2 Abhakörintö 1:11 - Imuuma Eehya

¹¹ Kora bhëënyu nkötötöörrya mörë okotosabhera ku-Waryobha. Waryobha nkwighwa arë amasabhi aghëënyu, kora nkotongʼoora arë. Ku bhuyö abhantö abhaaru mbaraamukumi ko okoghera iya örööbhö urwaye kö-bhëëtö.

2 Abhakörintö 1:11 ပူးပေါင်းရင်းမြစ်များ

Amangʼana agha Abhatomwa 12:5

Kasi enkaagha iyö Peetero yaarenga atöörrwë mo-kebhohe, abhantö abha ekanisa bhaakoranga omotono ughwa okosaasaama Waryobha.

2 Abhakörintö 4:15

Inyanko yonswe igho eno tukunyoora, n-ko okoghera iya bhëënyu, okore örööbhö urwa Waryobha, rwaruhe na okohekeera abhantö abhaaru, kora abhantö bhayö bhakumi bhököngʼu Waryobha na ökömötöönia.

2 Abhakörintö 9:14

Engʼana iyö, neraaghere bhaabhasabherenga ku-Waryobha kwa okobhaighomba, ko okoghera iya örööbhö urwaru rono Waryobha yaabhahaana.

Abhafiripi 1:19

Nemanyirë igha nendaahone ko-ghonswe igho ghano ghaanyoora, ko bhoora mokonsabhera ku-Waryobha, na kora Umwika uwa Yëësu Kiristo nköntöörrya arë.

Abhakorosaai 4:3

Motosabheraninga na bhëëtö hano mwasaasaama Waryobha, okore atokorre enshera iya okoraareka engʼana iyaaye, iya imbumbure iya Yëësu Kiristo eno yaarenga ibhisirwë. Öni mo-kebhohe ndë, ko okoghera iya engʼana iyö.

1 Abhatësarönikë 5:25

Abhakumya bharikyëtö, motosabherenga ku-Waryobha.

2 Abhatësarönikë 3:1

Bhoono abhakumya bharikyëtö, motosabheraninga, okore amangʼana agha Omonene Yëësu gharomaane bhöngö. Motosabherenga, okore abhantö bhaghaikërri na bhaghasooke, kya bhoora yaarë kö-bhëënyu.

Firimoni 1:22

Hamwë na ghayö, ndasabha önsëëmëri ahasë aha ukwikara, ko bhoora ko okohetera amasabhi aghëënyu, nkwesegha ndë igha Waryobha naraantöörri niishe kö-bhëënyu iyö.

Abhaëbhuraania 13:18

Motosabherenga, ko bhoora nkukumya törë igha, ntoona amaitegherro amaiya, kora nkutuna törë tobhe abhantö abha heene ku kyokyonswe keera toraakore.