1 Yohana 3:16 - Imuuma Eehya

¹⁶ Hano Yëësu Kiristo yaaruusiri öbhöhöru ubhwaye ko okoghera iya bhëëtö, yaatwörökëri righonshe irya obhoheene. Kora bhëëtö bhonswe ni-igha turuusi öbhöhöru ubhwëtö, ko okoghera iya abhakumya bharikyëtö.

1 Yohana 3:16 ပူးပေါင်းရင်းမြစ်များ

Mataayo 20:28

N-kya bhoora öni Omoona uwa Ömöntö, tenaasha igha abhantö bhantighinkanere hë, kasi naasha igha, ntighinkanere abhantö, na ukwiruusya öbhöhöru ubhwane, okore ntunguri abhantö abhaaru.”

Yohana 10:11

“Öni nö-öni omokaraabhërri uwa heene. Omokaraabhërri uwa heene, nkwiruusya arë öbhöhöru ubhwaye, okore amangʼöndi aghaaye ghatakaasira.

Yohana 10:15

kya bhono Taata ammanyirë, na öni nemomanyirë. Nö-öni nkwiruusya öbhöhöru ubhwane, okore amangʼöndi aghaane ghatakaasira.

Yohana 13:34

Kasi bhoono ndabhahaana umughiro omohya, ndabharaghërrya igha, ‘Mohanshane. Kya bhono mbahanshirë, na bhëënyu bhonswe mohanshane ighoigho.’

Yohana 3:16

Waryobha yaahanshirë bhököngʼu abhantö bhonswe igho abha ko-kebhara kono. Righonshe riyö, ndyo ryaaghërrë akatoma Omoona uwaaye umumwëmwë, aashe ko-kebhara kono, okore ömöntö wowonswe igho ono akumukumya atakaasira, kasi abhe na öbhöhöru ubhwa amakora ghonswe igho.

Amangʼana agha Abhatomwa 20:28

“Bhëënyu mwiraarerrenga abheene, na okonaghya bhuuya abhakumya. Umwika Ömöhörëëru we yaabhakora mobhe abhaimërërri abhaabho. Ko bhoora Yëësu, we yaabhatungurya okohetera ko-maanyinga aghaaye.

Abharuumi 16:4

Abhantö bhayö, mbaahönirë ukukwa ko okoghera iya öni. Tö-öni umwene igho ono nkobhakumya hë, kasi kora Abhakyaro abha mo-makanisa ghonswe igho, nkobhakumya bharë.

Abharuumi 5:8

Kasi Waryobha yaatwörökya igha natohanshirë bhököngʼu, ko okoreeta Yëësu Kiristo akwe ko okoghera iya bhëëtö, hano twaarenga abhaköri abha ëbhëbhë.

2 Abhakörintö 4:12

Mbe, bhoono ni-igha, bhëëtö nkoghenda törë na uruku, kasi bhëënyu, nö-bhöhöru mukunyoora.

Abhaëfësö 5:2

Mohanshe abhantö abhandë, kya bhono Yëësu Kiristo yaatohanshirë akatukwera, akabha esadaaka na ikimwenso ikyëtö ikya ukurumbaasa bhuuya ku-Waryobha.

Abhaëfësö 5:25

Bhëënyu abhatëti, ni-igha mohanshe bhakëënyu kya bhono Yëësu Kiristo yaahanshirë ekanisa iyaaye, kora akaikwera.

Abhafiripi 2:17

Nenkaruusya öbhöhöru ubhwane, bhobhe kya ikimwenso ikya idivai hamwë na umukumo ughwënyu ghono ghokokorwa ikimwenso ku-Waryobha, öni nendaashomerwe nsange hamwë na bhëënyu bhonswe igho.

Abhafiripi 2:30

Ngambirë igho ko bhoora hake yaarë akwe, ko okoghera iya emeremo ighya Kiristo. Ghwiki yaairëëyë ebheraasi öbhöhöru ubhwaye, okore anhikiri öni ekehaheeno keno bhëënyu mwaakërrwë ukukinhikirya ko bhoora hare naarë.

1 Abhatësarönikë 2:8

Ntwaabhahanshirë bhököngʼu. Ku bhuyö ntwaashömëëywë, te-Mangʼana Amaiya agheene igho twaabhatëëbhëri ukurwa ku-Waryobha hë, kasi ntwaakörrë ghonswe igho ghano ghakotora okobhatöörrya, ko bhoora bhëënyu m-baghonshe abhëëtö mörë.

Tiito 2:13

Tokorenga igho enkaagha tukwitengʼera urusikö urwa obhongʼoore. Urusikö roora Yëësu Kiristo arikyora, amaahekane ku-bhuhika ubhwaye. Uyö we Waryobha uwëëtö, Omonene uwëëtö, na m-Mötöörya uwëëtö.

1 Peetero 1:18

Bhëënyu mwaakoranga amangʼana ghano ghataana ubhwera. Amangʼana ghano mwaakoranga, n-gaara abhakörö abhëënyu bhaaghambirë. Bhoono momanye igha, Waryobha tiyaabhatungurya ukurwa ko-teemo iyö okohetera ko ëbhëntö bheno bhekosareka, kya seehera na esahaabhu.

1 Peetero 2:24

Yëësu yaaghëghirë ëbhëbhë ibhyëtö kö-möbhërë ughwaye, kora akahanekwa ko-mosarabha. Yaakörrë igho, okore ëbhëbhë bhetakaatobhaaha ghwiki, okore tobhe na öbhömënyi bhono bhökötëghërya Waryobha. Bhëëtö twaahona ko okohetera okotemwa ukwaye.

1 Peetero 3:18

Yëësu Kiristo wonswe n-kamwë igho yaakuurë ko okoghera iya ëbhëbhë ibhyëtö, okore atwighwerrani na Waryobha, kasi tiyaarë na ëbhëbhë bhyobhyonswe igho hë. M-möntö uwa heene yaarë. Yaaitirwë kinyamöbhërë, kasi ko obhotoro ubhwa Umwika Ömöhörëëru, akanyoora ghwiki öbhöhöru.

1 Yohana 2:6

Hano ömöntö yaghamba igha aana öbhömwë na Waryobha, ni-igha abhe kya bhono Yëësu yaarë.

1 Yohana 2:9

Ömöntö wowonswe igho ono akoghamba igha mo-bhorabhu arë, na eno arëghirë umukumya murikyaye, uyö mu-kisuntë akërë.

Okohonyora 1:5

na ukurwa ku-Yëësu Kiristo umwimërërri uwa heene. Uyö we yaaryökiibhwi mbere, okore abhe omokama uwa abhakama bhonswe igho ko-kebhara. Yëësu Kiristo natohanshirë, kora yatotashora ukurwa mö-bhëbhë ibhyëtö ku ukutukwera.

Okohonyora 5:9

Bhakarëëtërya Omoona Ringʼöndi rirëëtyö reehya igha, “Uwe wingʼarëëyi okoghegha eketabho kiyö na okonaanora-ko ubhurimbo ubhwa ku-mihuri ighya-ko, ko bhoora uwe waashinshirwë. Okaghorra Waryobha ko amaanyinga aghaaho, abhantö abha amakabhira ghonswe igho, ebheghambo bhyonswe igho, sihiiri syonswe igho na ibhyaro bhyonswe igho.