1 Yohana 3:18 - Imuuma Eehya

¹⁸ Bhëënyu abhaana abhaane abhaghonshe, totakaahanshana ko mangʼana agheene igho hë, kasi tohanshane këmwëkëmwë ko okokorrana ubhwa heene.

1 Yohana 3:18 ပူးပေါင်းရင်းမြစ်များ

Ruuka 7:5

ko bhoora nahanshirë ikyaro ikyëtö. Uyö we yaatohaghaashera inyumba iya esango iyëëtö.”

Yohana 17:19

Ndaitoora-ho öni umwene ku-uwe, ko okoghera iya bho, okore bhahörëëribhwi ko obhoheene ubhwaho.

Abharuumi 12:9

Mobhe na righonshe irya heene ko-bharikyënyu. Ensonga iyaamo ni-igha, mutighe okokora amangʼana amaghogho, kasi mokorenga amangʼana amaiya senkaagha syonswe igho.

Abhagharatia 5:13

Bhëënyu abhakumya bharikyëtö, Waryobha yaabhabherekera okore mobhe abhatöönööni. Kasi motakaakora öbhötöönööni ubhwënyu bhobhe ubhwa oronamba urwa ömöbhërë, kasi mötöörraninga, na mohanshanenga.

Abhaëfësö 4:15

Kasi ikya okokora no-koteebhania obhoheene ubhwa Waryobha ku righonshe. Tobhe abhantö abhakörö ko amangʼana ghonswe igho. Tutuubhane na Kiristo ko bhoora Kiristo n-kya omotwe ko abhasoorani abhaaye.

1 Abhatësarönikë 1:3

Hano twabhasabhera ko-Taata uwëëtö Waryobha, nkuhiita törë umukumo ughwënyu ko amangʼana ghano mokokora. Torahiita omotono ughwa righonshe ghono moonagho, na kya igho monaghirë ku ubhweseghe bhono moonabho ko-Monene uwëëtö Yëësu Kiristo.

1 Peetero 1:22

Öbhömënyi ubhwënyu, nkorengʼaana bhörë na amëëghyö agha heene agha amangʼana agha Yëësu Kiristo. Ku bhuyö senkoro isyënyu syasaabhuurwa, na bhoono nkotora mörë okohansha abhakumya bharikyënyu këmwëkëmwë. Mbe, mohanshane bhököngʼu,

1 Yohana 2:1

Bhëënyu abhaana abhaane abhaghonshe, nkobhandekera ndë amangʼana ghano, okore motakaakora ëbhëbhë. Kasi ömöntö wowonswe igho hano araakore ëbhëbhë, amanye igha ntoona ono akotosabhera ko-Taata Waryobha. Uyö we Yëësu Kiristo, ömöntö uwa heene.

1 Yohana 3:7

Bhoono abhaana abhaane abhaghonshe, motakaikërrya ömöntö wowonswe igho abhangʼaine. Ömöntö wowonswe ono akokora amangʼana agha obhoheene, uyö m-möntö uwa heene ku-Waryobha kya bhono Yëësu Kiristo arëngë uwa heene.

2 Yohana 1:1

Öni omoghaaka uwa ekanisa, nu-uwe umusubhaati nkwandekera ritashandighi reno, hamwë na abhaana abhaaho. Uwe musubhaati, waahorwa na Waryobha hamwë na abhaana abhaaho. Uwe hamwë na abhaana abhaaho, ko bhoheene nembahanshirë. Tö-öni umwene igho mbahanshirë hë, kasi kora abhandë bhonswe igho bhano bhamanyirë obhoheene, mbabhahanshirë.

3 Yohana 1:1

Öni omoghaaka uwa ekanisa, ndakwandekera uwe omoghonshe uwaane Ghaayo. Obhoheene nenkohanshirë.