1 Yohana 3:2 - Imuuma Eehya

² Abhaghonshe abhaane, ntomanyirë igha, bhoono m-baana abha Waryobha törë, kasi teraamanyekana bhuuya kya bhono torebha hë. Keno tomanyirë ni-igha, hano Yëësu Kiristo arikyora ko-kebhara kono, nturituubhana nawe, ko bhoora ntoremomaaha bhono arë.

1 Yohana 3:2 ပူးပေါင်းရင်းမြစ်များ

Mataayo 5:8

Nyakara bhano bhahanshirë Waryobha këmwëkëmwë, ko bhoora mbaremomaaha.

Ruuka 17:30

“Ni-igho erebha urusikö urwa okohonyorwa ukwane öni Omoona uwa Ömöntö.

Ruuka 20:36

Ko bhoora tebharikwa ghwiki röndë hë. Mbarebha kya igho abhamaraika bharë. Mbarebha abhaana abha Waryobha, ko bhoora bhariryökibhwa ukurwa mo-bhaku.

Yohana 1:12

Kasi abhantö bhonswe igho bhano bhaamukumiri, yaabhakörrë bhabhe abhaana abha Waryobha.

Yohana 11:52

Te-ko okoghera iya Abhayahudi abheene igho, kasi n-ko okoghera iya okokomania abhaana abha Waryobha bhano bhaanyaraghana okore, bhabhe hamwë.

Yohana 17:24

Abhantö bhayö waangʼaana Taata, nkwighomba ndë bhabhe hamwë na öni ahasë hano ndebhanga, okore bhamaahe ubhuhika ubhwane bhono waangʼaana, ko bhoora waanhanshirë, kora ekebhara keno ketaraabhombwa.

Abharuumi 8:16

Umwika Ömöhörëëru uyö, we akokangʼasërrya mo-senkoro isyëtö igha, bhëëtö m-baana abha Waryobha törë.

Abharuumi 8:18

Ku bhuyö inyaanyi iyëëtö iya bhoono igho, të-këntö hë, hano nagherengʼaania na ubhuhika bhono Waryobha aretohaana.

Abharuumi 8:19

Ëbhëntö bhyonswe igho bheno bhyaabhombwa, nkoghanya bhërë bhököngʼu, enkaagha eno Waryobha arehonyora harabhu igho abhaana abhaaye.

Abharuumi 8:29

Waryobha yaamanyirë abhantö abhaaye kora ataraabhomba ekebhara. Bhayö mbo yaashaaghööyë bhabhe kya bhono Omoona uwaaye Yëësu Kiristo arë. Yaakörrë igho, okore Omoona uwaaye Yëësu Kiristo uyö, abhe omotangi ko-bhakumya abhaaru abha Waryobha.

1 Abhakörintö 13:12

Okomaaha kono tokomaaha bhoono igho, n-kwa mawëëriwëëri, n-kya hano ömöntö yamaaha ëkëntö mu-kitu, kasi iriihika-ho enkaagha eno toremaaha bhuuya. Bhoono igho n-kerengere keke igho ikya amangʼana keno mmanyirë, kasi enkaagha iriihika-ho eno ndemanya bhuuya kya igho öni umwene mmanyirwë bhuuya na Waryobha.

1 Abhakörintö 15:49

Na kya igho twaabhaayë na ituubho iya Adamu ömöntö uwa ku-rirobha, ni-ighoigho ghwiki torebha na ituubho iya Yëësu Kiristo uwa mu-ryobha.

1 Abhakörintö 2:9

Kasi n-kya bhono Amaandeko Amahörëëru ghakoghamba igha, “Taaho ömöntö ono yaarööshë, akaighwa, handë okotoora mo-nkoro iyaaye, amangʼana ghano Waryobha yaasëëmëëyi abhantö bhano bhamohanshirë.”

2 Abhakörintö 3:18

Bhëëtö bhonswe igho bhano totakundikiiyi ubhusyö, m-bëëtö emerengaari ighya Omonene ghekohetera-mo kya ikyowa. Omonene ono ërëngë igha we Umwika, nkutusyörya arë, tutuubhane nawe, ukurwa ko-merengaari okohekera ko-merengaari ëmërörö bhököngʼu.

2 Abhakörintö 4:17

Nkoghamba ndë igho, ko bhoora igha, inyanko iyëëtö ëhöhö eno, iya ribhagha ike igho, nkotoreetera ërë ubhuhika obhonene bhököngʼu ubhwa amakora ghonswe igho.

