2 Abhakörintö 10:18 - Imuuma Eehya

¹⁸ Tërëngë igha ömöntö ono akwihasha umwene we akwikërribhwa na Omonene Waryobha, kasi no-oora Omonene Waryobha umwene akukumya, uyö we akwikërribhwa nawe.

2 Abhakörintö 10:18 ပူးပေါင်းရင်းမြစ်များ

Ruuka 16:15

Yëësu akabhatëëbhya igha, “Mo-bhantö, bhëënyu moraikora igha, m-bantö abha heene mörë, kasi Waryobha, namanyirë ghano gharëngë mo-senkoro isyënyu. Ko bhoora amangʼana ghano abhantö bhakukumya, ngo amanyënyëëri ku-Waryobha.

Yohana 12:43

Abhatangati bhayö, bhaahanshirë bhököngʼu ukukumibhwa na abhantö, okokera ukukumibhwa na Waryobha.

Amangʼana agha Abhatomwa 2:22

Peetero akaghëndërrya okoghamba igha, “Bhëënyu bhare Abhaisiraëri, munyitegherre bhuuya! Waryobha yaatöörrë Yëësu uwa Nazarëëti harabhu igho bhöröngë bhwënyu, ko enshera iya amakono, na ebhemanyërryö ibhyaru mö-bhëënyu mono, ghayö mmoghamanyirë bhuuya.

Abharuumi 14:18

Mbe, hano ömöntö akörëëyë igho Yëësu Kiristo, uyö nkötëghërya arë Waryobha, kora abhantö nkumwikërrya bharë.

Abharuumi 16:10

Mönkëërri Apere, ono yaashaashwa bhököngʼu kora akaikërribhwa na Yëësu Kiristo. Mönkëërri na abhantö abha Arisitobhuuro.

Abharuumi 2:29

Ti-igho hë! Kasi ömöntö ono akosooka Waryobha mo-nkoro iyaaye, uyö we uwaaye. Na esaaro inshiiya, ne-eera iya Umwika Ömöhörëëru akotogheka ömöntö mo-nkoro, tokoghoota amaraghërryö agha Mosa hë. Ömöntö kya uyö takukumibhwa na abhantö hë, kasi Waryobha we akumukumya.

1 Abhakörintö 11:19

Ko bhoora ni-igha ukwahokana kobhe mö-bhëënyu, okore bhamanyekane bhano bhaikërribhwa na Waryobha.

1 Abhakörintö 4:5

Ku bhuyö motakaabhotora ikiina, enkaagha iyaako etaraabha, moghanye okohekera hano Omonene ariisha. We aremoreka amangʼana agha mu-kisuntë ghonswe igho ghano ghabhisirwë, na okotoora harabhu ghano gharëngë mo-senkoro isya abhantö. Hayö ho bhoono kera ömöntö arinyoora sinkuma seno aingʼarëëyi, ukurwa ku-Waryobha.

2 Abhakörintö 10:12

Bhëëtö tetootore ukwitoora mu-rikomo rimwë, handë ukwirengʼaania na bhayö bhakwihasha igha, mbaana ubhwera. Nkwirengʼaania bharë abheene ko abheene, kuyö nu-kwiyörökya igha, tebhamanyirë ngʼana hë.

2 Abhakörintö 13:7

Nkosaasaama törë Waryobha motakaakora engʼana engogho yoyonswe eera, te-ko okoghera igha toratuna tomaahekane igha bhëëtö töhëkëëyë ekerengere kiyö. Kasi keno tukutuna, ni-igha bhëënyu mokore amangʼana amaiya, nokaanyoora bhëëtö tonga kya bhano twakerwa.

2 Abhakörintö 3:1

Kanaa, nkokanya mörë igha nkusimya törë ghwiki ukwikumya kö-bhëënyu? Bhëëtö tëtörëngë kya abhantö abhandë, igha toratuna ritashandighi irya ukwiyörökya kö-bhëënyu, handë irya ukurwa kö-bhëënyu.

2 Abhakörintö 5:12

Ti-igha nkutuna törë ghwiki ukwihanshania kö-bhëënyu, kasi nkutuna törë tobhahaane umweya ughwa ukwihasha ko okoghera iya bhëëtö. Toratuna mobhe na obhotoro ubhwa okohonshora abhantö bhano bhakwihashera amangʼana ghano ghakomaahekana, kasi te-ghaara gharëngë mo-senkoro isyabho hë.

2 Abhakörintö 6:4

Kasi nkwörökya törë abhantö ko amangʼana ghonswe igho igha, bhëëtö, m-baköri abha emeremo abha Waryobha törë. Nkokora törë igho, kö ököghömërrya bhököngʼu, amateeso na inyaanyi, na amangʼana amaköngʼu.

2 Timoteo 2:15

Okore omotono ughwa ukwëghya engʼana iya obhoheene, kya bhono ikutunwa na Waryobha igha yëghiibhwi. Hayö ho oraabhe ömököri uwa emeremo ono atakosookera emeremo ighyaye. Ghayö ngo Waryobha akutuna.

1 Peetero 1:7

Amashaasho ghayö, nkokora gharë umukumo ughwënyu ghomaahekane igha, n-gwa heene, kya bhono esahaabhu yonswe ikushaashwa mo-morro. Umukumo ughwënyu ngoona ubhwera obhonene okokera esahaabhu eno ekosareka. Ku bhuyö, Yëësu Kiristo hano ariisha, na ukwiyörökya harabhu igho, narebhakora mukumibhwi, mobhe na ubhuhika, kora mosookwe.