2 Abhakörintö 11:27 - Imuuma Eehya

²⁷ Naakora emeremo ëmëköngʼu, na nkanyanka, inyanko iya ukwanga okoraara hare kaaru, inyanko iya okosengera na inyanko iya inyonta, naahika okobhorwa ibhyakorya hare kaaru, inyanko iya embeho na iya okobhorwa singibho.

2 Abhakörintö 11:27 ပူးပေါင်းရင်းမြစ်များ

Mataayo 17:21

Hamwë na ghayö ghonswe igho, momanye igha temotore ukwata risambwa kya riyö, kasi n-ko enshera iya okosaasaama Waryobha, na ukwisasa ibhyakorya.]”

Amangʼana agha Abhatomwa 14:23

Pauro bhaana Bharinaabha bhakabha bharashaaghora abhaghaaka abhatangati abha ekanisa, mo-makanisa ghonswe igho ghano bhaahetanga-mo. Bhakaisasa ibhyakorya bharabhasabhera bharendwe na Omonene Yëësu ono bhaakumiri.

Amangʼana agha Abhatomwa 20:31

Ku bhuyö, mwiyangarre! Muhiitenga igha, imyoka etatö gheno naikaayë hamwë na bhëënyu hano, naaraghërryanga kera ömöntö ubhutikö na omobhasö, kora nkuura amaisöri ghaheta.

1 Abhakörintö 7:5

Ömöntö atakaima murikyaye ko amangʼana agha abhantö bhakörö ghaara, kasi n-hano oraanyoore mwikererraini kwa ibhagha ike igho, okore mobhe na umweya ughwa okosaasaama. Hano mokomara, mukyorrane, okore Oghosambwa ghotakaabhashaasha.

2 Abhakörintö 11:23

Bhoono tigha ngambe kinyabhushuuru igha, nyoore abheene m-baköri abha emeremo abha Kiristo, öni nembahëtëërëëyë. Öni naakora omotono ughwa okokora emeremo okobhakera. Naatoorwa mo-kebhohe hare kaaru, naatemwa bhököngʼu imishariti, naahona ukukwa hare kaaru.

2 Abhakörintö 6:5

Bhëëtö nkotemwa törë, nkobhohwa törë mo-kebhohe, nkokorrwa törë riihë, toona inyanko iya emeremo ëmëköngʼu, umweko, kora titukunyoora tero hë.

Abhafiripi 4:12

Keno nkoghamba ni-igha, naamara ukwegha okomenya kinyabhötöbhu, handë kinyabhwamë. Neegha engʼana iya ukwiswa na amangʼana kya bhono gharë, nekaabha enkaagha iya ukweghota handë okoramboka, enkaagha iya okobha na ëbhëntö ibhyaru handë ukusuuhwa na ëbhëntö.

1 Abhatësarönikë 2:9

Abhakumya bharikyëtö, ndamanya nkuhiita mörë omotono ughwëtö na ukunyanka ukwëtö, kono twaarë nako ko okokora emeremo ubhutikö na omobhasö. Ntwaakoranga igho, okore totakaanyankya ömöntö wowonswe mö-bhëënyu, hano twaraareka Amangʼana Amaiya agha Waryobha.

2 Abhatësarönikë 3:8

Bhëëtö tetwaryanga ibhyakorya ibhya ömöntö wowonswe oora bhosa igho hë. Kasi ntwaarenga na omotono ughwa okokora emeremo ubhutikö na omobhasö, okore totakaanyankya ömöntö uwëënyu wowonswe oora.

Abhaëbhuraania 11:37

Abhandë mbaatëmirwë na amaghena. Abhandë mbaakëngirwë na imisumeeno. Abhandë mbaashaashirwë, abhandë mbaaitirwë na imishonge. Abhandë mbaainaaranaaranga bhaibhöhirë amaseero agha amangʼöndi na agha sëmböri. Mbaarë na obhohabhë, mbaatëësirwë, mbaakörëëywë amangʼana amaghogho.