bhëënyu, na kora ni-igho ndaaghëndërri okokora.

2 Abhakörintö 11:9 ပူးပေါင်းရင်းမြစ်များ

Amangʼana agha Abhatomwa 18:3

Ko bhono Pauro wonswe m-mutumi uwa amaghutu agha amatondobhaari yaarë, kya bhaabho Akiira, akaikara waabho hayö, bharakora hamwë emeremo ghiyö.

Amangʼana agha Abhatomwa 18:5

Mbe, hano Siira na Timoteo bhaangʼaaraarrë ukurwa Makedonia ukuusha Körintö, Pauro akahengera mo-Bhayahudi ököbhëëghya engʼana iya Waryobha senkaagha syonswe igho. Akaimererra igha Yëësu we Kiristo.

Amangʼana agha Abhatomwa 20:33

“Öni tenaighömbirë hera, esahaabhu handë singibho isya ömöntö wowonswe oora hë.

Abharuumi 15:26

Abhakumya abha Omonene uwëëtö Yëësu Kiristo bhano bharëngë Makedonia na Akaaya, bhaarööshë igha bharuusi ëbhëntö ibhyabho bhatöörri abhakumya abhatöbhu abha Ikiyahudi abha Yërusarëëmu.

1 Abhakörintö 16:17

Naashömëëywë hano Sitefana hamwë na Foritunato bhaana Akaiko bhaahikirë hano. Naashömëëywë ko bhoora mbaangʼaayë ëbhëntö bheno mokaangʼaayë, bheno naarë nabhyo obhohabhë.

2 Abhakörintö 6:4

Kasi nkwörökya törë abhantö ko amangʼana ghonswe igho igha, bhëëtö, m-baköri abha emeremo abha Waryobha törë. Nkokora törë igho, kö ököghömërrya bhököngʼu, amateeso na inyaanyi, na amangʼana amaköngʼu.

2 Abhakörintö 9:12

Engʼana iya ökösërëënia eno mokokora, te-ko okoghera iya obhohabhë ubhwa abhahörëëru ukwene igho hë, kasi neraaghere abhantö abhaaru bhatööni Waryobha bhököngʼu.

Abhafiripi 2:25

Bhoono nkomaaha ndë igha, m-buuya ntome Epafurodito kö-bhëënyu, we nu-mukumya murikyane, nkokora arë emeremo ighya Waryobha hamwë na öni. Ntoona omotono kya abhasirikare ku ukwitanera Amangʼana Amaiya. Ghwiki uyö, we mwaatömirë ku-öni, aashe ukuntighinkanera, na ököntöörrya ëbhëntö bheno bhikunsuuha.

1 Abhatësarönikë 2:6

Ghwiki titwatunanga igha abhantö bhatukumi hë, nekaabha igha m-bëënyu, handë igha na-bhantö abhandë igho. Ko bhoora igha bhëëtö na-bhatomwa abha Kiristo törë, ntokaatörrë ukutuna ëbhëntö nyabhorebhe kö-bhëënyu, kasi tetwakörrë igho hë.

1 Abhatësarönikë 2:9

Abhakumya bharikyëtö, ndamanya nkuhiita mörë omotono ughwëtö na ukunyanka ukwëtö, kono twaarë nako ko okokora emeremo ubhutikö na omobhasö. Ntwaakoranga igho, okore totakaanyankya ömöntö wowonswe mö-bhëënyu, hano twaraareka Amangʼana Amaiya agha Waryobha.

Abhaëbhuraania 11:37

Abhandë mbaatëmirwë na amaghena. Abhandë mbaakëngirwë na imisumeeno. Abhandë mbaashaashirwë, abhandë mbaaitirwë na imishonge. Abhandë mbaainaaranaaranga bhaibhöhirë amaseero agha amangʼöndi na agha sëmböri. Mbaarë na obhohabhë, mbaatëësirwë, mbaakörëëywë amangʼana amaghogho.