Abhagharatia 3:26

Ku bhuyö bhëënyu bhonswe igho m-baana abha Waryobha mörë okohetera ku umukumo, ko bhoora igha, moghootaini na Kiristo Yëësu.

Abhagharatia 4:6

Ko bhoora bhëëtö bhoono m-baana abha Waryobha törë, Waryobha yaatoma Umwika uwa Omoona uwaaye mo-senkoro isyëtö. Umwika uyö we akoghera torabherekera Waryobha igha, “Abha,” ensonga iyaamo ni-igha, “Taata.”

Abhafiripi 3:21

We aana obhotoro ubhwa okotoora ëbhëntö bhyonswe igho, bhebhe hansë iya öbhötöngi ubhwaye. Ko obhotoro bhuyö, narisyörya ëmëbhërë ighyëtö ëmëtëntëëru gheno, ghebhe na ubhuhika kya bhoora ömöbhërë ughwaye ghörë.

Abhakorosaai 3:4

Öbhöhöru ubhwënyu nku-Kiristo bhukurwera. Enkaagha eno aremaahekana, ho na bhëënyu moremaahekana hamwë nawe, na okosanga nawe ubhuhika ubhwaye.

Abhaëbhuraania 9:28

Amangʼana ni-ighoigho gharë igha, Yëësu Kiristo wonswe, yaakörrwë ikimwenso kamwë igho, okore agheghe ëbhëbhë ibhya abhantö abhaaru. Kasi hano ariisha urwa kabhërë, të-bhëbhë ariisha komara-ho hë, kasi nö-bhöhönia arereeta ko bhano bhaana omotono ughwa okomoghanya.

2 Peetero 1:4

Ko okoghera iya ghayö, yaatohaana imituho emenene ighya ubhwera, kya bhono yaatoraghaini. Imituho ghiyö, nkötötöörrya ghërë ukwibhasha obhoghogho bhono bhokoreetwa na oronamba oroghogho, urwa ko-kebhara kono. Ghwiki nkötötöörrya ghërë, okore tosange eteemo iya Waryobha.

1 Yohana 2:28

Bhëënyu abhaana abhaane abhaghonshe, möghëndërri okobha na öbhömwë na Yëësu Kiristo. Möghëndërri igho, okore enkaagha eno arikyora, tokarehe, totakaasha okosooka.

1 Yohana 2:7

Abhaghonshe abhaane, umughiro ghono nkobhandekera te-mohya hë, kasi nu-ghwa kare ghooraghoora, ghono mwaarenga momanyirë ukurwa hano mwaasimiri ukukumya Yëësu Kiristo. Umughiro ughwa kare ghuyö, ngo engʼana iya okohanshana eno mwaighwa.

1 Yohana 3:1

Momaahe bhono Taata Waryobha atohanshirë bhököngʼu, igha bhëëtö tobherekerwe igha, m-baana abhaaye törë! Obhoheene ni-igho törë. Kasi keno kekoghera abhantö abha ko-kebhara kono, bhano bhatakwighwera Waryobha bhatamanyirë igha m-baana abhaaye törë, n-ko bhoora bhatamanyirë Waryobha.

1 Yohana 3:10

Kasi ömöntö ono atakokora amangʼana agha heene, handë ono atahanshirë umukumya murikyaye, uyö temoona uwa Waryobha hë. Ni-igho tokomanyërrya abhaana abha Waryobha bhono bharë, bheena abhaana abha Oghosambwa bhono bharë.

1 Yohana 3:21

Abhaghonshe abhaane, hano oraanyoore totakushuutwa mo-senkoro isyëtö, ntoraakarehe ukuhika haangʼë Waryobha.

1 Yohana 5:1

Ömöntö wowonswe igho ono akukumya Yëësu igha n-Kiristo, uyö we omoona uwa Waryobha. Ömöntö wowonswe igho ono ahanshirë umwibhöri, nkohansha arë kora na omoona uwa umwibhöri uyö.

Okohonyora 2:28

Ömöntö wowonswe ono arekera inyanko iyö, nendemohaana inyota iya nyinkyo.

Okohonyora 22:4

Mbaremomaaha, kera ömöntö naryandekwa iriina irya Waryobha ku-bhusyö ubhwaye.