2 Abhakörintö 11:20 - Imuuma Eehya

²⁰ Moraghömërrya ömöntö ono akobhakora mobhe abhaghorwa, ömöntö ono akobheebhera kengʼainingʼaini igho, ono akobharuusya ëbhëntö, ono akwitöönia, moraghömërrya ömöntö ono akobhatema ku-bhusyö.

2 Abhakörintö 11:20 ပူးပေါင်းရင်းမြစ်များ

Maariko 12:40

Amangʼana aghaabho m-maaru hano bhasaasaama Waryobha mo-bhantö. Nkokora bharë igho, okore abhantö bhakanye igha, m-bantö abha heene. Bhaana eteemo iya ököngʼënërrya abhasinö, bhabhatuhe ëbhëntö. Abhantö bhayö, Waryobha narebhashibhya bhököngʼu!”

Ruuka 6:29

“Hano ömöntö araakosere akoteme öröhë ko-mboto, umusyörri na emboto iyëndë. Hano ömöntö araakuruusi ëkööti yaaho, mohaane kora ishaati yonswe agheghe.

1 Abhakörintö 4:11

Kora bhoono, ntoona umweko na inyonta, twaghoterwa singibho, toratemwa sinkundi, nkoghendaghenda törë igho, tetoona ahasë aha okomenya hë.

2 Abhakörintö 1:24

Ti-igha nkobhaaha törë umukumo ughwënyu, kasi bhëëtö na-bhaköri abha emeremo hamwë na bhëënyu, ko okoghera iya ukushomerwa ukwënyu, ko bhoora umukumo ughwënyu ghwanagha.

2 Abhakörintö 10:5

Nkotemora bhërë amaitegherro na amangʼana ghonswe igho agha ubhwihashi, ghano ghakoghera abhantö bhanga okomanya Waryobha. Nkoghoota törë këghötërëëyë amaitegherro ghonswe igho okore ghaighwere Yëësu Kiristo.

2 Abhakörintö 11:3

Kasi bhoono neena entarëki igha, kya bhono Hawa yaangʼainirwë na inshoka engʼaini eera, na bhëënyu bhonswe motakaangʼanwa, mutighe hayö okohansha Kiristo, kwa ubhwihöötu na kwa enkoro inshiiya.

2 Abhakörintö 12:16

Öni tenabharitöhëëyë ko-ngʼana yoyonswe eera hë, kasi abhandë mö-bhëënyu muyö nkoghamba bharë igha, “Pauro mongʼaini, yaabhangʼënërrëëyi.”

Abhagharatia 2:4

Engʼana iya okosaarwa iyö, yaabhöriibhwi na abhantö bhano bhaaikoranga igha m-basoorani abha Yëësu, kasi mbaaibhumburrë-mo kwa bhongʼaini, okore bhaitaahe öbhötöönööni ubhwëtö bhono Kiristo Yëësu yaatohaana. Keno bhaatunanga, no-kotokora tobhe abhaghorwa abha amaraghërryö agha Mosa.

Abhagharatia 4:25

Hajiri, n-kya inguku iya Sinai eno ërëngë ku-kyaro ikya Arabhia. Ghwiki natuubhaini kya umughi ughwa Yërusarëëmu bhono ghörë ko-kebhara kono, ko bhoora abhantö abha Yërusarëëmu iya bhoono igho, mbakërëngë mo-bhoghorwa ko okorengʼaana na amaraghërryö agha Mosa.

Abhagharatia 4:3

Kora bhëëtö bhonswe ni-igho twaarë, enkaagha eno waanyöörrë Kiristo ataraasha, m-baghorwa twaarenga ko mangʼana agha amasambwa ghano ghakotonga ekebhara keno.

Abhagharatia 4:9

Kasi bhoono igho, momanyirë Waryobha, umwene wonswe nabhamanyirë bhököngʼu. Mbe, bhoono N-kwakë mukutuna ukukyorra okoghoota amangʼana agha kare ghaara agha amasambwa ghano ghakotonga ekebhara keno? Amasambwa ghayö, teghaana ubhwera bhobhonswe bhoora hë. Kasi ghwiki nkutuna mörë mobhe abhaghorwa abha amangʼana ghayö?

Abhagharatia 5:1

Kiristo yaatohaana öbhötöönööni, okore tobhe abhatöönööni. Ku bhuyö ni-igha monaghe, motakaikërrya ukukyora ghwiki mo-bhoghorwa ubhwa amaraghërryö.

Abhagharatia 5:10

Ko bhoora igha bhëënyu na-abha Omonene Yëësu mörë, ku bhuyö nemanyirë igha, timwikërri okongʼainwa hë. Kyokyonswe igho keno keraabhe, kasi ömöntö uyö akobhangʼaina narishibhibhwa.

Abhagharatia 6:12

Abhantö bhayö bhakobhasingʼirrya igha mosaarwe, keno bhakutuna no-kosookwa na Abhayahudi. Bharatuna bhaibhashe, okore bhatakaanyankibhwa na Abhayahudi, ko okoghera iya amangʼana ghano bhakoraareka agha omosarabha ughwa Kiristo.

Abhafiripi 3:19

Abhantö bhayö mbarekamba bhasikibhwi, ko bhoora bhaakora igha, oronamba urwabho ndwo waryobha uwaabho. Amangʼana agha sënsöni ghano bhakokora igha ngo bhakwiheemera. Amangʼana ghano bhakwitegherra na-agha ko-kebhara kono.

1 Abhatësarönikë 2:5

Mmomanyirë igha, tetwaghambanga amangʼana okore motohanshe, handë amangʼana agha obhongʼaini ngʼaini ghano ghatarë agha obhoheene, okore igha tunyoore ehoorohooro. Waryobha we umwimërërri uwëëtö ko-ghayö ghonswe igho nkoghamba!