2 Abhakörintö 1:18 - Imuuma Eehya

¹⁸ Kasi ko bhono Waryobha arëngë uwa obhoheene, amangʼana ghano twaabhatëëbhëri, teghaarenga agha ömöntö ukwikërrya igha “Yëë,” ghwiki atema hayö aanga igha “A a.”

2 Abhakörintö 1:18 ပူးပေါင်းရင်းမြစ်များ

Yohana 7:28

Hano Yëësu yëëghyanga kö-bhööri ubhwa risengerro, akakonga araghamba harabhurabhu igho igha, “No-bhoheene igha mommanyirë, na iyö nkurwa mohamanyirë. Momanye igha, tenaasha hano ku ubhwera ubhwane umwene hë, kasi ono yaantoma, nu-uwa obhoheene, kora bhëënyu temomomanyirë hë.

Yohana 8:26

Neena amangʼana amaaru ghano nkaaghambirë, na agha okobhabhotorra ibhiina bhëënyu, kasi tenkore igho hë. Ko bhoora öni nkötëëbhya ndë abhantö bhonswe igho amangʼana ghano nighuurë ukurwa ko-ono yaantoma. Uyö yaantoma, nu-uwa obhoheene.”

1 Abhakörintö 1:9

Waryobha nu-uwa heene, yaabhabherekera, okore mobhe na öbhömwë na Omoona uwaaye, Yëësu Kiristo Omonene uwëëtö.

2 Abhakörintö 1:23

Tenaishirë Körintö iyö, ko bhoora ntatunanga munyahaareke mo-senkoro isyënyu. Ghayö nkoghamba no-bhoheene, kora Waryobha wonswe namanyirë igha, no-bhoheene nkobhatëëbhya.

2 Abhakörintö 11:31

Waryobha, Suwaabho Omonene uwëëtö Yëësu Kiristo, ono aingʼarëëyë ukukumibhwa amakora ghonswe igho, namanyirë igha tenkorongoha hë.

2 Abhakörintö 2:17

Bhëëtö tëtörëngë kya abhantö abhandë abhaaru bhano bhakokorra ibhyashara engʼana iya Waryobha, okore bhanyoore ehoorohooro. Kasi bhëëtö, ntwaatomwa na Waryobha, ku bhuyö bhëëtö ko obhotoro ubhwa Yëësu Kiristo, nkoraareka törë engʼana iya Waryobha kwa ubhwihöötu tomanyirë igha, Waryobha nkotomaaha arë.

2 Abhakörintö 6:8

Bhëëtö twamara ukwiruusya igha, abhantö mbakaatosooka, handë bhatosere, mbakaatoghamba bhuuya, handë bhatoghambe bhoghogho, te-ngʼana hë. Nkomaahekana törë igha m-barongo törë, kasi no-bhoheene tokoghamba.

1 Yohana 5:20

Ghwiki ntomanyirë igha, Omoona uwa Waryobha yaamara ukuusha ko-kebhara kono, yaatohaana obhongʼaini ubhwa okomanya Waryobha ubhwa heene. Ntoona öbhömwë na Waryobha uwa heene, ko okohetera kö-bhömwë ubhwëtö na Yëësu Kiristo Omoona uwaaye. Yëësu Kiristo uyö, we Waryobha uwa heene, na uwa öbhöhöru ubhwa amakora ghonswe igho.

Okohonyora 3:14

Mbe, ömöntö uyö anga kya Omoona uwa Ömöntö, akaghëndërrya okoghamba igha, “Andekera maraika uwa ekanisa iya Raodikia, ömötëëbhi igha, Öni nö-öni nkobherekerwa igha, Amina, umwimërërri uwa heene. Nö-öni ömösëmöri uwa ëbhëntö bhyonswe igho bheno bhyaabhombwa na Waryobha. Mwitegherre ghano nkobhatëëbhya!

Okohonyora 3:7

Mbe, ömöntö uyö anga kya Omoona uwa Ömöntö, akaghëndërrya okoghamba igha, “Andekera maraika uwa ekanisa iya Firadërifia, ömötëëbhi igha, Öni m-Möhörëëru ndë uwa obhoheene, ghwiki nö-öni neena orofongoro urwa omokama Daudi. Hano nsiikirë ekesaku, taaho ömöntö ono araatore ukukyeghora hë. Hano nighööyë ekesaku, taaho ömöntö ono araatore ukukisiika. Mwitegherre ghano nkobhatëëbhya!