2 Abhakörintö 10:1 - Imuuma Eehya

¹ Mbe, ndabhasaasaama ko obhohaabhu na kö öbhöntö ubhwa heene ubhwa Yëësu Kiristo, nö-öni Pauro ono bhakoghamba igha, hano naabha hamwë na bhëënyu, nkobha ndë omohaabhu, kasi hano naabha hare na bhëënyu, ndabha omokarë.

2 Abhakörintö 10:1 ပူးပေါင်းရင်းမြစ်များ

Mataayo 11:29

Öni m-mohaabhu ndë, na ubhwihöötu nu-bhwane. Ku bhuyö mwibhohere ijööki iyaane, mweghe ku-öni, ho ndaabhahaane omorembe mo-senkoro isyënyu.

Mataayo 21:5

“Tëëbhya abhantö bhano bhamënyirë Sayuuni hayö igha, ‘Tamaaha, omokama uwëënyu araasha, m-mohaabhu, nkuusha arë arëngë ku-tikërë na ëkëmööri ikyako.’”

Amangʼana agha Abhatomwa 8:32

Amaandeko Amahörëëru ghano omonene uyö yaasomanga, n-gaara ghandëkirwë igha, “Yaatangatiibhwi kya ringʼöndi reno rikughya ukushinshwa. Akakira kiri, kora tiyaamurri engʼana hë. Akabha kya ekemaanwa ikya ringʼöndi bhono kikukira hano kyakebhwa amashuurëërya.

Abharuumi 10:20

Ghwiki ömörööti Isaaya yaabhaayë na obhokarë ubhwa okoghamba amangʼana agha Waryobha igha, “Abhantö bhano bhatakaantunirë, mbo bhandööshë. Abhantö bhano bhataköbhöörërya amangʼana aghaane, mbo nihönyööyë-ko.”

Abharuumi 12:1

Bhoono abhakumya bharikyëtö, ko bhoora igha Waryobha abhaayë na amaabhë na bhëëtö, ndabhasaasaama bhököngʼu igha, mwiruusi mobhe kya itugho ëhörëëru iya ikimwenso, eno ikushomera Waryobha. Okokora igho, nko enshera inshiiya iya okosengerra Waryobha.

Abharuumi 15:15

Nokaanyoora igha ni-igho ërë, kasi mbandëkëëyë amangʼana mu-ritashandighi mono ko obhokarë, okore mbahiitöki amangʼana ghayö. Nënkörrë igho, ko okoghera iya örööbhö rono Waryobha yaangʼaana,

1 Abhakörintö 2:3

Enkaagha iyö, m-mötëntëëru naarë, kora naarenga na entarëki, kora naarighitanga bhököngʼu.

1 Abhakörintö 4:10

Abhantö bharatomaaha igha m-bakangi törë, ko okoghera iya okokorra emeremo Yëësu Kiristo, kasi bhëënyu moraikora igha m-bangʼaini mörë, ko okoghera iya Yëësu Kiristo. Bhëëtö m-batëntëëru törë, kasi bhëënyu moraikora igha, mmoona singuru, bhëënyu mmoona emerengaari, kasi bhëëtö nkoserwa törë.

1 Abhakörintö 4:21

Bhoono iyakë mukutuna? Niishe na inyimbo? Kasi ni-igha niishe na righonshe bhohaabhu igho?

2 Abhakörintö 10:10

Nkoghamba ndë igho, ko bhoora abhantö bhandë nkoghamba bharë igha, “Amatashandighi agha Pauro m-marito kora amangʼana aghaaye ngaana singuru, kasi hano aaho umwene, m-mötëntëëru, kora amashumaasho aghaaye, teghaana ubhwera hë.”

2 Abhakörintö 10:2

Ndabhasabha igha, motakaakora mbe omokarë kö-bhëënyu hano ndiisha iyö. Nkoghamba ndë igho, ko bhoora nemanyirë igha, ndatora okobha omokarë ko bhano bhonswe igho bhakokanya igha, öbhömënyi ubhwëtö, m-bwa kinyamöbhërë.

2 Abhakörintö 10:7

Bhëënyu na-mangʼana agha kebhara agheene igho, ngo mokomaaha. Nyoore aaho ömöntö wowonswe igho ono akwimaaha igha nu-uwa Yëësu Kiristo, mbe, ömöntö uyö amanye igha, kya igho we arëngë uwa Yëësu Kiristo, na bhëëtö bhonswe na-abha Yëësu Kiristo törë.

2 Abhakörintö 11:21

Nkosooka ndë okoghamba igha, bhëëtö m-batëntëëru twaarë ko engʼana iyö! Bhoono nkoghamba ndë kya omokangi igha, nyoore aaho ömöntö ono akwimaaha igha, naingʼarëëyë ukwikumirya engʼana yoyonswe eera, tigha ngambe kinyabhokangi igha, öni wonswe ningʼarëëyë ukwikumirya engʼana iyö.

2 Abhakörintö 11:30

Hano eraabhe igha ni-igha niikumi, nendaaikumiri amangʼana agha öbhötëntëëru ubhwane.

