2 Abhakörintö 1:17 - Imuuma Eehya

¹⁷ Hano naakubhiri ësëëmyö iyaane iya ukuusha kö-bhëënyu, tenaakörrë igho ntaitëghërrëëyë igha, n-kë nkokora hë. Motakaakanya igha, naakubhiri oroghendo ruyö, ko okohansha ukwane öni umwene, igha nikërri engʼana igha “Yëë,” ghwiki nteme hayö nange igha “A a.”

2 Abhakörintö 1:17 ပူးပေါင်းရင်းမြစ်များ

Mataayo 1:19

Kasi ko bhoora Yusufu m-möntö uwa heene yaarë, tiyaatunirë igha asöökërri Maryamu hë, ku bhuyö akaitegherra igha, atighane bhukiri igho na Maryamu uyö yaarenga aghambëëyë öbhökwë.

Mataayo 5:37

Hano mwikërëëyi engʼana, mughikërri këmwë. Na hano mwangirë engʼana, mughyanga këmwë. Moghambenga obhoheene. Aghandë ghonswe igho ghano ghakoheteera hayö, nko-Ghosambwa ghakurwera.”

Yohana 8:15

Bhëënyu nkombotorra mörë ikiina, okorengʼaana na amangʼana ghano ghakomaahekana, kasi öni tenkobhotorra ikiina ömöntö wowonswe igho hë.

2 Abhakörintö 1:12

Mbe, ikibhuno keno kekoghera toraikumya, ni-igha, amaitegherro aghëëtö nkutwimererra gharë igha, eteemo iyëëtö m-buuya ërë ko-kebhara kono, ekenene n-ku ubhwighwerrani ubhwëtö na bhëënyu, ko obhorabhu na obhoheene bhono bhukurwa ku-Waryobha. Tetwakörrë igho ko obhongʼaini ubhwa ko-kebhara kono, kasi nö-rööbhö urwa Waryobha, ndwo rwaaghërrë tokakora ghayö.

2 Abhakörintö 11:18

Ko bhoora abhantö m-baaru bhakwikumirya amangʼana agha kinyamöbhërë, öni wonswe tigha niikumi.

Abhagharatia 1:16

anhonyorre amangʼana agha Omoona uwaaye kya bhono arë. Yaakörrë igho, okore ndaareke Amangʼana Amaiya agha Yëësu Kiristo ko-Bhakyaro. Tenatunirë abhantö abha okondaghërrya keno nkaakörrë.

Abhagharatia 2:2

Naatiirrë ukughya Yërusarëëmu ko-nkaagha iyö, ko bhoora Waryobha yaanhönyörrëëyë igha ngende-yo. Hano naahikirë-yo nkaikara righara na abhatomwa, nkabhatëëbhya Amangʼana Amaiya ghano naaraarekanga ko-Bhakyaro. Naakörrë igho, okore emeremo ighyane ghiyö naakörrë, na ghiyö naakoranga, ghetakaaheta bhosa.

1 Abhatësarönikë 2:18

Ho twaatunirë igha tuushe iyö, ekenene öni Pauro naatunanga ukuusha iyö, kasi Oghosambwa ghokatorebherra.

Yaakobho 5:12

Abhakumya bharikyane, engʼana enene okokera ghonswe igho, ni-igha motakaatyananga ëkëntö kyokyonswe keera, nkekaabha ekebhara handë mu-ryobha. Kasi hano mwikërëëyi engʼana, mughikërri këmwë. Na hano mwangirë engʼana, mughyanga këmwë. Moghambenga obhoheene, hano motakörrë igho, mobhotorrwa ikiina.