1 Yohana 5:6 - Imuuma Eehya

⁶ Yëësu Kiristo yaahonyorwa igha we m-Moona uwa Waryobha, ko enshera iya amanshë agha obhobhatiisyo ubhwaye, na ko-maanyinga agha ukukwa ukwaye. Tiyöörökëri ko obhobhatiisyo na amanshë ibhyene igho hë, kasi kora na ukwëtëkya amaanyinga aghaaye ko-mosarabha.

1 Yohana 5:6 ပူးပေါင်းရင်းမြစ်များ

Mataayo 26:28

Ko bhoora ghano ngo amaanyinga aghaane agha Imuuma, ghano ghareeteke ko okoghera iya ukwabhera abhantö ëbhëbhë ibhyabho.

Mataayo 3:16

Ku bhuyö Yohana akabhatiisya Yëësu. Mbe, hano Yëësu yaaibhökirë ukurwa mo-manshë, tamaaha, mu-ryobha hakahonyoka, hayöhayö igho, Yëësu akamaaha Umwika uwa Waryobha araika kya ikighuuti, akamwikarra.

Maariko 14:24

Akabhatëëbhya igha, “Ghano ngo amaanyinga aghaane agha Imuuma ghano ghareeteke ko okoghera iya abhantö abhaaru.

Ruuka 22:20

Hano bhaamarrë okorya ibhyakorya, Yëësu akaghegha ekekombe, akaghamba igha, “Idivai eno, ereemererra Imuuma Eehya, iya amaanyinga aghaane ghano ghareeteke ko okoghera iya bhëënyu.]

Yohana 14:17

Uyö we Umwika uwa obhoheene. Abhantö bhano bhatakwighwera Waryobha, tebhatore ukumwikërrya hë, ko bhoora tebhakomomaaha hë, kora tebhamomanyirë hë. Kasi bhëënyu momomanyirë ko bhoora hamwë arë na bhëënyu, kora mö-bhëënyu araabhe.

Yohana 14:6

Yëësu akamohonshora igha, “Öni nö-öni enshera, obhoheene, na öbhöhöru. Taaho ömöntö wowonswe igho ono akotora ukuusha ko-Taata, atahëtëëyë ku-öni.

Yohana 15:26

“Nentoma Ömötöörrya kö-bhëënyu, Ömötöörrya uyö we Umwika Ömöhörëëru ono akohonyorra abhantö bhonswe igho obhoheene. Nko-Taata akurwa, hano arihika, narimererra obhoheene ubhwa amangʼana aghaane.

Yohana 16:13

Kasi Umwika uwa heene oora hano ariisha, narebhahonyorra amangʼana agha obhoheene bhonswe igho. Narekora igho ko bhoora tareghambanga ko bhono umwene akutuna hë, kasi nareghambanga ghano urinyoranga araighwa, narebhatëëbhya kora na amangʼana ghano gharebha mbere iyö.

Yohana 3:5

Yëësu akamohonshora igha, “No-bhoheene nkökötëëbhya igha, taaho ömöntö ono akotora okosoha mo-Bhokama ubhwa Waryobha, hano ataibhööywë okohetera ko-manshë, na okohetera Umwika Ömöhörëëru.

Yohana 4:10

Yëësu akamohonshora igha, “Singa omanyirë ituho iya Waryobha, na igha n-nawë ono akökötëëbhya igha, ‘Ngʼaana amanshë nnywe,’ nokaamosabhirë, na umwene nakaakohaayë amanshë agha öbhöhöru.”

Yohana 4:14

Kasi ömöntö ono araanywe amanshë ghano ndaamohaane, uyö tariighwa ghwiki inyonta hë. Ko bhoora amanshë ghano ndaamohaane, ngaraabhe kya eseeka iya amanshë, mö-möntö uyö. Eseeka iyö, neraashorooshenga öbhöhöru ubhwa amakora ghonswe igho.”

