1 Yohana 4:8 - Imuuma Eehya

⁸ Kasi ömöntö wowonswe igho ono atahanshirë bharikyaye, uyö tamanyirë Waryobha hë, ko bhoora Waryobha we arëngë righonshe.

1 Yohana 4:8 ပူးပေါင်းရင်းမြစ်များ

2 Abhakörintö 13:11

Bhoono abhakumya bharikyane, nkomarërrya ndë ko okobharagha na eno ndabhatëëbhya igha, mohekerane ko amangʼana aghëënyu, mobhe abhantö abha ököröörësania, mobhe ikiina ëkëmwë, mobhe na omorembe. Hayö ho Waryobha uwa righonshe na omorembe araabhe hamwë na bhëënyu.

Abhaëfësö 2:4

Kasi bhoono ko bhoora Waryobha naana amaabhë bhököngʼu, natohanshirë ku righonshe iryaye reno retaana umuhiko.

Abhaëbhuraania 12:29

Ko bhoora Waryobha uwëëtö, no-morro ghono ghukusikya.

1 Yohana 1:5

Mbe, engʼana eno Yëësu Kiristo yaatötëëbhya, yo tokobharaarekera igha, Waryobha we obhorabhu, ikisuntë tëkërëngë mu-Waryobha hë.

1 Yohana 2:4

Ömöntö wowonswe igho ono akoghamba igha namanyirë Waryobha, kasi takoghoota imighiro ighya Waryobha hë, m-morongo, tamanyirë obhoheene hë.

1 Yohana 2:9

Ömöntö wowonswe igho ono akoghamba igha mo-bhorabhu arë, na eno arëghirë umukumya murikyaye, uyö mu-kisuntë akërë.

1 Yohana 3:10

Kasi ömöntö ono atakokora amangʼana agha heene, handë ono atahanshirë umukumya murikyaye, uyö temoona uwa Waryobha hë. Ni-igho tokomanyërrya abhaana abha Waryobha bhono bharë, bheena abhaana abha Oghosambwa bhono bharë.

1 Yohana 3:6

Ömöntö wowonswe ono aköghëndërrya okobha na öbhömwë na Yëësu Kiristo, taatore ököghëndërrya okokora ëbhëbhë. Kasi ömöntö wowonswe igho ono aköghëndërrya okokora ëbhëbhë, uyö tamanyirë obhotoro ubhwa Yëësu Kiristo hë.

1 Yohana 4:16

Bhëëtö ntomanyirë, kora nkukumya törë igha, Waryobha natohanshirë. Waryobha we righonshe. Ömöntö wowonswe igho ono akobha na righonshe, we aana öbhömwë na Waryobha, na Waryobha wonswe, nkobha arë na öbhömwë na ömöntö kya uyö.

1 Yohana 4:7

Abhaghonshe abhaane, tohanshane, ko bhoora righonshe nku-Waryobha rikurwa. Ömöntö wowonswe ono akohansha bharikyaye, uyö nkobha arë omoona uwa Waryobha, kora namanyirë Waryobha.