1 Yohana 4:7 - Imuuma Eehya

⁷ Abhaghonshe abhaane, tohanshane, ko bhoora righonshe nku-Waryobha rikurwa. Ömöntö wowonswe ono akohansha bharikyaye, uyö nkobha arë omoona uwa Waryobha, kora namanyirë Waryobha.

1 Yohana 4:7 ပူးပေါင်းရင်းမြစ်များ

Yohana 13:34

Kasi bhoono ndabhahaana umughiro omohya, ndabharaghërrya igha, ‘Mohanshane. Kya bhono mbahanshirë, na bhëënyu bhonswe mohanshane ighoigho.’

Yohana 17:3

Öbhöhöru ubhwa amakora ghonswe igho, mbo bhono igha, abhantö bhakomanye uwe Waryobha uwa heene, uwe umwene igho, ghwiki bhammanye na öni Yëësu Kiristo, ono waantoma.

1 Abhakörintö 8:3

Kasi hano ömöntö araahanshe Waryobha, uyö namanyekaini ku-Waryobha.

2 Abhakörintö 4:6

Waryobha ono yaaghambirë igha, “Obhorabhu bhömërëki ukurwa mu-kisuntë,” we uyöuyö akömërëkya mo-senkoro isyëtö, okore atohaane obhorabhu ubhwa obhomanyi ubhwa emerengaari ighya Waryobha gheno ghëkömërëkya ku-bhusyö ubhwa Yëësu Kiristo.

Abhagharatia 4:9

Kasi bhoono igho, momanyirë Waryobha, umwene wonswe nabhamanyirë bhököngʼu. Mbe, bhoono N-kwakë mukutuna ukukyorra okoghoota amangʼana agha kare ghaara agha amasambwa ghano ghakotonga ekebhara keno? Amasambwa ghayö, teghaana ubhwera bhobhonswe bhoora hë. Kasi ghwiki nkutuna mörë mobhe abhaghorwa abha amangʼana ghayö?

Abhagharatia 5:22

Kasi hano oraanyoore igha Umwika Ömöhörëëru we akototangata, ntoraabhe na ehagho iya Umwika Ömöhörëëru. Ehagho iyö ni-iya righonshe, ukushomerwa, omorembe, ököghömërrya, öbhöntö ubhwa heene, öbhösërëënia, obhoheene,

2 Timoteo 1:7

Okorenga igho, ko bhoora igha, umwika ghono Waryobha yaatohaana, tu-ughwa obhoobha hë, kasi nu-ghwa okotohaana singuru, righonshe na obhotoro ubhwa ukwirebherra.

1 Peetero 1:22

Öbhömënyi ubhwënyu, nkorengʼaana bhörë na amëëghyö agha heene agha amangʼana agha Yëësu Kiristo. Ku bhuyö senkoro isyënyu syasaabhuurwa, na bhoono nkotora mörë okohansha abhakumya bharikyënyu këmwëkëmwë. Mbe, mohanshane bhököngʼu,

1 Yohana 2:10

Ömöntö wowonswe igho, ono ahanshirë umukumya murikyaye, uyö mo-bhorabhu arë. Taana engʼana mo-nkoro iyaaye, eno eraamutimbe akore ëbhëbhë.

1 Yohana 2:29

Mmomanyirë igha, Yëësu Kiristo n-wa heene. Ku bhuyö momanye igha, wowonswe igho ono akokora amangʼana agha heene, uyö we omoona uwa Waryobha.

1 Yohana 2:3

Mbe, kasi engʼana eno ikwörökya igha ntomanyirë Waryobha, no-kosooka imighiro ighyaye.

1 Yohana 2:4

Ömöntö wowonswe igho ono akoghamba igha namanyirë Waryobha, kasi takoghoota imighiro ighya Waryobha hë, m-morongo, tamanyirë obhoheene hë.

1 Yohana 2:7

Abhaghonshe abhaane, umughiro ghono nkobhandekera te-mohya hë, kasi nu-ghwa kare ghooraghoora, ghono mwaarenga momanyirë ukurwa hano mwaasimiri ukukumya Yëësu Kiristo. Umughiro ughwa kare ghuyö, ngo engʼana iya okohanshana eno mwaighwa.

1 Yohana 3:9

Ömöntö wowonswe ono yaamara okobha omoona uwa Waryobha, taköghëndërrya okokora ëbhëbhë hë, ko bhoora naana eteemo iya Waryobha. Taköghëndërrya okokora ëbhëbhë, ko bhoora m-moona uwa Waryobha.

1 Yohana 4:11

Abhaghonshe abhaane, ko bhoora igha Waryobha ni-igho yaatohanshirë, na bhëëtö bhonswe ni-igha tohanshane.

1 Yohana 4:12

Taaho ömöntö ono yaakarööshë Waryobha hë. Kasi hano toraahanshane, Waryobha nkobha arë na öbhömwë na bhëëtö, na righonshe iryaye, nkohekerana rërë mö-bhëëtö.

1 Yohana 4:16

Bhëëtö ntomanyirë, kora nkukumya törë igha, Waryobha natohanshirë. Waryobha we righonshe. Ömöntö wowonswe igho ono akobha na righonshe, we aana öbhömwë na Waryobha, na Waryobha wonswe, nkobha arë na öbhömwë na ömöntö kya uyö.

1 Yohana 4:20

Hano ömöntö wowonswe igho araaghambe igha nahanshirë Waryobha, na ambe narëghirë umukumya murikyaye, uyö m-morongo. Keno kekoghera toramanya igha m-morongo, n-ko bhoora atahanshirë umukumya murikyaye ono akomaaha, kasi araghamba igha, nahanshirë Waryobha ono ataakarööshë.

1 Yohana 4:8

Kasi ömöntö wowonswe igho ono atahanshirë bharikyaye, uyö tamanyirë Waryobha hë, ko bhoora Waryobha we arëngë righonshe.

1 Yohana 5:1

Ömöntö wowonswe igho ono akukumya Yëësu igha n-Kiristo, uyö we omoona uwa Waryobha. Ömöntö wowonswe igho ono ahanshirë umwibhöri, nkohansha arë kora na omoona uwa umwibhöri uyö.

2 Yohana 1:5

Bhoono ore musubhaati omoghonshe, ndakosabha omanye igha, bhëëtö Abhakiristo, ni-igha tohanshane. Umughiro ghuyö te-mohya hë, kasi n-gooraghoora ughwa kare, ghono twaarenga tomanyirë ukurwa hano twaasimiri ukukumya Yëësu Kiristo.