1 Yohana 3:10 - Imuuma Eehya

¹⁰ Kasi ömöntö ono atakokora amangʼana agha heene, handë ono atahanshirë umukumya murikyaye, uyö temoona uwa Waryobha hë. Ni-igho tokomanyërrya abhaana abha Waryobha bhono bharë, bheena abhaana abha Oghosambwa bhono bharë.

1 Yohana 3:10 ပူးပေါင်းရင်းမြစ်များ

Mataayo 13:38

Ömöghöndö, bhayö na-bhantö bhano bharëngë ko-kebhara kono. Na imbusiro inshiiya, bhayö na-bhantö bhano bhakotongwa na Waryobha. Ëntöki, iyö na-bhantö abha Oghosambwa.

Ruuka 6:35

“Kasi bhëënyu, mohanshe abhabhisa abhëënyu, mobhatöörringa. Mohaanenga abhantö isiirë motakwitengʼera igha, moreehakwa. Hayö ho murituhwa ituho enene, na hayö ho moraabhe abhaana abha Waryobha ono arëngë kighörö iya bhyonswe igho. Ko bhoora Waryobha, m-buuya akokorra abhakora amaghogho, na bhano bhataana umukumo.

Yohana 1:12

Kasi abhantö bhonswe igho bhano bhaamukumiri, yaabhakörrë bhabhe abhaana abha Waryobha.

Yohana 11:52

Te-ko okoghera iya Abhayahudi abheene igho, kasi n-ko okoghera iya okokomania abhaana abha Waryobha bhano bhaanyaraghana okore, bhabhe hamwë.

Yohana 8:44

Bhëënyu na-abha Oghosambwa mörë, ghuyö ngwo suwëënyu. Oronamba urwa suwëënyu urwa okokora ghano akutuna, ndwo monaro. Oghosambwa ukurwa bhosemoka n-ghwiti, ghwiki teghohanshirë obhoheene hë, ko bhoora teghoona obhoheene hë. Hano Oghosambwa ghwaghamba obhorongo, iyö ne-teemo iyaaghwo ko bhoora n-gorongo, ghwiki ngwo suwaabho obhorongo bhwonswe igho.

Yohana 8:47

Ono arëngë uwa Waryobha nkwighwa arë amangʼana aghaaye. Ensonga iya bhëënyu ukwanga koghoota ghano Waryobha akoghamba n-ko bhoora igha bhëënyu, tëmörëngë abhantö abhaaye hë.”

Amangʼana agha Abhatomwa 13:10

“Uwe ore omoona uwa Oghosambwa! Umubhisa uwa obhoheene bhwonswe igho! No-bhorongo ubhwenebhwene bhökökösëëbhësya orangʼaina abhantö. Nkusyörya örë amangʼana agha enshera ëndöngë iya öbhöhöru iya Omonene Waryobha, igha m-borongo!

Abharuumi 13:8

Motakaabha na isiirë yoyonswe igho, kasi isiirë iyëënyu ebhe iya okohanshana ukwene igho. Ko bhoora ömöntö uwa righonshe ono ahanshirë bharikyaye, uyö nkunyoora örë ahekeraini bhono imighiro ighya Waryobha ghekoraghërrya igha akore.

Abhaëfësö 5:1

Mbe, ku bhuyö ni-igha mweghe eteemo iya Waryobha, ko bhoora igha bhëënyu, m-baana abhaghonshe abha Waryobha mörë.

Abhakorosaai 3:14

Ekenene ko-ghayö ghonswe igho, ni-igha mohanshane, ko bhoora righonshe nkoreeta rërë öbhömwë ubhwa heene ko bhonswe igho.

1 Timoteo 1:5

Ensonga iya amaraghërryö ghano ni-igha, abhakumya bhahanshane, kwa nkoro nshiiya, amaitegherro amaiya na umukumo ughwa heene.

1 Yohana 2:29

Mmomanyirë igha, Yëësu Kiristo n-wa heene. Ku bhuyö momanye igha, wowonswe igho ono akokora amangʼana agha heene, uyö we omoona uwa Waryobha.

1 Yohana 3:1

Momaahe bhono Taata Waryobha atohanshirë bhököngʼu, igha bhëëtö tobherekerwe igha, m-baana abhaaye törë! Obhoheene ni-igho törë. Kasi keno kekoghera abhantö abha ko-kebhara kono, bhano bhatakwighwera Waryobha bhatamanyirë igha m-baana abhaaye törë, n-ko bhoora bhatamanyirë Waryobha.

1 Yohana 3:2

Abhaghonshe abhaane, ntomanyirë igha, bhoono m-baana abha Waryobha törë, kasi teraamanyekana bhuuya kya bhono torebha hë. Keno tomanyirë ni-igha, hano Yëësu Kiristo arikyora ko-kebhara kono, nturituubhana nawe, ko bhoora ntoremomaaha bhono arë.

1 Yohana 4:21

Mbe, Waryobha atohaayë umughiro igha, ömöntö wowonswe igho ono ahanshirë Waryobha, ni-igha ahanshe umukumya murikyaye.

1 Yohana 4:6

Bhëëtö m-baana abha Waryobha törë. Ömöntö wowonswe ono amanyirë Waryobha, nkutwitegherra arë. Kasi ono atarë omoona uwa Waryobha, takutwitegherra hë. Ku bhuyö ni-igho tokotora okomanya na ukwahora abhantö bhano bhakotangatwa na Umwika Ömöhörëëru uwa obhoheene, na bhano bhakotangatwa na ëkëhwë ikya obhorongo.

1 Yohana 4:8

Kasi ömöntö wowonswe igho ono atahanshirë bharikyaye, uyö tamanyirë Waryobha hë, ko bhoora Waryobha we arëngë righonshe.

1 Yohana 5:19

Ntomanyirë igha, bhëëtö m-baana abha Waryobha törë. Kasi abhantö abhandë bhonswe igho bhano bhatakwighwera Waryobha, bhayö nkobhaahwa bharë na Oghosambwa.

1 Yohana 5:2

Nkomanya törë igha ntohanshirë abhaana abha Waryobha, ko okohansha Waryobha na okoghoota imighiro ighyaye.

3 Yohana 1:11

Bhoono Ghaayo omoghonshe uwaane, otakeegha okokora amangʼana amaghogho ghayö. Kasi weeghe eteemo iya abhantö bhano bhakokora amangʼana amaiya. Hano ömöntö yakora amangʼana amaiya, nkwörökya gharë igha, ömöntö uyö, m-moona uwa Waryobha. Kasi ömöntö ono akokora amangʼana amaghogho, uyö tamanyirë Waryobha hë.