2 Abhakörintö 1:12 - Imuuma Eehya

¹² Mbe, ikibhuno keno kekoghera toraikumya, ni-igha, amaitegherro aghëëtö nkutwimererra gharë igha, eteemo iyëëtö m-buuya ërë ko-kebhara kono, ekenene n-ku ubhwighwerrani ubhwëtö na bhëënyu, ko obhorabhu na obhoheene bhono bhukurwa ku-Waryobha. Tetwakörrë igho ko obhongʼaini ubhwa ko-kebhara kono, kasi nö-rööbhö urwa Waryobha, ndwo rwaaghërrë tokakora ghayö.

2 Abhakörintö 1:12 ပူးပေါင်းရင်းမြစ်များ

Amangʼana agha Abhatomwa 23:1

Mbe, Pauro akamoghorra amaiso abhanene abha ribharasa, akabhatëëbhya igha, “Bhëënyu bhahiiri abhaane, öni mo-nkoro iyaane, m-buuya ndë ku-Waryobha sinsikö syonswe igho.”

Amangʼana agha Abhatomwa 24:16

Ku bhuyö, nkokora ndë omotono ughwa okokora amangʼana ghano nkukumya mo-nkoro iyaane igha, m-maiya ko-bhantö na ku-Waryobha.

Abharuumi 9:1

No-bhoheene nkobhatëëbhya, öni umukumya uwa Kiristo, tenkorongoha hë. Kora amaitegherro aghaane ghano ghakotangatwa na Umwika Ömöhörëëru, ghonswe ni-igho ghakunyörökya.

1 Abhakörintö 1:17

Ko bhoora, Yëësu Kiristo tiyaantömirë igha mbatiisi abhantö. Yaantömirë ndaareke Amangʼana Amaiya, kasi ntakesegha obhongʼaini ubhwane ubhwa okoghamba bhuuya, okore omosarabha ughwa Yëësu Kiristo, ghotakaabhorwa ubhwera ubhwagho.

1 Abhakörintö 12:8

Umwika Ömöhörëëru nkohaana arë ömöntö engʼana iya obhongʼaini, uwöndë amohaana engʼana iya obhomanyi ubhwa amangʼana.

1 Abhakörintö 15:10

Kasi bhono ndëngë bhoono igho, n-ko okoghera ukwa örööbhö urwa Waryobha. Örööbhö urwaye ruyö ku-öni, te-rwa bhosa hë, ko bhoora rwaaghera naakora emeremo okokera abhandë bhonswe igho, te-ko obhotoro ubhwane umwene hë, kasi nö-rööbhö urwa Waryobha ruyö rörëngë hamwë na öni.

1 Abhakörintö 2:13

Tetokoghamba amangʼana ghayö kya amangʼana ghano ghakwëghibhwa kwa obhongʼaini ubhwa abhantö, kasi nkwëghibhwa gharë na Umwika uwa Waryobha. Torarahora amangʼana agha Umwika uwa Waryobha, ko bhano bhaana Umwika uwa Waryobha.

1 Abhakörintö 4:4

Amaitegherro aghaane m-buuya gharë, kasi engʼana iyö tekoghera nange okobha na obhosarya. Omonene we akombotorra ikiina.

1 Abhakörintö 5:8

Mbe, totakaakora inyangi iya Epasaka na eno ehamiira iya kare eemo, ensonga yaamo ni-igha, obhoghogho na ëbhëbhë. Kasi tobhenga torakora inyangi ko emekaate gheno ghetakotoorwa-mo ehamiira, ghayö, n-senkoro sendabhu bheena obhoheene.

2 Abhakörintö 1:17

Hano naakubhiri ësëëmyö iyaane iya ukuusha kö-bhëënyu, tenaakörrë igho ntaitëghërrëëyë igha, n-kë nkokora hë. Motakaakanya igha, naakubhiri oroghendo ruyö, ko okohansha ukwane öni umwene, igha nikërri engʼana igha “Yëë,” ghwiki nteme hayö nange igha “A a.”

2 Abhakörintö 11:3

Kasi bhoono neena entarëki igha, kya bhono Hawa yaangʼainirwë na inshoka engʼaini eera, na bhëënyu bhonswe motakaangʼanwa, mutighe hayö okohansha Kiristo, kwa ubhwihöötu na kwa enkoro inshiiya.

