2 Abhakörintö 1:19 - Imuuma Eehya

¹⁹ Nkoghamba ndë igho, ko bhoora Yëësu Kiristo, Omoona uwa Waryobha, ono öni, Siriwano, na Timoteo tokoraareka kö-bhëënyu, tiyaarenga ömöntö uwa ukwishooghania amangʼana agha ukwikërrya igha, “Yëë,” ghwiki ateme hayö ange igha, “A a.” Kasi ku-uyö, nkaagha sonswe igho ni-igha, “Yëë.”

2 Abhakörintö 1:19 ပူးပေါင်းရင်းမြစ်များ

Mataayo 17:5

Enkaagha eno waanyöörrë Peetero akishumaasha, tamaaha, risaarö reno ryaamekamekanga, rekabhakundikirya. Bhakaighwa engamba erarwera mu-risaarö eraghamba igha, “Ono no-Moona uwaane omoghonshe we aköntëghërya bhököngʼu, mumwitegherrenga.”

Mataayo 24:35

Ekebhara na ighörö iyö, mbereheta, kasi amangʼana aghaane, ngarëghëndërrya okobha-ho igho kughya iyö.”

Mataayo 27:40

Bhaamötëëbhyanga igha, “Kanaa, tu-uwe waaihashanga igha nokaatëmööyë inyumba iya Waryobha, omare oghehaghaashe ku-sinsikö isatö igho? Mbe, nyoore m-Moona uwa Waryobha örë, itöörya umwene, iika urwe ko-mosarabha kuyö.”

Mataayo 27:54

Hano omonene uwa abhasirikare hamwë na bhano bhaarendanga Yëësu bhaaighuurë ikirighiti na okomaaha ghaara ghaaikörrë, bhakoobhoha bhököngʼu, bhakaghamba igha, “M-maheene ömöntö ono, m-Moona uwa Waryobha yaarë.”

Mataayo 3:17

Ho Waryobha yaaghambirë ukurwa mu-ryobha igha, “Ono no-Moona uwaane omoghonshe, ono aköntëghërya bhököngʼu.”

Mataayo 4:3

Oghosambwa ghokaasha, ghokamushaasha. Ghokatëëbhya Yëësu igha, “Nyoore m-Moona uwa Waryobha örë, tëëbhya amaghena ghano ghaisyöri, ghabhe emekaate.”

Maariko 1:1

Kono nko okosemoka ukwa Amangʼana Amaiya agha Yëësu Kiristo, Omoona uwa Waryobha.

Ruuka 1:35

Maraika akamohonshora igha, “Umwika Ömöhörëëru narikwitoomera, na obhotoro ubhwa Waryobha ono arëngë kighörö iya bhyonswe igho, mburikukundikirya kya ikiiriiri. Ku bhuyö omoona ono uryebhora, narebha ömöhörëëru. Narebherekerwanga igha Omoona uwa Waryobha.

Yohana 1:34

Mbe, Yohana akaghëndërrya okoghamba igha, “Öni namaaha amangʼana ghayö, ku bhuyö nkwimererra ndë igha, uyö we Omoona uwa Waryobha.”

Yohana 1:49

Natanaëri akamohonshora igha, “Raabhi, uwe m-Moona uwa Waryobha örë! Nu-uwe Omokama uwa Isiraëri!”

Yohana 19:7

Abhayahudi bhakamohonshora igha, “Bhëëtö ntoona amaraghërryö, na ko okorengʼaana na amaraghërryö ghayö, ni-igha aitwe, ko bhoora akwikora igha m-Moona uwa Waryobha.”

Yohana 20:28

Toomasi akamohonshora igha, “Omonene uwaane na Waryobha uwaane!”

Yohana 20:31

Kasi ebhemanyërryö bheno bhyaandëkirwë, mbyaandëkirwë okore mukumi igha, Yëësu we Kiristo, Omoona uwa Waryobha, na ukukumya kuyö, kobhahaane öbhöhöru ko okohetera ku iriina iryaye.

Yohana 3:16

Waryobha yaahanshirë bhököngʼu abhantö bhonswe igho abha ko-kebhara kono. Righonshe riyö, ndyo ryaaghërrë akatoma Omoona uwaaye umumwëmwë, aashe ko-kebhara kono, okore ömöntö wowonswe igho ono akumukumya atakaasira, kasi abhe na öbhöhöru ubhwa amakora ghonswe igho.

