2 Abhakörintö 11:3 - Imuuma Eehya

³ Kasi bhoono neena entarëki igha, kya bhono Hawa yaangʼainirwë na inshoka engʼaini eera, na bhëënyu bhonswe motakaangʼanwa, mutighe hayö okohansha Kiristo, kwa ubhwihöötu na kwa enkoro inshiiya.

2 Abhakörintö 11:3 ပူးပေါင်းရင်းမြစ်များ

Mataayo 24:24

Ko bhoora mbariisha abhantö abharongo bhano bharibherekeranga igha, mbo Kiristo, hamwë na bharööti abha obhorongo. Abhantö bhayö, mbarekora ebhemanyërryö ibhyaru ibhya amakono agha ököröghöörya. Mbarekoranga igho, okore bhangʼaine abhantö, kehane, bhangʼaine kora abhaahorwa abha Waryobha.

Yohana 8:44

Bhëënyu na-abha Oghosambwa mörë, ghuyö ngwo suwëënyu. Oronamba urwa suwëënyu urwa okokora ghano akutuna, ndwo monaro. Oghosambwa ukurwa bhosemoka n-ghwiti, ghwiki teghohanshirë obhoheene hë, ko bhoora teghoona obhoheene hë. Hano Oghosambwa ghwaghamba obhorongo, iyö ne-teemo iyaaghwo ko bhoora n-gorongo, ghwiki ngwo suwaabho obhorongo bhwonswe igho.

Abharuumi 12:8

Uwa ököröörësya, aröörësi bhuuya. Ömösërëënia, asërëëninga kwa nkoro ëmwë. Omotangati wonswe, akore omotono ughwa okotonga bhwaheene. Ömötöörrya uwa abhantö, abhatöörringa asambaarokire.

2 Abhakörintö 1:12

Mbe, ikibhuno keno kekoghera toraikumya, ni-igha, amaitegherro aghëëtö nkutwimererra gharë igha, eteemo iyëëtö m-buuya ërë ko-kebhara kono, ekenene n-ku ubhwighwerrani ubhwëtö na bhëënyu, ko obhorabhu na obhoheene bhono bhukurwa ku-Waryobha. Tetwakörrë igho ko obhongʼaini ubhwa ko-kebhara kono, kasi nö-rööbhö urwa Waryobha, ndwo rwaaghërrë tokakora ghayö.

2 Abhakörintö 11:20

Moraghömërrya ömöntö ono akobhakora mobhe abhaghorwa, ömöntö ono akobheebhera kengʼainingʼaini igho, ono akobharuusya ëbhëntö, ono akwitöönia, moraghömërrya ömöntö ono akobhatema ku-bhusyö.

2 Abhakörintö 11:29

Hano ömöntö abhaayë ömötëntëëru, öni wonswe nkobha ndë ömötëntëëru. Hano ömöntö yaghera murikyaye akore ëbhëbhë, öni wonswe nkwighwa ndë öbhörrö.

2 Abhakörintö 2:17

Bhëëtö tëtörëngë kya abhantö abhandë abhaaru bhano bhakokorra ibhyashara engʼana iya Waryobha, okore bhanyoore ehoorohooro. Kasi bhëëtö, ntwaatomwa na Waryobha, ku bhuyö bhëëtö ko obhotoro ubhwa Yëësu Kiristo, nkoraareka törë engʼana iya Waryobha kwa ubhwihöötu tomanyirë igha, Waryobha nkotomaaha arë.

2 Abhakörintö 4:2

Bhëëtö twanga amangʼana agha ubhubhise na agha sënsöni, kora tetokokora amangʼana agha öbhöngënërrya, handë ukwishooghania engʼana iya Waryobha na obhorongo. Kasi keno tokokora, no-koraareka obhoheene harabhurabhu igho, okore abhantö bhonswe igho, bhatomanye mo-maitegherro aghaabho igha, na-bhantö abha heene törë ku-Waryobha.

Abhagharatia 1:6

Öni nkobharoghoora ndë bhököngʼu. Ko bhoora ni-ribhagha ike igho ryaahëtirë, hayö haiki igho, bhëënyu moranga Waryobha ono yaabhabherekera kö rööbhö urwa Kiristo, kasi ni-mighiro ighyëndë igho mokoghoota. Imighiro ghiyö, ngyo abhandë bhakobherekera igha, ngyo Amangʼana Amaiya agha Kiristo.

