2 Abhakörintö 11:22 - Imuuma Eehya

²² Nyoore abheene m-Baëbhuraania, öni wonswe m-Mwëbhuraania ndë. Nyoore m-Baisiraëri, öni wonswe m-Mwisiraëri ndë. Nyoore na-bhebhorwa Ibhurahimu, öni wonswe nu-mwebhorwa Ibhurahimu ndë.

2 Abhakörintö 11:22 ပူးပေါင်းရင်းမြစ်များ

Mataayo 3:9

Motakaakanya igha, Waryobha naraabhaikërri ko bhoora mökötëëbhania igha, ‘Bhëëtö m-bantö abha heene törë ko bhoora igha, nu-rwebhoro urwa Ibhurahimu törë.’ Ndabhatëëbhya igha, Waryobha aratora okokorra Ibhurahimu abhaana, ukurwa ko-maghena ghano.

Amangʼana agha Abhatomwa 22:3

“Öni m-Muyahudi ndë, umwebhorwa uwa mu-mughi ughwa Tariso, mo-mokowa ughwa Kirikia. Kasi Yërusarëëmu hano ho nkënëëyë. Nkëëghibhwa bhuuya na Ghamariëri amaraghërryö ghonswe igho ghano twaategherwa na abhakörö abhëëtö. Naarenga na omotono ko mangʼana agha Waryobha, kya ghono bhëënyu bhonswe igho mukwörökya urusikö urwa reero igha moonagho.

Amangʼana agha Abhatomwa 6:1

Ku-sinsikö siyö, abhasoorani abha Yëësu bhaaghëndërrëëyi ukwaruha bhököngʼu. Mo-bhayö bhaarenga-mo Abhayahudi bhano bhaashumaashanga ekeghambo ikya Ikiyunaani, na Abhayahudi bharikyabho bhano bhaashumaashanga Ikiaraamu. Mbe, Abhayahudi abha Ikiyunaani bhakaibhëmbëërya igha, Abhayahudi abha Ikiaraamu tebhatweneranga Abhayahudi abhasinö abha Ikiyunaani ibhyakorya ibhya kera urusikö.

Abharuumi 11:1

Bhoono nköbhöörya ndë igha, Waryobha yaasendeka hayö abhantö abhaaye? A a, ti-igho hë! Öni umwene m-Mwisiraëri ndë, umwebhorwa uwa Ibhurahimu, uwa ekabhira iya Bhenjamini.

Abharuumi 9:4

Bhayö nkushumaashera na-Bhaisiraëri, abhantö bhano Waryobha yaakörrë bhabhe abhantö abhaaye, abha ubhuhika ubhwaye, abha imuuma iyaaye. Yaabharaghërrëëyi amaraghërryö aghaaye, na enshera inshiiya iya okomosaasaama, kora yaabhahaayë na amaraghanio aghaaye.

Abhagharatia 3:16

Mbe, Waryobha yaaraghaini Ibhurahimu ghuuka uwëëtö, hamwë na umwebhorwa uwaaye. Amaandeko Amahörëëru teghakoghamba igha, “Na abheebhorwa abhaaye,” ensonga yaamo ni-igha, te-bhaaru hë, kasi ni-igha, “Na umwebhorwa uwaaye,” ensonga yaamo ni-igha nö-ömwë, we Kiristo.

Abhafiripi 3:5

Hano naibhööywë, naamarrë sinsikö muhungatë, urwa monaane nkasaarwa. Öni nu-Mwisiraëri ndë, uwa ekesaku ikya Bhenjamini, Umwëbhuraania ekenaina. Ko okoghoota amaraghërryö agha Mosa, öni naaghaghöötirë bhuuya, ko bhoora m-Mofarisaayo naarë.