1 Yohana 3:8 - Imuuma Eehya

⁸ Kasi ömöntö wowonswe ono aköghëndërrya okokora ëbhëbhë, uyö m-möntö uwa Oghosambwa. Ntomanyirë igho, ko bhoora Oghosambwa n-gököri ughwa ëbhëbhë ukurwa kare. Kiyö nkyo ikibhuno keno kyaaghërrë Omoona uwa Waryobha akaasha ko-kebhara kono, okore asari emeremo ighya Oghosambwa.

1 Yohana 3:8 ပူးပေါင်းရင်းမြစ်များ

Mataayo 12:28

Kasi Umwika uwa Waryobha, we akoghera ndaata amasambwa. Ku bhuyö hayö nkwörökya ërë igha, Obhokama ubhwa Waryobha bhobhahëkërëëyë.

Mataayo 13:38

Ömöghöndö, bhayö na-bhantö bhano bharëngë ko-kebhara kono. Na imbusiro inshiiya, bhayö na-bhantö bhano bhakotongwa na Waryobha. Ëntöki, iyö na-bhantö abha Oghosambwa.

Mataayo 4:3

Oghosambwa ghokaasha, ghokamushaasha. Ghokatëëbhya Yëësu igha, “Nyoore m-Moona uwa Waryobha örë, tëëbhya amaghena ghano ghaisyöri, ghabhe emekaate.”

Maariko 1:24

“Uwe Yëësu uwa Nazarëëti, n-kë ukututuna-ko? Kasi wishirë igha utusiki? Nenkomanyirë igha, uwe nö-Möhörëëru uwa Waryobha örë.”

Ruuka 10:18

Yëësu akabhahonshora igha, “Naarë ndööshë Oghosambwa, ghoraharaatoka ukurwa mu-ryobha kya ëkëmësyö ikya enkobha.

Yohana 12:31

Bhoono enkaagha iya Waryobha iya okobhotorra ekebhara keno ikiina, ihikirë. Bhoono Oghosambwa ghono ghokotonga ko-kebhara kono, ngoraatabhutwe kebhara iyö.

Yohana 16:11

Ko amangʼana agha okobhotorrwa ukwabho ikiina, n-ko bhoora Oghosambwa ghono ghokotonga ko-kebhara kono, ghwamara okobhotorrwa ikiina.

Yohana 8:44

Bhëënyu na-abha Oghosambwa mörë, ghuyö ngwo suwëënyu. Oronamba urwa suwëënyu urwa okokora ghano akutuna, ndwo monaro. Oghosambwa ukurwa bhosemoka n-ghwiti, ghwiki teghohanshirë obhoheene hë, ko bhoora teghoona obhoheene hë. Hano Oghosambwa ghwaghamba obhorongo, iyö ne-teemo iyaaghwo ko bhoora n-gorongo, ghwiki ngwo suwaabho obhorongo bhwonswe igho.

Abharuumi 16:20

Bhoono Waryobha ono akotohaana omorembe, m-böngö araatashere hansë Oghosambwa. Naraaghotashere mo-bhora ubhwa amaghörö aghëëtö. Örööbhö urwa Omonene uwëëtö Yëësu Kiristo robhe hamwë na bhëënyu. [Amina.]

Abhaëfësö 2:2

Enkaagha iyö, mwaakoranga amangʼana agha ko-kebhara kono. Kora mwaasorananga omotangati omoghogho uyö, Omonene uwa singuru isya ighörö isya amasambwa. Uyö we bhoono igho akokora emeremo mo-bhantö bhano bhatakwighwera Waryobha.

Abhakorosaai 2:15

Ko okohetera omosarabha, Waryobha akaruusya amasambwa obhokama ubhwagho na ubhwera ubhwagho akaghakera ku ukukirirrya, akaghasöökërrya harabhu igho.

