1 Yohana 5:11 - Imuuma Eehya

¹¹ Keno kekoghera torabha na obhoheene ubhwa ghano Waryobha yaatötëëbhëri igha m-maheene, nö-bhöhöru ubhwa amakora ghonswe igho bhono yaatohaana. Öbhöhöru bhuyö, ntwaabhunyoora ko okoghera iya ukukumya Omoona uwaaye.

1 Yohana 5:11 ပူးပေါင်းရင်းမြစ်များ

Mataayo 25:46

“Ho bhoono abha ëbhëbhë bhayö, bharyemoka bhaghende mu-bhushibhu ubhwa amakora ghonswe igho. Kasi abhantö abha heene bhaara, bho mbaresoha mö-bhöhöru ubhwa amakora ghonswe igho.”

Yohana 1:19

Urusikö urwöndë, abhatangati abha Abhayahudi bhaatömirë abhasëngëri na Abharaawi ukurwa Yërusarëëmu, bhabhööri Yohana igha, “Nu-uwe wë?”

Yohana 1:4

Uyö we yaarë esemoko iya öbhöhöru bhwonswe igho, na öbhöhöru bhuyö, mbo bhokoreeta obhorabhu ko-bhantö.

Yohana 10:28

Öni nkoghahaana ndë öbhöhöru ubhwa amakora ghonswe igho, tegharisira kora hake hë. Ghwiki taaho ömöntö ono akotora okoghasakörya ukurwa mo-mabhoko aghaane.

Yohana 12:50

Ghwiki, nemanyirë igha amaraghërryö aghaaye, nkohaana gharë abhantö öbhöhöru ubhwa amakora ghonswe igho. Mbe, ghayö nkoghamba, nkoghaghamba ndë kya bhono Taata umwene yaantëëbhëri igha ngaghambe.”

Yohana 14:6

Yëësu akamohonshora igha, “Öni nö-öni enshera, obhoheene, na öbhöhöru. Taaho ömöntö wowonswe igho ono akotora ukuusha ko-Taata, atahëtëëyë ku-öni.

Yohana 19:35

Amangʼana ghano ngaandekwa na ömöntö ono yaarööshë ghayö ghaikoranga. Ghano akoghamba no-bhoheene, kora umwene wonswe namanyirë igha, no-bhoheene akoghamba, okore na bhëënyu bhonswe mukumi.

Yohana 3:36

Ömöntö ono akukumya Omoona uwa Waryobha, uyö naana öbhöhöru ubhwa amakora ghonswe igho. Kasi ono akumwanga, taana öbhöhöru ubhwa amakora ghonswe igho hë, kora okorerra ukwa Waryobha nkoraaghëndërri okobha kö-möntö uyö.

Yohana 4:36

Ömöghësi nkunyoora arë ehoorohooro iyaaye. Nkokomania arë ibhyakorya ko okoghera iya amakora ghonswe igho, okore umwëmya na ömöghësi, bhashomerwe hamwë bhonswe igho.

Yohana 4:4

Mbe, bhoono yaarenga igha, ni-igha ahetere mu-kyaro ikya Samaaria.

Yohana 5:21

Kya bhono Taata akuryökya abhaku, na okobhahaana öbhöhöru, ni-ighoigho Omoona wonswe akohaana öbhöhöru ömöntö wowonswe ono akutuna igha ahaane.

Yohana 5:26

Kya bhono Taata arëngë esemoko iya öbhöhöru, ni-ighoigho kora yaahaana Omoona uwaaye esemoko iya öbhöhöru bhuyö.

Yohana 6:40

Keno Taata akutuna ni-igha, kera ömöntö ono akomanya igha öni m-moona uwa Taata Waryobha ndë, na ukunkumya, ni-igha abhe na öbhöhöru ubhwa amakora ghonswe igho. Uyö öni nindimuryökya urusikö urwa umuhiko.”

Yohana 6:47

“No-bhoheene nkobhatëëbhya igha, ömöntö wowonswe igho ono akunkumya, uyö naana öbhöhöru ubhwa amakora ghonswe igho.

Yohana 6:68

Simööni Peetero akamohonshora igha, “Omonene, nkö-öwë toraabhate? Uwe noona amangʼana ghano ghakotohaana öbhöhöru ubhwa amakora ghonswe igho.