Abhagharatia 2:4

Engʼana iya okosaarwa iyö, yaabhöriibhwi na abhantö bhano bhaaikoranga igha m-basoorani abha Yëësu, kasi mbaaibhumburrë-mo kwa bhongʼaini, okore bhaitaahe öbhötöönööni ubhwëtö bhono Kiristo Yëësu yaatohaana. Keno bhaatunanga, no-kotokora tobhe abhaghorwa abha amaraghërryö agha Mosa.

Abhagharatia 3:1

Bhëënyu bhare Bhagharatia, m-bakangi mörë! Nawë yaabharogha? Rëndë mbe naabharaghërrëëyi bhuuya amangʼana agha Yëësu Kiristo kya igho yaahanëkirwë ko-mosarabha.

Abhagharatia 4:11

Nkoobhoha ndë igha, okaanyoora emeremo ighyane ghyonswe igho ighya okobhanyankera, gheratora okoheta bhosa igho!

Abhaëfësö 4:14

Kiyö nkyo keraaghere twange okobha kya abhaana abhake abha ukutuumibhwa tuumibhwa ahasë honswe igho na rikama irya amëëghyö agha obhorongo agha abhantö abhangʼaini, ko obhongʼaini ubhwabho.

Abhaëfësö 4:22

Abhëëghya abhëënyu bhaabhëëghya igha, mutighe seteemo isyënyu isya kare seera, seno syaabhasikyanga, isya ubhunyanku ubhwa oronamba rono rwaabhangʼënërryanga.

Abhaëfësö 6:24

Örööbhö urwa Waryobha robhe kö-bhëënyu bhonswe igho, bhano mohanshirë Omonene uwëëtö Yëësu Kiristo, ku righonshe reno retakohwa röndë.

Abhakorosaai 2:18

Bhaaho abhantö bhano bhakokangʼasërrya amangʼana agha ubhwihöötu ubhwa okomaahwa na abhantö na agha okosengerra abhamaraika. Motakabhaikërrya, bhatakaasha okobharuusya ituho iyëënyu iya amakora ghonswe igho. Abhantö bhayö nkwiheema bharë ko bhoora bhakoghamba igha, bhaamaaha amangʼana ghayö mo-bherooto. Kasi obhoheene ni-igha, amaitegherro aghaabho amaghogho agha bhunyakyaro, ghabhakangihya.

Abhakorosaai 2:4

Bhoono nkobhandekera ndë ghayö, okore ömöntö wowonswe igho atakaabhangʼaina ko okobhangʼënërrya.

Abhakorosaai 2:8

Mwangarre, ömöntö wowonswe igho atakaabhasirya ëkëkööri ko okohetera amëëghyö agha amangʼana agha kare ghaara, agha amasambwa ghano ghakotonga ekebhara keno. Amëëghyö ghayö, nkwitengʼera gharë seteemo isya abhantö na amasambwa ghano ghakotonga ekebhara keno, ta-mëëghyö agha Kiristo hë.

1 Abhatësarönikë 3:5

Ho yaahikirë-ho enkaagha eno naakërrwë ököghömërrya, nkatoma Timoteo kö-bhëënyu, okore mmanyërri amangʼana agha umukumo ughwënyu. Naakörrë igho, ko bhoora naakanyanga igha, handë umushaashi uwa amangʼana oora aratora okobhashaashya na okobhasirya. Hayö ho bhoono emeremo ghyonswe igho gheno twaakörrë kö-bhëënyu, ghekaahëtirë bhosa igho.

1 Timoteo 1:3

Hano naatanööyë ukurwa Ëfësö hayö nkaghya mo-mokowa ughwa Makedonia, naakosaasaamirë igha wikare hayö, okore okaani abhantö bhatighe ukwëghya amëëghyö agha obhorongo.

1 Timoteo 2:14

Ghwiki ni-igha, Adamu tiyaangʼainirwë hë, kasi omokari we yaangʼainirwë, akabha omosarya uwa amaraghërryö ghaara Waryobha yaabharaghërrëëyi.

2 Timoteo 3:13

Kasi abha ëbhëbhë na bhano bhakongʼaina abhantö, mbarëghëndërrya bhököngʼu okokora ëbhëbhë, mbarengʼainanga na okongʼainwa.

