2 Abhakörintö 1:5 - Imuuma Eehya

⁵ Mbe, kya bhono tukunyoora inyanko insharu ko okoghera iya Yëësu Kiristo, ni-ighoigho Waryobha arëtöghösörrya bhököngʼu okohetera ku-Yëësu Kiristo.

2 Abhakörintö 1:5 ပူးပေါင်းရင်းမြစ်များ

Ruuka 2:25

Yaare-ho ömöntö nyabhorebhe Yërusarëëmu hayö, ono yaabherekerwanga igha Simeoni. Ömöntö uyö, yaaingʼarëëyë ku-Waryobha kora m-möntö uwa heene yaarë. Yaaighombanga amaahe ököröörisibhwa ukwa Abhaisiraëri. Umwika Ömöhörëëru hamwë yaarë nawe.

Amangʼana agha Abhatomwa 9:4

Akaghwa hansë, akaighwa engamba eramöbhöörya igha, “Sauri! Sauri! N-kwakë ukunnyankya igho?”

Abharuumi 8:17

Mbe, nyoore bhëëtö m-baana abha Waryobha törë, m-bëëtö abhari abha umwandö ughwa Waryobha, hamwë na Yëësu Kiristo. Kasi bhoono keno kikutunwa, nö-köghömërrya inyaanyi kya bhono Kiristo yaaghömërrëëyi. Hayö bhoono ho törëtöönibhwa hamwë nawe.

Abhafiripi 1:20

Ndaghanya kwa inyonta enene na ukwitengʼera igha, tënsöökërribhwi kwa nshera yoyonswe igho hë. Bhoono kya bhono yaarë sinsikö syonswe igho, nendaaghëndërri kwiköngʼërya mo-nkoro, okore Kiristo atöönibhwi ko ghano ghonswe igho nkokora, nekaakwa, handë hone.

Abhafiripi 2:1

Mbe, hano oraanyoore moraisegha mo-senkoro isyënyu igha m-bantö abha Kiristo mörë, moraröörisibhwa ku righonshe iryaye, moona öbhömwë na Umwika Ömöhörëëru, mohanshirwë na nkomaaherwa mörë amaabhë na Kiristo,

Abhafiripi 3:10

Nkutuna ndë mmanye Kiristo bhököngʼu, mbe na obhotoro ubhwa ukuryoka ukwaye. Mbe na öbhömwë nawe, nteseke na ukukwa kya igho ghaaikörrë ku-Kiristo.

Abhakorosaai 1:24

Bhoono nkushomerwa ndë ku-nyaanyi eno nkunyoora kö-möbhërë ughwane ko okoghera iya bhëënyu, ko bhoora nkosanga inyaanyi iya Yëësu Kiristo eno ëköghëndërrya ko okoghera iya ömöbhërë ughwaye, ömöbhërë ghuyö ngo ekanisa.

2 Timoteo 3:11

righonshe iryane na ököghömërrya ukwane. Kora nomanyirë bhono abhantö bhaanyankyanga na okonteesa, hano naarë mu-mighi gheera ghekobherekerwa igha Antiökia, Iköniö na Risitira. Ghwiki nomanyirë igha, naaghömërrëëyi bhököngʼu amangʼana ghonswe igho ghano bhaankörëëyë, kasi Omonene Yëësu akantöörya ko-ghonswe igho ghayö.

1 Peetero 4:13

Kasi bhoono bhëënyu mushomerwe igha, nkunyoora mörë inyaanyi, kya bhoora Kiristo yaanyöörrë. Bhoono ni-igha, mushomerwenga, okore muushe kushomerwa bhököngʼu, hano ariisha na ubhuhika ubhwaye bhötöörwë harabhu igho.