1 Timoteo 3:16

Obhoheene bhono Waryobha öörökëri nu-bhwa ököröghöörya. Obhoheene bhuyö ni-igha, Kiristo yaaiyörökëri aana ömöbhërë kya bhëëtö, akaimererrwa na Umwika Ömöhörëëru igha mwihöötu. Akamaahwa na abhamaraika, amangʼana aghaaye ghakaraarekwa mu-bhyaro bhyonswe igho, akakumibhwa na abhantö abha ko-kebhara kono, akagheghwa ukughya mu-bhuhika ighörö iyö.

Abhaëbhuraania 2:14

Mbe, ko bhoora ntoona ëmëbhërë na amaanyinga, Yëësu Kiristo wonswe yaaishirë akabha na ömöbhërë na amaanyinga kya bhëëtö. Yaakörrë igho, okore ko okohetera ukukwa ukwaye, asiki Oghosambwa nyabhwera ubhwa uruku.

Abhaëbhuraania 9:26

Singa etaabhaayë igho, Kiristo nakaatëësirwë hare kaaru ukurwa okosemoka ukwa ekebhara keno. Kasi bhoono yaasha kamwë igho ko-senkaagha isya umuhiko seno, okore aruusi-ho ëbhëbhë ku ukwiruusya umwene kamwë igho abhe ikimwenso.

2 Peetero 2:4

Abhamaraika bhano bhaakörrë ëbhëbhë, Waryobha tiyaabhatighirë hë. Kasi yaabhatabhutirë mu-kyaro ikya abhaku, bhakabhohwa-mo na ebheraangʼani mu-kisuntë. Mu-kyaro ikya abhaku muyö, mo bhakoghanyera urusikö urwa okobhotorrwa ikiina.

1 Yohana 1:2

Engʼana iya öbhöhöru uyö, we Waryobha yaahönyööyë ko-bhantö, kora bhëëtö bhonswe ntwaamörööshë. Ku bhuyö ghano tokobhatëëbhya, no-bhoheene ubhwa amangʼana aghaaye. Torabhatëëbhya igha, ömöntö uyö akohaana abhantö öbhöhöru, ho arë amakora ghonswe igho. Ömöntö uyö, yaarenga hamwë na Taata Waryobha, kasi bhoono Waryobha yamohonyora kö-bhëëtö.

1 Yohana 3:10

Kasi ömöntö ono atakokora amangʼana agha heene, handë ono atahanshirë umukumya murikyaye, uyö temoona uwa Waryobha hë. Ni-igho tokomanyërrya abhaana abha Waryobha bhono bharë, bheena abhaana abha Oghosambwa bhono bharë.

1 Yohana 3:5

Mmomanyirë igha Yëësu Kiristo yaaishirë ko-kebhara kono, okore aruusi-ho ëbhëbhë ibhyëtö. Ghwiki we taana ëkëbhë kyokyonswe keera hë.

1 Yohana 5:19

Ntomanyirë igha, bhëëtö m-baana abha Waryobha törë. Kasi abhantö abhandë bhonswe igho bhano bhatakwighwera Waryobha, bhayö nkobhaahwa bharë na Oghosambwa.

Yuuda 1:6

Muhiitoke igha, kora abhamaraika bhano bhataanaghëri ibhyeo ibhyabho, bhakatigha ahasë ahaabho aha okomenya, Waryobha yabhabhoha na ebheraangʼani mu-kisuntë. Nkoghanya bharë urusikö oronene roora, urwa okobhotorrwa ikiina.

Okohonyora 20:10

Mbe, Oghosambwa ghono ghwaabhangʼainirë, ngoretabhutwa mu-nyansha iyö ikwibhugha omorro na ubhurutu ubhwa ikibhiriiti. Muyö mo ughutyënyi ghoora na ömörööti uwa obhorongo oora, bhaarëkëëywë-mo. Muyö mo bhareteeswanga ubhutikö na omobhasö, amakora ghonswe igho.

Okohonyora 20:15

Mbe, ömöntö wowonswe ono iriina iryaye retaandëkirwë mo-ketabho ikya öbhöhöru, uyö wonswe yaatabhutirwë mu-nyansha iyö ikwibhugha omorro.