Tiito 1:10

Nkökötëëbhya ndë igho, ko bhoora igha, bhaaho abhantö abhaaru Kerete hayö, bhano bhatakwighwera engʼana, bhano bhakoghamba amangʼana ghano ghataana ubhwera, kora m-barongo, ekenene, na-Bhayahudi bhaara bhakokangʼasërrya eteemo iyaabho iya Ikiyahudi. Abhantö bhayö, ni-igha bhakaanibhwi ukwëghya,

Abhaëbhuraania 13:9

Motakaarutwa na amëëghyö aghandëghandë igho amaghëni, ko bhoora m-buuya enkoro ëtërëmibhwi kö örööbhö urwa Waryobha, kasi te-ko okoghera iya seteemo isya amaraghërryö agha ibhyakorya. Abhantö bhano bhaaghoota amangʼana ghayö, tebhanyoora ehoorohooro yoyonswe eera hë.

2 Peetero 3:17

Bhoono abhaghonshe abhaane, momarrë okomanya amangʼana agha abhëëghya nyangasheka bhayö, ku bhuyö mwiraarerre, okore motakangʼainwa na obhongʼaini ubhwa abhasarya bhayö, bhobhakore moghwe kora mutighe obhoheene ubhwënyu ubhwa obhoheene.

2 Peetero 3:3

Engʼana iya mbere ni-igha momanye igha, ku-sinsikö isya umuhiko, mbariisha abhantö abha inshabhura. Abhantö bhayö, no-ronamba urwabho urwene igho ndo rokobhanyankya. Mbarebhashabhura

1 Yohana 2:18

Bhëënyu abhaana abhaane abhaghonshe, seno nsyo sinsikö isya umuhiko! Mwaatëëbhibhwa igha umubhisa uwa Kiristo nkuusha arë, na kora bhoono igho, abhabhisa abhaaru abha Yëësu Kiristo bhaamara ukuusha. Amangʼana ghayö, ngo ghakoghera toramanya igha, seno nsyo sinsikö isya umuhiko.

1 Yohana 4:1

Abhaghonshe abhaane, motakaakumya kera ömöntö ono akoghamba igha aana Umwika Ömöhörëëru uwa Waryobha. Kasi mumwitaahe bhuuya, momaahe nyoore aana Umwika Ömöhörëëru uwa Waryobha. Ni-igha momanyërri obhoheene bhuyö, ko bhoora abharööti abhaaru abha obhorongo, bhaibhoka ko-kebhara kono.

Yuuda 1:4

Nkobhandekera ndë ritashandighi reno, ko bhoora igha, bhaaho abhantö nyabhorebhe, bhano bhatakwighwera Waryobha. Abhantö bhayö bhaibhumbura bhughunyi igho mö-bhëënyu. Nkusisa bharë engʼana iya örööbhö urwa Waryobha uwëëtö, okore bhakore amangʼana agha sënsöni, na ukwanga Yëësu Kiristo, umwene igho, we omotangati uwëëtö, Omonene uwëëtu. Kasi ukurwa kare, yaandëkirwë igha, abhantö bhayö mbarebhotorrwa ikiina.

Okohonyora 12:15

Mbe, ughushoka ghuyö, ghokaruusya amanshë amaaru kya omoghera mu-munywa ughwaryo, okore omokari uyö, ahete na engera.

Okohonyora 12:9

Ughushoka oghonene ghuyö, ghokarekerwa ko-kebhara hamwë na abhamaraika abhaagho. Ghuyö, ngwo ughushoka ughwa kare ghoora ghokobherekerwa igha, Nyangasheka handë igha Oghosambwa. Ghuyö, ngo ghwaangʼainirë abhantö bhonswe igho ko-kebhara kono, okore bhakore ëbhëbhë.

Okohonyora 20:2

Akaghoota ughushoka ghoora. Ughushoka ghuyö, ngo inshoka iya kare eera ekobherekerwa igha, Nyangasheka, handë igha Oghosambwa. Akaghobhoha na ekeraangʼani, akaghotabhuta mu-bhwina ubhwa mu-kyaro ikya abhaku, akasiika-ho ekesaku, akamaameka-ko umuhuri ughwa ubhurimbo, okore ghotakaasha okongʼaina ghwiki Abhakyaro. Oghosambwa ghuyö ngorebhohwa imyoka ëkëkwë ëkëmwë. Hano ribhagha riyö rerehwa, ni-igha ghuruusibhwi mo-kebhohe ko-nkaagha enke igho.