Yohana 6:55

Ko bhoora ömöbhërë ughwane, ngo ibhyakorya ibhya obhoheene, na amaanyinga aghaane, ngo ikinywebhwa ikya heene.

Amangʼana agha Abhatomwa 8:36

Hano bhaaghendanga ko-nshera kuyö, bhakahika ahasë hano haarenga na amanshë. Omotabhuti uwa umuhyö mo-ketende uyö, akatëëbhya Firipö igha, “Maaha, amanshë n-gaayö hayö! Otambatiisya ndarra amanshë n-gaayö hayö?” [

Abharuumi 3:25

Waryobha yaakörrë Yëësu abhe ikimwenso ikya ukwighwerrania abhantö na Waryobha. Yaakörrë ghayö, okore abhantö bhaabherwe ëbhëbhë ibhyabho, ku ukukumya igha Yëësu Kiristo yaakuurë ko okoghera yaabho. Ni-igho Waryobha yaakörrë, okore ööröki abhantö igha, wa heene, ko bhoora yaaghömërrëëyi, tiyaabhashibhiri kö ëbhëbhë bheno bhaakörrë.

Abhaëfësö 1:7

Ko okohetera amaanyinga agha Kiristo Yëësu, Waryobha yatutungurya, igha, atwabhëëyë ëbhëbhë ibhyëtö okorengʼaana na ubhwaru ubhwa örööbhö urwaye.

Abhakorosaai 1:4

Nkokora törë igho, ko bhoora twaighwa amangʼana agha umukumo ughwënyu ku-Kiristo Yëësu, na bhono mohanshirë abhantö abha Waryobha bhonswe igho.

1 Timoteo 3:16

Obhoheene bhono Waryobha öörökëri nu-bhwa ököröghöörya. Obhoheene bhuyö ni-igha, Kiristo yaaiyörökëri aana ömöbhërë kya bhëëtö, akaimererrwa na Umwika Ömöhörëëru igha mwihöötu. Akamaahwa na abhamaraika, amangʼana aghaaye ghakaraarekwa mu-bhyaro bhyonswe igho, akakumibhwa na abhantö abha ko-kebhara kono, akagheghwa ukughya mu-bhuhika ighörö iyö.

Tiito 3:5

Ti-igha öbhöntö ubhwa heene ubhwëtö, mbo bhwaaghërrë akatokorra ghayö, kasi n-ko okoghera iya ikyabhera ikyaye, nkyo kyaaghërrë akatokorra igho. Atosaabhuurrë obhoghogho ubhwëtö, kuyö nko ukwebhorwa bhohya. Ghwiki atohaayë öbhöhöru bhohya okohetera ku-Mwika Ömöhörëëru.

Abhaëbhuraania 10:29

Mbe, bhoono morakanya igha m-bushibhu ubhwa iyakë bhono araanyoore ömöntö ono akotashera hansë Omoona uwa Waryobha, na okomaaha igha amaanyinga agha Imuuma ghano ghaamosaabhuura te-ngʼana hë, na okokorra ikisiraani Umwika Ömöhörëëru?

Abhaëbhuraania 12:24

Muhikirë ku-Yëësu, umwighwerrania uwa Imuuma Eehya, ko-maanyinga aghaaye ghano gheeteka. Amaanyinga ghayö, teghanga kya amaanyinga agha Abhëëri ghano ghaatunanga okohaka ikisiiyomba, kasi gho na-maabhë ghakushumaashera.

Abhaëbhuraania 13:20

Mbe, Waryobha ono akohaana abhantö omorembe, yaaryökëri Omonene uwëëtö Yëësu Kiristo. Uyö we Omokaraabhërri uwa amangʼöndi Omonene, okohetera ko-nshera iya ukwëtëkya amaanyinga aghaaye agha imuuma iya amakora ghonswe igho.

