2 Abhakörintö 11:2 - Imuuma Eehya

² Öni neena rihari reno rikurwa ku-Waryobha, ko bhoora monga kya umwisëkë intindë, ono naaghambera öbhökwë ku-mushaasha ömwë igho, ono akobherekerwa igha, Yëësu Kiristo.

2 Abhakörintö 11:2 ပူးပေါင်းရင်းမြစ်များ

Yohana 3:29

Umwenga nu-uwa ömötëti. Kasi omosaani uwa ömötëti, ono akwimerra haangʼë na ömötëti, na ukwighwa bhono akoghamba, nkushomerwa arë bhököngʼu hano yaighwa engamba iya ömötëti. Ku bhuyö kono nko ukushomerwa ukwane, kono kwahekerana.

Abharuumi 7:4

Abhakumya bharikyëtö, amangʼana ni-igho gharë na kö-bhëënyu bhonswe. Kya bhoora ërëngë igha, hano ömöntö yaakwa, takobhandërribhwa ghwiki na amaraghërryö hë, na bhëënyu bhonswe ni-igho ërë igha, temokotangatwa na amaraghërryö agha Mosa hë, mwahanekwa ko-mosarabha hamwë na Yëësu Kiristo. Bhoono bhëënyu na-bhantö abha Yëësu Kiristo mörë. Yëësu Kiristo uyö, yaaryökiibhwi ukurwa mo-bhaku, okore atohaane obhotoro ubhwa okokorra Waryobha emeremo.

1 Abhakörintö 4:15

Mokaabha na abhëëghya ëbhëkwë ikömi, abha ököbhëëghya amangʼana agha Yëësu Kiristo, kasi bhasuwëënyu, te-bhaaru hë. Kasi suwëënyu ko amangʼana agha Yëësu Kiristo nö-öni, ko bhoora nö-öni naabharaarëkëëyë Amangʼana Amaiya.

2 Abhakörintö 4:14

Nkoghamba törë igho, ko bhoora ntomanyirë igha, Waryobha ono yaaryökya Omonene uwëëtö Yëësu Kiristo, na bhëëtö bhonswe narituryökya ighoigho, bhëëtö na bhëënyu bhonswe igho, naretokora tobhe hamwë na Yëësu Kiristo mbere iya Waryobha.

Abhagharatia 4:11

Nkoobhoha ndë igha, okaanyoora emeremo ighyane ghyonswe igho ighya okobhanyankera, gheratora okoheta bhosa igho!

Abhafiripi 1:8

Waryobha namanyirë igha no-bhoheene nkoghamba, hano nakangʼasërrya igha, nkwighomba ndë okomaahana na bhëënyu ghwiki. Nembahanshirë ku righonshe reerareera Kiristo Yëësu abhahanshirë.

Abhakorosaai 1:28

Ku bhuyö nkoraareka törë amangʼana agha Kiristo, torakaania abhantö na ukwëghya abhantö bhonswe igho, kwa obhongʼaini bhonswe igho, okore tobhareete bhonswe igho mbere iya Waryobha, kö-bhömwë ubhwa heene na Kiristo.

1 Abhatësarönikë 2:11

Ghwiki mmomanyirë igha, enkaagha iyö twaarenga hamwë na bhëënyu, ntwaabhakorranga kya bhono omoghaaka akokorra abhaana abhaaye.

Okohonyora 14:4

Abhantö bhayö, nkosoorana bharë Omoona Ringʼöndi ahasë hohonswe igho hano akughya. Tebhaarenga bhainyankuhiri ko okotaara na abhakari, ku bhuyö, nsi-ntindë bhaarë. Bhaatunguriibhwi ukurwa mo-bhantö abhandë, bhakakorwa ikimwenso ikya obhotongore ku-Waryobha bhaana Omoona Ringʼöndi.