2 Abhakörintö 2:17

Bhëëtö tëtörëngë kya abhantö abhandë abhaaru bhano bhakokorra ibhyashara engʼana iya Waryobha, okore bhanyoore ehoorohooro. Kasi bhëëtö, ntwaatomwa na Waryobha, ku bhuyö bhëëtö ko obhotoro ubhwa Yëësu Kiristo, nkoraareka törë engʼana iya Waryobha kwa ubhwihöötu tomanyirë igha, Waryobha nkotomaaha arë.

2 Abhakörintö 4:2

Bhëëtö twanga amangʼana agha ubhubhise na agha sënsöni, kora tetokokora amangʼana agha öbhöngënërrya, handë ukwishooghania engʼana iya Waryobha na obhorongo. Kasi keno tokokora, no-koraareka obhoheene harabhurabhu igho, okore abhantö bhonswe igho, bhatomanye mo-maitegherro aghaabho igha, na-bhantö abha heene törë ku-Waryobha.

2 Abhakörintö 8:8

Tenkoghamba igho, okore mbahamërri, kasi nkutuna ndë mmaahe nyoore righonshe iryënyu, ni-irya obhoheene ko okobhatëëbhya amangʼana agha omotono ughwa abhantö abhandë.

Abhagharatia 6:4

Kasi kera ömöntö aiyitaahe umwene eteemo iyaaye. Hano oraanyoore na-mangʼana amaiya akokora, hayö aratora ukwikumya ko amangʼana amaiya ghayö akokora, atakairengʼania na ghano abhandë bhakokora.

Abhaëfësö 6:14

Ku bhuyö ni-igha mwisëëmi ukwitana riihë. Mwibhohe umushibhi mo-bhokende. Umushibhi ghuyö no-bhoheene ubhwa Waryobha. Motoore idirii mu-kikubha. Idirii iyö, no-kokora amangʼana agha heene.

Abhafiripi 1:10

okore momanye amangʼana amaiya agha okokora. Hayö ho moraarongehe, kora temoobhe na amasoro okohekera urusikö roora Kiristo arikyora.

1 Abhatësarönikë 2:10

Bhëënyu mbo abhaimërërri abhëëtö, na Waryobha namanyirë igha, eteemo iyëëtö kö-bhëënyu abhakumya bharikyëtö, në-hörëëru yaarë, iya obhoheene, tetwatëmirwë amasoro hë.

1 Timoteo 1:5

Ensonga iya amaraghërryö ghano ni-igha, abhakumya bhahanshane, kwa nkoro nshiiya, amaitegherro amaiya na umukumo ughwa heene.

Tiito 2:7

Uwe Tiito, ko amangʼana ghonswe igho, obhe ëkërëngyö ikya abhantö ökörëngya okokora amangʼana amaiya. Obhe ömöntö uwa obhoheene na ono onaghirë kö-mëëghyö aghaaho.

Abhaëbhuraania 13:18

Motosabherenga, ko bhoora nkukumya törë igha, ntoona amaitegherro amaiya, kora nkutuna törë tobhe abhantö abha heene ku kyokyonswe keera toraakore.

Yaakobho 4:6

Hamwë na ghayö ghonswe igho, kasi nkutwëngërya arë örööbhö, nkyo kekoghera Amaandeko Amahörëëru gharaghamba igha, “Waryobha nkwanga arë abhantö bhano bhakwiheema, kasi örööbhö urwaye na-bhahaabhu akohaana.”

1 Peetero 3:16

kora mobhenga na amaitegherro amaiya, okore hano bharaabhahange engʼana ko amangʼana ghayö mokokora ko okoghera iya Kiristo, bhasooke abheene.

1 Peetero 3:21

Amanshë agha ëhöörö iyö në-kërëngyö ikya obhobhatiisyo bhono bhokobhatöörya bhëënyu reero eno, ti-igha nu-kuruusya ubhunyanku kö-möbhërë hë, kasi no-kobha na enkoro inshiiya ku-Waryobha. Amangʼana ghayö, nkobha gharë okohetera ukuryoka ukwa Yëësu Kiristo.