2 Abhakörintö 12:5

Bhoono nendaaikumi ko okoghera iya ömöntö uyö, kasi te-ko okoghera iyaane öni umwene. Ëkëntö keno ndaaikumiri, nö-bhötëntëëru ubhwane.

2 Abhakörintö 3:12

Nkoghamba törë ko bhokarë, ko okoghera iya ubhweseghe bhuyö toonabho.

2 Abhakörintö 5:20

Mbe, bhoono Yëësu Kiristo atötömirë tokore emeremo ighyaye, nërëngë igha, Waryobha ko okohetera amangʼana ghano tokoghamba, nkokangʼasërrya arë igha, abhantö bhaighwerrane nawe. Kiyö nkyo kekoghera torabhasabha ku ukwimererra amangʼana agha Yëësu Kiristo igha, mwighwerrane na Waryobha.

2 Abhakörintö 6:1

Mbe, ko bhono tokokora emeremo hamwë na Waryobha, ku bhuyö nkobhasaasaama törë igha, örööbhö urwa Waryobha rono mwanyoora, rotakaaheta bhosa.

2 Abhakörintö 7:4

Neena obhokarë ubhwa ukushumaasha na bhëënyu, kora nkwihasha ndë ko okoghera iya bhëënyu ko bhoora möndöörësëri bhököngʼu. Nokaanyoora mu-nyanko törë, kasi bhoono nshömëëywë bhököngʼu.

Abhagharatia 4:13

Nkuhiita mörë ekembere haara igha öbhörööyë ubhwane mbo bhwaaghërrë nkanyoora umweya ughwa okobharaarekera Amangʼana Amaiya.

Abhagharatia 5:2

Mwitegherre keno öni Pauro nkobhatëëbhya. Ndabhatëëbhya igha, hano moraaikërri okosaarwa ko okoghera iya okoghoota amaraghërryö, Kiristo taabhe na ubhwera bhwobhwonswe bhoora kö-bhëënyu hë.

Abhaëfësö 3:1

Ko okoghera iya amangʼana ghayö ngambirë, öni Pauro nëmböhirwë ko okokorra Kiristo Yëësu emeremo kö-bhëënyu Abhakyaro. Nkobhasabhera ndë ku-Waryobha.

Abhaëfësö 4:1

Mbe, öni m-mobhohe ndë ko bhoora nkokorra Omonene Yëësu emeremo. Ku bhuyö ndabhasaasaama igha, mokore amangʼana ghano ghakwikererrania na keera kyaaghërrë Waryobha akabhabherekera igha mobhe abhantö abhaaye.

Abhafiripi 4:5

Obhohaabhu ubhwënyu bhomanyekane ko-bhantö bhonswe igho. Omonene Yëësu haangʼë arë aashe.

Abhakorosaai 1:23

Kasi ni-igha möghëndërri okobha na umukumo, mohangarre, mobhe na singuru, motakaikërrya ukutigha ubhweseghe bhono mwaanyoora mo-Mangʼana Amaiya ghano mwaaighwa. Amangʼana Amaiya ghayö, ghaaraarekwa ko-bhantö bhonswe igho abha ko-kebhara kono. Na öni Pauro naabha umutighinkani uwa Amangʼana Amaiya ghayö.

2 Abhatësarönikë 3:17

Öni nö-öni Pauro ono mbandëkëëyë amangʼana agha öbhökëërërrya bhono ko okobhoko ukwane öni umwene. Kiyö nkyo ekemanyërryö ikyane ko-matashandighi aghaane ghonswe igho, na ni-igho nkwandekanga.

Firimoni 1:19

Öni Pauro, nandëkirë na okobhoko ukwane umwene igha, nendaakohake. Kasi otakaashe webhe igha oona isiirë iyaane, ko bhoora naakoraarekera engʼana iya Waryobha okabha Umukiristo.

Firimoni 1:9

kasi ko okoghera iya righonshe, ndööshë igha, m-buuya bhököngʼu nkosaasaame. Öni omoghaaka Pauro na bhoono m-mobhohe ndë ko okoghera iya Kiristo Yëësu,

1 Peetero 2:11

Abhaghonshe abhaane, bhëënyu m-baghëni bhahëti mörë ko-kebhara kono. Ku bhuyö, ndabhasaasaama igha, motakaikërrya okobhaahwa na oronamba oroghogho urwa ëmëbhërë ighyënyu. Oronamba oroghogho ruyö, nkurutana rörë na bhëënyu, okore robhabhaahe.

Okohonyora 1:9

Öni nö-öni Yohana umukumya murikyënyu. Nkötöörrania ndë hamwë na bhëënyu ököghömërrya inyanko ko okoghera iya Yëësu na Obhokama ubhwaye. Öni naarëbhërrëëywë kwi-ghinga reno rekobherekerwa igha Paatimo. Naarëbhërrëëywë iyö, okore igha, ntakaaraareka engʼana iya Waryobha na ntakaimererra amangʼana agha Yëësu.