Yohana 6:69

Bhëëtö nkukumya törë, kora ntomanyirë igha, uwe m-Möhörëëru uwa Waryobha örë.”

Yohana 8:58

Yëësu akabhahonshora igha, “No-bhoheene nkobhatëëbhya igha, kora Ibhurahimu hano yaarenga atareebhorwa, öni ho naarenga.”

Amangʼana agha Abhatomwa 15:22

Abhatomwa abha Yëësu bhayö, abhaghaaka abha ekanisa, na abhakumya abhandë abha Yërusarëëmu hayö, bhakabhotora ikiina igha, bhashaaghore abhantö bhano bharaahinane na bhaabho Pauro Antiökia iyö. Ku bhuyö, bhakashaaghora abhatangati bhabhërë, Yuuda ono yaabherekerwanga igha, Bharisabha, na uwöndë ono yaabherekerwanga igha, Siira.

Amangʼana agha Abhatomwa 16:1

Mbe, Pauro akahika mu-mughi ghono ghwaabherekerwanga igha Dëribhë. Hano yaaruurë-mo, akaghya mu-mughi ughwöndë ghono ghwaabherekerwanga igha Risitira. Mu-mughi muyö, yaare-mo umwegha uwa Yëësu ono yaabherekerwanga igha Timoteo. Nyakuwaabho m-Muyahudi ono yaarenga akumiri Omonene Yëësu, kasi suwaabho, m-Muyunaani yaarë.

Amangʼana agha Abhatomwa 18:5

Mbe, hano Siira na Timoteo bhaangʼaaraarrë ukurwa Makedonia ukuusha Körintö, Pauro akahengera mo-Bhayahudi ököbhëëghya engʼana iya Waryobha senkaagha syonswe igho. Akaimererra igha Yëësu we Kiristo.

Amangʼana agha Abhatomwa 8:36

Hano bhaaghendanga ko-nshera kuyö, bhakahika ahasë hano haarenga na amanshë. Omotabhuti uwa umuhyö mo-ketende uyö, akatëëbhya Firipö igha, “Maaha, amanshë n-gaayö hayö! Otambatiisya ndarra amanshë n-gaayö hayö?” [

Amangʼana agha Abhatomwa 9:20

Akasimya këmwë okoraareka mu-sinyumba isya esango iya Abhayahudi. Yaaraarekanga igha, “Yëësu m-Moona uwa Waryobha.”

2 Abhakörintö 1:1

Ritashandighi reno nö-öni Pauro ndyandëkirë. Öni no-motomwa uwa Kiristo Yëësu ndë, ku righonshe irya Waryobha. Öni na umukumya murikyane Timoteo, torabhakëërya bhëënyu bhano mörëngë mo-kanisa iya Waryobha eno ërëngë mu-mughi ughwa Körintö. M-bëënyu tökökëërya, hamwë na abhahörëëru abha Waryobha bhonswe igho, bhano bharëngë mo-mokowa ughwa Akaaya.

1 Abhatësarönikë 1:1

Ritashandighi reno, nö-öni Pauro ndyandëkirë toona Siriwano hamwë na Timoteo. Ekanisa iya umughi ghono ghokobherekerwa igha Tësarönikë, m-bëënyu tukwandekera, abhantö bhano mukukumya Taata uwëëtö Waryobha na Omonene uwëëtö Yëësu Kiristo. Waryobha abhahaane örööbhö na omorembe.

2 Abhatësarönikë 1:1

Ritashandighi reno nö-öni Pauro ndyandëkirë toona Siriwano hamwë na Timoteo. Ekanisa iya umughi ghono ghokobherekerwa igha Tësarönikë, m-bëënyu tukwandekera, abhantö bhano mukukumya Taata uwëëtö Waryobha na Omonene uwëëtö Yëësu Kiristo.

1 Timoteo 3:16

Obhoheene bhono Waryobha öörökëri nu-bhwa ököröghöörya. Obhoheene bhuyö ni-igha, Kiristo yaaiyörökëri aana ömöbhërë kya bhëëtö, akaimererrwa na Umwika Ömöhörëëru igha mwihöötu. Akamaahwa na abhamaraika, amangʼana aghaaye ghakaraarekwa mu-bhyaro bhyonswe igho, akakumibhwa na abhantö abha ko-kebhara kono, akagheghwa ukughya mu-bhuhika ighörö iyö.