Abhaëbhuraania 9:14

Kasi bhoono amaanyinga agha Yëësu Kiristo, ngaana ubhwera bhököngʼu, okokera agha situgho ghayö. Uyö we yaairuusiri umwene ko obhotoro ubhwa Umwika uwa amakora ghonswe igho, okore abhe ikimwenso keno ketaana risoro ku-Waryobha. Ikimwenso ikya amaanyinga aghaaye, nkyo kikutwöghya amaitegherro aghëëtö gharwe mo-mangʼana ghano ghakoreeta uruku, okore tosaasaamenga Waryobha ömöhöru.

Abhaëbhuraania 9:7

Kasi omonene uwa abhasëngëri umwene igho, we yaasohanga mu-kinyumba keera ikya kabhërë, kamwë igho ko-mooka. Yaasohanga-mo aghëghirë amaanyinga agha itugho. Amaanyinga ghayö, ngo ghaabhanga ikimwenso ku-Waryobha, ko okoghera iya ëbhëbhë ibhyaye, na ibhya abhantö abhandë bhano waanyooranga bhasarri bhatamanyirë.

1 Peetero 1:2

Taata Waryobha yaabhamanyirë, akabhashaaghora ukurwa kare, ko okoghera iya ësëëmyö iyaaye. Umwika uwaaye Ömöhörëëru, akabhakora mobhe abhahörëëru, okore mwighwere Yëësu Kiristo na okosaabhuurwa ko amaanyinga aghaaye. Waryobha abhëngëri örööbhö na omorembe.

1 Peetero 3:21

Amanshë agha ëhöörö iyö në-kërëngyö ikya obhobhatiisyo bhono bhokobhatöörya bhëënyu reero eno, ti-igha nu-kuruusya ubhunyanku kö-möbhërë hë, kasi no-kobha na enkoro inshiiya ku-Waryobha. Amangʼana ghayö, nkobha gharë okohetera ukuryoka ukwa Yëësu Kiristo.

1 Yohana 1:7

Kasi hano oraanyoore mo-bhorabhu tömënyirë, kya bhono Waryobha amënyirë-mo, hayö ntoraabhe na öbhömwë bhëëtö abheene ko bheene. Kora hayö ho ukunyoora amaanyinga agha Omoona uwaaye Yëësu Kiristo gharatosaabhuura ëbhëbhë ibhyëtö bhyonswe igho.

1 Yohana 4:10

Righonshe rërëngë igha, ti-igha m-bëëtö twaatangatirë okohansha Waryobha, kasi we yaatangatirë okotohansha. Righonshe riyö, ndyo ryaaghërrë akatoma Omoona uwaaye, okore abhe ikimwenso ikya ukutwighwerrania na Waryobha, ku ukuruusya-ho ëbhëbhë ibhyëtö.

Okohonyora 1:5

na ukurwa ku-Yëësu Kiristo umwimërërri uwa heene. Uyö we yaaryökiibhwi mbere, okore abhe omokama uwa abhakama bhonswe igho ko-kebhara. Yëësu Kiristo natohanshirë, kora yatotashora ukurwa mö-bhëbhë ibhyëtö ku ukutukwera.

Okohonyora 5:9

Bhakarëëtërya Omoona Ringʼöndi rirëëtyö reehya igha, “Uwe wingʼarëëyi okoghegha eketabho kiyö na okonaanora-ko ubhurimbo ubhwa ku-mihuri ighya-ko, ko bhoora uwe waashinshirwë. Okaghorra Waryobha ko amaanyinga aghaaho, abhantö abha amakabhira ghonswe igho, ebheghambo bhyonswe igho, sihiiri syonswe igho na ibhyaro bhyonswe igho.

Okohonyora 7:14

Nkamohonshora igha, “Omonene, uwe nu-uwe omanyirë.” Akantëëbhya igha, “Abhantö bhayö, m-baara bhaaghömërrëëyi inyanko enene eera. Bhaafura sengansho isyabho ko amaanyinga agha Omoona Ringʼöndi, sekarabha shaa.