2 Abhakörintö 10:7 - Imuuma Eehya

⁷ Bhëënyu na-mangʼana agha kebhara agheene igho, ngo mokomaaha. Nyoore aaho ömöntö wowonswe igho ono akwimaaha igha nu-uwa Yëësu Kiristo, mbe, ömöntö uyö amanye igha, kya igho we arëngë uwa Yëësu Kiristo, na bhëëtö bhonswe na-abha Yëësu Kiristo törë.

2 Abhakörintö 10:7 ပူးပေါင်းရင်းမြစ်များ

Mataayo 23:5

Amangʼana ghonswe igho ghano bhakokora, nkokora bharë, okore bhamaahwe na abhantö. Ko bhoora nkotoora bharë ku-bhusyö na ko-mabhoko aghaabho, ibhighushi ebhenene ibhya amaseero bheno bhyandëkirwë-mo amaraghërryö nyabhorebhe. Nkwëngërya bharë obhonene ubhwa amapindo agha singibho isya okosaasaamera Waryobha.

Ruuka 16:15

Yëësu akabhatëëbhya igha, “Mo-bhantö, bhëënyu moraikora igha, m-bantö abha heene mörë, kasi Waryobha, namanyirë ghano gharëngë mo-senkoro isyënyu. Ko bhoora amangʼana ghano abhantö bhakukumya, ngo amanyënyëëri ku-Waryobha.

Yohana 7:24

Motakaabhotora ikiina ko okoghera iya amangʼana ghano ghakomaahekana agheene igho, kasi mobhotore ikiina bhwaheene.”

1 Abhakörintö 1:12

Mbe, keno nkoghamba ni-igha, kera ömöntö mö-bhëënyu n-gaaye igho akoghamba, uwöndë araghamba igha, “Öni nu-uwa Pauro ndë.” Uwöndë igha, “Öni, nu-uwa Apöörö ndë.” Ghwiki uwöndë aghamba igha, “Öni, nu-uwa Keefa ndë.” Uwöndë igha, “Öni, nu-uwa Kiristo ndë.”

1 Abhakörintö 14:37

Hano ömöntö araaimaahe igha m-mörööti, handë igha të-möntö uwa kinyamöbhërë hë, amanye igha ghayö nkobhandekera, na-maraghërryö agha Omonene.

1 Abhakörintö 15:23

Kasi kera ömöntö ko-nkaagha iyaaye, Yëësu Kiristo we omotangi, bhararoobhera-ko abhantö abhaaye hano ariisha.

1 Abhakörintö 3:23

Kasi bhëënyu, na-abha Kiristo mörë, na Kiristo wonswe nu-uwa Waryobha.

1 Abhakörintö 9:1

Kanaa, nkokanya mörë igha tëndëngë mötöönööni hë? Tëndëngë omotomwa hë? Tenaamaaha Omonene uwëëtö Yëësu Kiristo hë? Emeremo gheno naakörrë, të-ghyö ghyaaghërrë mokakumya Omonene uwëëtö?

2 Abhakörintö 10:1

Mbe, ndabhasaasaama ko obhohaabhu na kö öbhöntö ubhwa heene ubhwa Yëësu Kiristo, nö-öni Pauro ono bhakoghamba igha, hano naabha hamwë na bhëënyu, nkobha ndë omohaabhu, kasi hano naabha hare na bhëënyu, ndabha omokarë.

2 Abhakörintö 11:18

Ko bhoora abhantö m-baaru bhakwikumirya amangʼana agha kinyamöbhërë, öni wonswe tigha niikumi.

2 Abhakörintö 11:23

Bhoono tigha ngambe kinyabhushuuru igha, nyoore abheene m-baköri abha emeremo abha Kiristo, öni nembahëtëërëëyë. Öni naakora omotono ughwa okokora emeremo okobhakera. Naatoorwa mo-kebhohe hare kaaru, naatemwa bhököngʼu imishariti, naahona ukukwa hare kaaru.

2 Abhakörintö 11:4

Ngambirë igho, ko bhoora igha, bhëënyu m-bangö mörë abha ukwikërrya amangʼana agha ömöntö ono akuusha okoraareka amangʼana agha Yëësu, ghano ghatarengʼaini na ghano twaabharaarëkëëyë. Ghwiki nkwikërrya mörë umwika uwöndëwöndë igho, handë amangʼana aghandë igho ghano ghatakorengerrania na ghano mwaaikërëëyi ekembere ukurwa kö-bhëëtö.

2 Abhakörintö 12:11

Ngambirë igho kya omokangi, ko bhoora bhëënyu m-bëënyu möghërrë ngambirë kya omokangi. Ko bhoora yaarenga igha bhëënyu munkumi. Nokaanyoora igha tiningʼarëëyi hë, kasi öni te-moke ndë, okokera bhayö bhakwihasha igha, “M-batomwa abhanene.”

2 Abhakörintö 13:3

Nendekora igho, ko bhoora mukutuna ekemanyërryö ikya ukwörökya igha, m-maheene Yëësu Kiristo nkoghamba arë okohetera ku-öni? Yëësu Kiristo uyö, të-mötëntëëru hë, kasi naana singuru, we uyö akokora emeremo mö-bhëënyu.

2 Abhakörintö 5:12

Ti-igha nkutuna törë ghwiki ukwihanshania kö-bhëënyu, kasi nkutuna törë tobhahaane umweya ughwa ukwihasha ko okoghera iya bhëëtö. Toratuna mobhe na obhotoro ubhwa okohonshora abhantö bhano bhakwihashera amangʼana ghano ghakomaahekana, kasi te-ghaara gharëngë mo-senkoro isyabho hë.

Abhagharatia 3:29

Hano oraanyoore igha, bhëënyu m-ba Kiristo mörë, mbe na-bheebhorwa Ibhurahimu mörë, murinyoora umwandö ghoora Waryobha yaaraghaini.

1 Yohana 4:6

Bhëëtö m-baana abha Waryobha törë. Ömöntö wowonswe ono amanyirë Waryobha, nkutwitegherra arë. Kasi ono atarë omoona uwa Waryobha, takutwitegherra hë. Ku bhuyö ni-igho tokotora okomanya na ukwahora abhantö bhano bhakotangatwa na Umwika Ömöhörëëru uwa obhoheene, na bhano bhakotangatwa na ëkëhwë ikya obhorongo.