Abhaëbhuraania 1:11

Ëbhëntö bhyonswe igho bhiyö, mberesareka, mbereghota kya ingibho, kasi uwe, noraaghëndërri okobha-ho amakora na amakora.

Abhaëbhuraania 13:8

Yëësu Kiristo no-oora oora, isho, reero, na amakora ghonswe igho.

1 Peetero 5:12

Siriwano umukumya murikyëtö ono öni manyirë bhuuya igha, m-möntö uwa heene, we antöörëëyi okobhandekera ritashandighi iryëngʼë reno. Nkutuna ndë mbatërëmi ko okobhatëëbhya obhoheene igha, amangʼana ghano, obhoheene nö-rööbhö urwa Waryobha. Ku bhuyö ni-igha monaghe ko okohetera örööbhö ruyö!

2 Peetero 1:17

Bhëëtö hamwë twaarenga na Yëësu ku-nguku ëhörëëru, hano yaasöökirwë kora akahaanwa ubhuhika ukurwa ko-Taata Waryobha. Enkaagha iyö, yo twaaighuurë engamba iya ubhuhika obhonene, ararwa mu-ryobha ku-Waryobha umwene, ekaghamba igha, “Ono no-Moona uwaane omoghonshe, we aköntëghërya bhököngʼu.”

1 Yohana 1:3

Uyö twaamaaha na ukumwighwa, we tokobharaarekera amangʼana aghaaye. Torabharaarekera, okore mobhe na öbhömwë na bhëëtö ubhwa ukumukumya. Bhëëtö ntoona öbhömwë na Taata Waryobha, bhaana Omoona uwaaye Yëësu Kiristo.

1 Yohana 5:20

Ghwiki ntomanyirë igha, Omoona uwa Waryobha yaamara ukuusha ko-kebhara kono, yaatohaana obhongʼaini ubhwa okomanya Waryobha ubhwa heene. Ntoona öbhömwë na Waryobha uwa heene, ko okohetera kö-bhömwë ubhwëtö na Yëësu Kiristo Omoona uwaaye. Yëësu Kiristo uyö, we Waryobha uwa heene, na uwa öbhöhöru ubhwa amakora ghonswe igho.

2 Yohana 1:9

Ömöntö wowonswe igho ono atakoghoota amëëghyö agha Yëësu Kiristo, kora ghwiki igha nkoghasyörya arë, uyö taana öbhömwë na Waryobha hë. Kasi ömöntö ono aköghëndërrya okoghoota amëëghyö agha Yëësu Kiristo, uyö naana öbhömwë na bhonswe igho, Taata Waryobha, na Omoona uwa Waryobha.

Okohonyora 1:11

Engamba iyö yaaghambirë igha, “Andeka mo-ketabho amangʼana ghonswe igho ghano oraamaahe. Omare otomane eketabho kiyö mo-makanisa muhungatë agha Ëfësö, Simirina, Perighamo, Tiyatira, Saridi, Firadërifia, na Raodikia.”

Okohonyora 1:17

Hano naamörööshë, nkaghwa hansë bhubhuumaayë ko-maghörö aghaaye, ukwörökya igha, nëmösöökirë, nkabha kya ono nkuurë. Kasi akantoorra okobhoko ukwaye ukwa bhoryo eno arantëëbhya igha, “Otakoobhoha! Öni nö-öni uwa mbere na nö-öni embotorra.

Okohonyora 1:8

Omonene Waryobha araghamba igha, “Öni nö-öni Esemoko na Umuhiko. Öni ho ndë, ho naarë ukurwa okosemoka, nanyabhoono ho ndë. Nö-öni neena obhotoro bhwonswe igho.”

Okohonyora 2:18

Ömöntö uyö akaghëndërrya okoghamba igha, “Andekera maraika uwa ekanisa iya Tiyatira, ömötëëbhi igha, Öni nö-öni Omoona uwa Waryobha. Neena amaiso kya ëbhëmörë ibhya omorro, na amaghörö agha okomekameka kya ishabha eno yaaghuutwa mo-morro. Mwitegherre ghano nkobhatëëbhya!