Abharuumi 5:21

Mbe, kya bhoora ëkëbhë kyaarë na singuru isya okobhaaha abhantö, kora kekabharetera uruku, ni-ighoigho kora na okobhara abhantö igha m-ba heene, örööbhö urwa Waryobha rwaareetera abhantö öbhöhöru ubhwa amakora ghonswe igho, ko okohetera ku-Yëësu Kiristo Omonene uwëëtö.

Abharuumi 6:23

Ömöntö wowonswe ono akobha omoghorwa uwa ëbhëbhë, ehoorohooro iyaaye, nu-ruku urwa amakora ghonswe igho. Kasi bhëëtö, Waryobha nkotohaana arë öbhöhöru ubhwa amakora ghonswe igho. Öbhöhöru ubhwa amakora ghonswe igho bhuyö, tebhokohakerwa hë, kasi nkohaanwa törë ituho iyö, ko okoghera iya okoghootana ukwëtö na Omonene uwëëtö Kiristo Yëësu.

1 Timoteo 1:16

Kasi Yëësu Kiristo yaanyabhëëyë! Yaanyöörökëri ököghömërrya ukwaye kya bhono körë ku-öni uwa ëbhëbhë okokera bhonswe igho. Yaakörrë igho, okore mbe ëkërëngyö ko-bhantö bhano bharaamukumi na ukunyoora öbhöhöru ubhwa amakora ghonswe igho.

Tiito 1:2

na mboraabhahaane ubhweseghe ubhwa öbhöhöru ubhwa amakora ghonswe igho. Waryobha ono atakorongoha, we yaaraghaini öbhöhöru bhuyö, kora ekebhara ketaraabhombwa.

1 Yohana 2:25

Riraghano reno yaatoraghaini ni-igha, tunyoore öbhöhöru ubhwa amakora ghonswe igho.

1 Yohana 4:10

Righonshe rërëngë igha, ti-igha m-bëëtö twaatangatirë okohansha Waryobha, kasi we yaatangatirë okotohansha. Righonshe riyö, ndyo ryaaghërrë akatoma Omoona uwaaye, okore abhe ikimwenso ikya ukutwighwerrania na Waryobha, ku ukuruusya-ho ëbhëbhë ibhyëtö.

1 Yohana 4:9

Waryobha yöörökya righonshe iryaye kö-bhëëtö, ko okotoma Omoona uwaaye umumwëmwë ko-kebhara kono. Yaakörrë igho, okore okohetera ku-uyö, tunyoore öbhöhöru ubhwa amakora ghonswe igho.

1 Yohana 5:10

Ömöntö wowonswe igho ono akukumya Omoona uwa Waryobha, uyö nkunyoora örë akumiri igha, ubhwimërërri bhuyö, nu-bhwa obhoheene. Kasi ono atakukumya Waryobha, nkomokora arë morongo, ko bhoora akwanga ukukumya obhoheene bhono Waryobha yaaghamba ko amangʼana agha Omoona uwaaye.

1 Yohana 5:20

Ghwiki ntomanyirë igha, Omoona uwa Waryobha yaamara ukuusha ko-kebhara kono, yaatohaana obhongʼaini ubhwa okomanya Waryobha ubhwa heene. Ntoona öbhömwë na Waryobha uwa heene, ko okohetera kö-bhömwë ubhwëtö na Yëësu Kiristo Omoona uwaaye. Yëësu Kiristo uyö, we Waryobha uwa heene, na uwa öbhöhöru ubhwa amakora ghonswe igho.

1 Yohana 5:7

Umwika Ömöhörëëru we akwimererra ghayö igha m-maheene, ko bhoora we obhoheene.

3 Yohana 1:12

Abhantö bhonswe igho, nkoghamba bharë igha, “Demetirio m-möntö uwa heene. Nkokora arë amangʼana kya bhono Waryobha akutuna.” Kora bhëëtö bhonswe nkoghamba törë igha, uyö m-möntö uwa heene. Kora uwe wonswe nomanyirë igha, ghayö tokoghamba m-maheene.

Okohonyora 1:2

Yohana akaimererra amangʼana ghonswe igho ghano yaarööshë. Amangʼana ghayö yaarööshë, na-agha obhoheene bhono bhwahönyööywë na Yëësu Kiristo. Obhoheene bhuyö, mbo engʼana iya Waryobha.

Okohonyora 22:1

Mbe, maraika uyö, akaanyörökya omooro ughwa amanshë agha öbhöhöru, ghono ghwaarabherranga kya ikyowa. Ghwaarweranga mwi-rungu irya ikitumbë ikya ekekama ikya Waryobha na Omoona Ringʼöndi.