1 Yohana 3:3 - Imuuma Eehya

³ Ömöntö wowonswe igho ono akwitengʼera igha atuubhane na Yëësu Kiristo, aisaabhuure, abhe ömöhörëëru kya Yëësu Kiristo.

1 Yohana 3:3 ပူးပေါင်းရင်းမြစ်များ

Mataayo 5:48

Mbe, mobhe abharöngë kya Suwëënyu uwa mu-ryobha bhono arëngë uwa heene.”

Ruuka 6:36

Mwabhere abhantö, kya bhono Suwëënyu uwa mu-ryobha akwabhera abhantö.

Yohana 17:19

Ndaitoora-ho öni umwene ku-uwe, ko okoghera iya bho, okore bhahörëëribhwi ko obhoheene ubhwaho.

Amangʼana agha Abhatomwa 15:9

Ku bhuyö keno Waryobha yaakörrë kö-bhëëtö, nkyo yaakörrë na ko bheene bhonswe. Nkoghamba ndë igho ko bhoora bhonswe mbaasaabhuurrwë senkoro isyabho, ko okohetera ukukumya Yëësu.

Abharuumi 15:12

Kora ömörööti Isaaya wonswe yaaghambirë igha, “Mu-bhuhiiri Yeese ömöntö aryebhoka-mo, ono areetonga amakabhira ghonswe igho, uyö we abhantö abha ibhyaro bhyonswe igho, bharyesegha igha arebhatöörya.”

2 Abhakörintö 7:1

Mbe, abhaghonshe abhaane, ko bhono mokomaaha igha m-maaru ghano Waryobha yaatoraghania, ku bhuyö ni-igha twisaabhuure, tutighane na ubhunyanku bhwonswe igho, ubhwa kinyamöbhërë na kinyamwika. Tobhe abhahörëëru ko-nshera iya okosooka Waryobha.

Abhakorosaai 1:5

Umukumo na righonshe, bhiyö n-ko okoghera iya ubhweseghe ubhwa ituho eno Waryobha yaabhasëëmërya mu-ryobha. Mwaaighuurë amangʼana amaiya agha ubhweseghe bhuyö, enkaagha eno mwaaraarëkëëywë engʼana iya obhoheene iya Yëësu Kiristo. Engʼana iyö, yo Amangʼana Amaiya agha Yëësu Kiristo.

2 Abhatësarönikë 2:16

Omonene uwëëtö Yëësu Kiristo na Waryobha Taata uwëëtö ono atohanshirë, na kö örööbhö urwaye, nkötöröörësya arë amakora ghonswe igho, na okotohaana ubhweseghe ubhurito. Nkosaasaama törë igha,

Tiito 3:7

Ni-igho Waryobha yaakörrë, kora akatokora tobhe abhantö abha heene, kö örööbhö urwaye, okore toraaghere umwandö ughwa öbhöhöru ubhwa amakora ghonswe igho, kya bhono tukwitengʼera.

Abhaëbhuraania 12:14

Mbe, bhoono ni-igha mokore omotono ughwa okobha na omorembe ko-bhantö bhonswe igho, na öbhöhörëëru bhwonswe, ko bhoora taaho ömöntö ono aremaahana na Omonene, ataana öbhöhörëëru bhuyö.

Abhaëbhuraania 6:18

Mbe, maaha igha, bheeho ëbhëntö bhibhërë bheno Waryobha yaakora, okoraghania na ukutyana, ku bhuyö tariisyörya ghwiki hë, ko bhoora we te-morongo hë. Bhoono bhëëtö bhano twamongʼosera-ko, tobhe na obhokarë ubhwa ukwesegha amangʼana ghano ghakuusha.

Abhaëbhuraania 7:26

Omonene uwa abhasëngëri kya uyö, we akutunwa kö-bhëëtö, ko bhoora m-möhörëëru, taana isoro hë, taana obhoghogho hë, hare arë na ëbhëbhë, yaainyökibhwa ukughya mu-ryobha.

Yaakobho 4:8

Musuntarrenga Waryobha, ho wonswe araabhasuntarre. Bhëënyu abha ëbhëbhë, mutighe ëbhëbhë ibhyënyu, mokore amangʼana amaiya, bhëënyu bhano motashirë eno na eno, momosoorane ko senkoro isyënyu syonswe igho.

1 Peetero 1:15

Kasi kya bhono Waryobha ono yaabhabherekera, m-Möhörëëru, mbe, ku bhuyö na bhëënyu bhonswe ni-igha mobhe abhahörëëru ko seteemo isyënyu syonswe igho,

1 Peetero 1:3

Tukumi Waryobha, Suwaabho Omonene uwëëtö Yëësu Kiristo. Nkumukumya törë ko okoghera iya ubhwaru ubhwa ikyabhera ikyaye, keno kyaaghërrë akatwebhora bhohya, okohetera ku ukuryökya Yëësu Kiristo ukurwa mo-bhaku. Ku bhuyö, bhoono tunyöörrë ubhweseghe ubhwa öbhöhöru.

2 Peetero 1:4

Ko okoghera iya ghayö, yaatohaana imituho emenene ighya ubhwera, kya bhono yaatoraghaini. Imituho ghiyö, nkötötöörrya ghërë ukwibhasha obhoghogho bhono bhokoreetwa na oronamba oroghogho, urwa ko-kebhara kono. Ghwiki nkötötöörrya ghërë, okore tosange eteemo iya Waryobha.

2 Peetero 3:14

Ku bhuyö abhaghonshe abhaane, enkaagha eno mokeghanya urusikö ruyö, mokorenga omotono ughwa okobha na enkoro inshiiya bhököngʼu, motakaabha na risoro ku-Waryobha, kora mobhe na omorembe.

1 Yohana 2:6

Hano ömöntö yaghamba igha aana öbhömwë na Waryobha, ni-igha abhe kya bhono Yëësu yaarë.

1 Yohana 4:17

Ni-igho righonshe rekohekerana mö-bhëëtö, okore tuushe okobha na obhokarë urusikö roora urwa okobhotorrwa ikiina. Ko bhoora öbhömënyi ubhwëtö ko-kebhara kono, mbutuubhaini kya bhoora Yëësu yaamënyirë ko-kebhara kono.